Ц.Элбэгдорж бууж өгөх болоогүй

УИХ-ын сонгуулийн будилаанаар далимдуулан өөрийн намдаа Засгийн газарт багтах эрхийн хамт УИХ-ын даргын суудалтай авахаар санаархаж байгаа АН-ын дарга Ц.Элбэгдорж МАХН-ынханд бууж өгөх хүсэлгүй хэвээр байна. Олимпийн анхны аваргын баярыг тэмдэглэхээр ерөнхийлөгч, МАХН-ын дарга хоёртой хөтлөлцөн халамцуухан Төрийнхөө ордны өмнө гарч ирэхэд нь тэднийг эвлэрлээ, төрөө гацаанаас гарах нь гэж хүмүүс баярлаж байсан ч энэ бол зүгээр л хошгируулалт байсан гэдэг нь тун ч удалгүй тодорхой болсон. Тэгвэл одоо Ц.Элбэгээ санасандаа хүрэхийн МАХН-ын дарга С.Баяртай ганцаарчилан уулзаж, тохиролцохоор хичээж байгаа аж. Үүнийгээ ч хэвлэлийнхнээс төдийлөн нуухгүй байгаа билээ.

www.factnews.mn