Ерөнхийлөгчийн оролдлого дахиад л бүтэлгүйтэв

2008/08/19
Share |
Ерөнхийлөгчийн оролдлого дахиад л бүтэлгүйтэв

Ерөнхийлөгч Н.Энхбаяр УИХ-ын анхдугаар чуулганыг үргэлжлүүлэхээр өчигдрийн 15.00 цагт тов зарлажээ. УИХ-ын чуулганы танхимд түр үнэмлэхээ гардаж аваад буй МАХН-ын гишүүд, ИЗН-ын дарга С.Оюун иржээ. Харин АН-ын гишүүн Э.Бат-Үүл, Батж.Батбаяр нараас бусад нь ирсэнгүй. Ерөнхийлөгч Н.Энхбаяр хуралдааны эхэнд "УИХ-ын анхдугаар чуулганы үйл ажиллагааг хэвийн явуу­лах нөхцөл байдлыг хангах талаар ярьсан. Хамгийн сүүлд наймдугаар сарын 14-нд товлосон хэдий ч ирц бүрдээгүй. МАХН, АН-ын дарга нарт болон шинээр сонгогдсон гишүүдэд хандаж УИХ-ын Тамгын газраар дам­жуулан бичиг явуулсан бай­гаа" гээд намуудаас ирүүлсэн хариу бичгийг гишүүдэд та­нилцуулахыг УИХ-ын Тамгын газрын дарга Д.Сандаг-Очи­роос хүсэв. МАХН-ын албан бичигт өвлийн бэлтгэл, үнийн өсөлт, улсын төсвийн тодот­гол хийх зэрэг олон чухал ажил байгаа төдийгүй Засгийн газрыг шинээр зохион бай­гуулах шаардлагатай гэж үзэж байгаагаа дурдаад анх­дугаар чуулганыг үргэлж­лүүлэх хуралдаанд оролцо­хоо мэдэгджээ.

Харин АН-аас "Ерөн­хий­лөгч та УИХ-ын танхимаас олон нийтэд хандаж парла­ментад суудал авсан намууд хуралд оролцох эсэхээ бич­гээр мэдэгдсэн үед хурал зарлана гэж хэлсэн.  Гэтэл та өнөөдөр 15:00 цагаас хурал зарлаж Монгол Улсын хууль тогтоомжийг зөрчихөд тул­гасан, зөвшилцлийг огоорч нэг талын байр сууринд илэр­хий үйлчилсэн алхам дахин хийсэнд Ардчилсан нам ха­рамсч байна. Тэгээд ч Ард­чилсан намаас МАХН-д хан­даж зөвшилцлийн дэлгэрэн­гүй хувилбарт гарын үсэг зурах санал тавьсан ч МАХН-ын зүгээс түүнд гарын үсэг зурах тодорхой алхам хийгд­сэнгүй. Мөн УИХ-ыг Үндсэн хуулинд заасанчлан 76 ги­шүүнтэйгээр байгуулах тухай Сонгуулийн ерөнхий хорооны албан ёсны шийдвэр Танд ирээгүй байн

