Их аварга Д.Дагвадорж японд брэнд дэлгүүрийн нээлтэн дээр нүдээ хөхөртөл нанчилдсан уу

2008/09/01
Share |
Их аварга Д.Дагвадорж японд брэнд дэлгүүрийн нээлтэн дээр нүдээ хөхөртөл нанчилдсан уу

Мэргэжлийн сумогийн 68 дахь их аварга Асашёорюү Дагвадорж эх орондоо сумогийн дээд зиндааны томчуудыг авч ирэн Монгол башёг зохион байгуулж байгаа билээ. Харин их аварга маань эх орондоо сумочидтой ирэхдээ зүүн талынхаа нудийг хөх няц болгочихсон ирсэн нь хайрлаж хүндэтгэдэг ард түмнийхээ сэтгэлийг сэрд хийлгэх нэгэн асуултыг дагуулсан. Түүний хацар нүд тэр чигээрээ хөхөрч бүр нүднийх нь цагаан час улаан өнгөтэй болтлоо цус хурсан байсан. Харин түүнийг эх орноо зорихоосоо өмнөхөн Японд нээлтээ хийж байсан Америкийн нэгэн томоохон брэнд дэлгүүрийн нээлтэд оролцож байхдаа хүмүүстэй муудалцан ийнхүү нүүр нүдээ хөхрүүлсэн гэх яриа арлын орноор нэг тарсан гэх сураг дуулдсан. Энэхүү яриа хэрвээ үнэн бол их аварга маань өмнөх алдаануудаасаа суралцан хал үзэж хашир суугаагүй л байгаа бололтой. Д.Дагвадорж өмнө нь хаа нэг газар тавьтаргүйтэж машины толь хүртэл хага базах зэргээр хэрдээ л хөөрхөн шуугиан тарьчихдаг сумогийн ертөнцийн цөс ихтэй Монгол хөвүүнээр зүй ёсоор тооцогдож явсан цаг саяхан. Харин тухайн үед ээж нь “Миний хүү их аварга хүн. Их аварга хүнд сүр хүч, омог бардам зан, омгорхол байлгүй яадаг юм” хэмээн эхийн сэтгэлээр өмөөрсөн нь олныг уяруулж байлаа. Гэвч “Их мөрөн дөлгөөн, эрдэмт хүн даруу” гэх ардынхаа сайхан үгийг санан их аваргын дайтай биеэ авч явахгүй бол бол гадаадын бөхчүүдэд хамаг түрүүгээ алдаж байгаа Япончууд алдаа бүрийг нь эцгийн ёсоор уучлаад сууна гэвэл том эндүүрэл болох болов уу. Ямартай ч их аварга маань эх орондоо Монгол башёг зохион байгуулахаар сүр дуулиантайхан ирэхдээ өөрөө хөхөрч, улайсан нүүртэйгээр ард түмэндээ Японы их сумочдоо танилцууллаа.

Эх сурвалж: Хүмүүс сонин

Танд манай нийтлэл таалагдаж байвал LIKE дараарай!
Сэтгэгдэл
Embkhzbg , http://vkmonline.com/blogs/pos t/1350271 MALI_SIGNALI:_Sedam_sigurnih_z nakova_da_mu_se_sviđaš, http://vkmonline.com/blogs/pos t/1350161 Domaci_sajtovi_za_upoznavanje
IP:5.188.219.135  2018-12-14 01:30:31
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.