Ерөнхийлөгч таны хэл­с­ний дагуу намуудаас байр сууриа албан ёсоор бичгээр илэрхийлж, сонгуулийн нэгд­сэн дүн хуулийн дагуу өргөн баригдсан тохиолдолд УИХ-ын хуралдаан зарлахаар болсон гэж бид ойлгож байгаа. Дээр тавигдсан нөхцөлүүд бий болсон тохиолдолд Ардчил­сан намаас УИХ-д шинээр сонгогдсон түр үнэмлэхээ авсан гишүүд тангараг өргөх ёслолд оролцоход бэлэн бай­гааг танд дахин уламжилж байна" гэсэн хариу өгчээ. Д.Сандаг-Очир дарга "АН-ын гишүүдэд албан бичиг хүр­гүүлсэн, утсаар давхар мэ­дэгд­сэн" гэдгээ Ерөнхий­лөгчид уламжлахад Ерөнхий­лөгч Н.Энхбаяр ИЗН-ын дарга С.Оюунд үг хэлэх бололцоо олгов. С.Оюун гишүүн "СЕХ-ны тойрог, хэсгийн хороод нь гаргасан тогтоолоо хэрэг­жүүлэхгүй байна. Тогтоолоо биелүүлэхгүйгээс гацаа га­раад байна. Тухайлбал, дол­дугаар тойргийн хэсгийн хо­роод хуурамч тогтоол үйлд­сэн. Долдугаар сарын 2-ны хуралд оролцсон хэсгийн хороодын олонхи гишүүн нь саналын хуудсыг дахин тоо­лох шийдвэр гаргасан байтал дарга нь хурлын тогтоолыг эсрэг шийдвэр­тэйгээр гарга­жээ. Энэ талаар СЕХ-ны дарга Б.Баттулгад уламжлахад хариу өгөхгүй удаж байна" гэж байв. С.Оюун гишүүнийг үгээ хэлж дуу­саагүй байхад Э.Бат-Үүл гишүүн чанга яригч­гүй­гээр "Ерөнхийлөгч яагаад на­муу­дын дарга нарт үг хэлэх бо­лолцоо олгоод байгаа юм бэ. Энэ чинь хууль зөрчсөн хэ­рэг. Ямар хуулийн заалтыг үндэслэж намын дарга нарт бичиг явуулж байгаа юм бэ. Парламентын ардчилал эрс­дэлд ороод байна. Анхдугаар чуулганыг хуралдуулахад л намуудтай зөвшилцсөн шүү дээ. Дахин намын дарга нарт хандаж бичиг явуулах шаард­лагагүй" гэлээ.

Н.Энхбаяр: -УИХ-ын үйл ажиллагааг хэвийн үргэлж­лүүлэх үүднээс бичиг явуул­сан. Зөвхөн намын дарга нарт ч бус бүх гишүүдэд хандсан. Өөр хууль эрх зүйн ямар ч хөшүүрэг алга. Арга ядаад УИХ-ын хуралдаанд оролцох ёстой бүх субъектэд хандсан. Нэг талыг барьсан юм байх­гүй. Намын байр суурь, мэ­дэг­дэл гэдэг утгаар нь намын дарга нарт үг хэлэх бололцоо олгосон.

Э.Бат-Үүл: -Буруу жишиг тогтоож байна. 2004 онд МАХН яг ингэж гацааж байсан шүү дээ. Төрийн институтиц хуулиар зөвшөөрөгдсөнөөс өөр үйл ажиллагаа явуулж болохгүй. Намын дарга нарыг үг хэлүүлж болохгүй.

Ц.Нямдорж: -2004, 2008 оны хооронд ялгаа бий шүү. 2004 онд олонхи болсон эсэх нь мэдэгдэхгүй байсан.

Э.Мөнх-Очир: -Та на­рын хэдэн онд яасан нь бидэнд хамаа алга. Танай намын гишүүд хаана байна?

Э.Бат-Үүл:-Би Ерөн­хий­лөг­чид хандаж ярьж байна. Та нар дундуур орж ирээд байна. Яагаад намын дарга нарт бичиг явуулсан бэ?

Н.Энхбаяр: -УИХ-ын чуул­ганыг хуралдуулах, ги­шүүдийг тангараг өргүүлэх хууль эрх зүйн ямар ч хөшүү­рэггүй. Хуралдаанд орж ирэх­гүй байгаа гишүүдтэй хариуц­лага тооцох механизм байх­гүй. УИХ-ын бүх гишүүдэд бичиг явуулсан. Энд дуртай нь орж ирээд намайг загнадаг. Намайг загнах амархан. Эл­бэ­гээ даргаа дагуулаад ороод ирээ ч дээ. Хууль эрх зүйн хөшүүрэг нь бичиг явуулах. Бичиг явуулсныхаа төлөө загнуулж байна.

Д.Лүндээжанцан: -Тө­рийн тэргүүний Ерөнхий сайд, УИХ-тай харилцах харил­цааны талаар холбогдох хуулиу­дад бий. Бичиг явуу­лахаас өөр хөшүүрэг бай­даггүй.

Э.Бат-Үүл: -Надад мик­рофон өгөхгүй юм уу?

Н.Энхбаяр: -Ёстой жин­хэнэ өгөхгүй гэсэн хөшүүрэг нь байна. Хуульд захирагдаж ажиллая.

Батж.Батбаяр: -УИХ-ын гишүүн өргөх тангарагт "Мон­гол Улсын Их Хурлын гишүүн би ард түмний элчийн хувьд, ард түмний ашиг сонирхлын төлөө..." гэсэн байна. УИХ-ын гишүүн тангараг өргөх эсэхээ намаасаа асууна гэсэн юм байхгүй. Өргөх нь өргөг, байх нь байг. Дараа нь "Би өргөхгүй ээ гээд байхад та нар намайг өргүүлсэн" гэвэл яах вэ.

Э.Бат-Үүл: -Тангараг өр­гө­хөө намаасаа асууж бо­лох­гүй. Үндсэн хуульд тэгээд заагаад өгчихсөн байгаа. Цэцэд хандана шүү.

Н.Энхбаяр: -Цэцэд ханд аа, хүний эрхийн хувьд Цэ­цэд хандах эрхтэй. Дараагийн УИХ-ын сонгууль болохоос өмнө чуулганы үйл ажилла­гааг хэвийн явуулах хөшүү­рэгтэй болох шаардлагатай юм байна. Намууд болон гишүүд идэвхтэй ажиллаач ээ. 57 хүн байж байж тангараг өргөх ёстой" гэснээр үргэлж­лээгүй чуулганы хуралдаан өндөрлөв.

Эх сурвалж: Өдрийн сонин

Танд манай нийтлэл таалагдаж байвал LIKE дараарай!
Сэтгэгдэл
jaoiopmser êóïèòü ñîëè ÷åðåç çàêëàäêó что такое марки наркотиРºÐ¸ укол в пах чифирь это спейс платинуР¼ тв ÑÐ¼Ð¾Ñ‚Ñ€ÐµÑ‚Ñ Œ онлайн купить Хэш КондопоР³Ð° лсд купить соль закладкР¸ трубка для гашиша çàêëàäêè ñîëåé âîëãîãðàä купить Кокос ЧеркессРº порох закладкР° экстази купить в барнаулРµ Ð¼ÐµÐ¶Ð´ÑƒÐ½Ð°Ñ €Ð¾Ð´Ð½Ð¾Ðµ названиРµ димедроР» psilacetin Купить Кокаин в Ð‘ÐµÑ€ÐµÐ·Ð¾Ð²Ñ ÐºÐ¾Ð¼ тарена таблеткР¸ купить ????????????? ??? ?? áîøêè åêàòåðèíáóðã çàêëàäêè как сделать нарко соли насвай как сделать Купить Кокаин в Великом Луки-1 купить Афганка Тетюши купить Кокаин Шелехов ЗакладкР¸ стаф в Ялте купить Первый ÐœÐ°Ð»Ð¾ÑÑ€Ð¾Ñ Ð»Ð°Ð²ÐµÑ† закладкР¸ г тюмень áîòû â òåëåãðàììå çàêëàäêè Реагент в Сарове купить Шишки Нурлат соль для ванн кристалР¸ÑƒÑ харьков соли закладкР¸ сайт с закладкР°Ð¼Ð¸ соли эфедрин группа формула амфетамР¸Ð½ Шишки в Кирово-ч
IP:193.93.192.48  2017-12-31 02:33:05
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.