“Мон -Уран” Наранхүү “Нарантуул” -ын Сайхансамбуутай олон жил тэмцэлдсэний эцэст өмнөө сөхрүүлж бизнесийг нь булаалаа

2008/09/02
Share |
“Мон -Уран” Наранхүү “Нарантуул” -ын Сайхансамбуутай олон жил тэмцэлдсэний эцэст өмнөө сөхрүүлж бизнесийг нь булаалаа

Сайхансамбуу “Нарантуул” захаа хятадуудад олон тэрбумаар зарж, хятадууд бээжин дэнж барихаар санаархаж эхэллээ. Өдрийн хэдэн сая төгрөгийн орлого эзэндээ авчирдаг олон улсын худалдааны төв болох “Нарантуул” зах саяхнаас өөр эзний гарт очиж захаар амь амьдралаа залгуулдаг түрээслэгчдийн дунд үймээн дэгдэж эхэллээ. Зөвхөн захын бие засах газар нь өдөрт сая саяаар нь мөнгө олдог энэ мөнгөний уурхайг Сайхансамбуу захирал яагаад зарах болсон нь тодорхойгүй ч зарим эх сурвалжууд Сайхансамбууг улс төрд хүч үзэх болсныг далимдуулан нөлөө бүхий эрхтэн дархтанууд “Нарантуул”захаа Хятадуудад зар гэж шахсан гэх нь бий. Нөгөө аварга захын үнийг нь Хятадууд бөөнөөр нь өгч чадахгүй хэсэгчлэн егех гэрээтэй өгч авалцаж байгаа.

“Нарантуул” захыг авсан Хятадууд Захын арын гэр хорооллын айлуудыг Халдвартын ар хүртэл зүүн тийшээ “Sunjingrand” зочид буудал хүртэлх газрыг худалдан авч, айлуудыг нь газарт оруулаад байгаа. Сайхансамбуу захирлын захын үнийг бөөнөер нь өгч чадахгүй Хятадууд харин нэг айлын хашааг 30-40 сая төгрөгөөр худалдан авч байгаа тухай иргэд ам уралдан ярилцаж байна. Гэхдээ нэг биш нэлээд айлуудыг тойруулаад өм цөм хашааг худалдан аваад голд нь зараагүй үлдсэн айлуудыг шахаанд оруулж бага менгө сарвайн “нүүвэл нүү ваа” гэж хандах болжээ. Нийслэлээс захирамжтай энэ бүтээн байгуулалтын ажлыг Баянзүрх дүүрэг дэмжиж ажиллахаас аргагүйн дээр Халдвартын ойролцоох зарим аж ахуйн нэгж байгууллагын барьсан болон барьж байгаа барилгын газрыг шууд хүчээр авахад идэвхтэй оролцсон гэх гомдол гарах болов.

Баянзүрх дүүргийн 13, 14-р хррооны нутаг дэвсгэрийнхэн “Нарантуул” захыг бараадан амьдарч ирсэн, зах дээр наймаа хийдэг иргэд байдаг. Гэтэл гэнэт нэг өдөр эзэн нь захаа зарснаар олон Монголчуудын амь амьжиргаа үгүй болж дээшээ дээдэс холдож доошоо мөргөх газар ч үгүй болов. Сайхансамбуу захирал энэ бизнесээс холдоод ч их хоолноосоо зугтах болсон шалтгаан нь ганц улс төрөөс болоогүй хураасан херөнгөөрөө Монголдоо тайван амьдарч еөрийн гэсэн улс төр бизнесийн бүлэглэл юу юунаас илүү болохыг мэдрэв бололтой. Харин түүний насаараа хийж байгаа энэ бизнесийг хэн хэн булаан авав гэсэн асуулт гарч. Олон жилийн турш зэргэлдээ амьдрах гэж “Дүнжингарав” зах зүтгүүлж байсан “Мон Уран”-ы Наранхүүтэй холбон хардах хүн олон байна.

- Наран туул захад нэг ч монгол түрээслэгч ажиллахгүй “Нарантуул” захын ирээдүй бол Хятад худалдаачдын наймаа Монголд түрж орох эхний алхам. Энэ зах ирээдүйд Хятад худалдаачдаар дүүрэн байх юм гэсэн. Өнөөдөр “Нарантуул” захын баруун талаар баригдсан Хятад худалдааны төвийн үргэлжлэл бол “Нарантуул” зах болох нь. Харин шинээр баригдаад байгаа шөнийн ” 24 цаг” худалдааны төвд нийслэлд нөлөе бүхий алба хашиж байсан нэгэн хатагтайн хувь өндөр байдаг тухай яригдаж байгаа. Юутай ч амжиж Монгол бизнесмэнүүд энэ “24 цаг ” худалдааны төвийг босгоод авсан гэнэ. “Нарантуул” худалдааны төвийн шинэ боссууд яваандаа захыг шинэчлэн нэг ч Монгол иргэнтэй гэрээ байгуулахгүй зөвхөн Хятад худалдаачдыг урих юм гэнэ. Хятадууд “Манайх Эрээн хотод маш том худалдааны төв барьж байгаа.

Монголчуудад зориулсан энэ худалдааны төвд Монголчууд бараагаа зөөж худалдаалах ёстой юм гэнэ. Өөр өөрийнхөө орны барааг л зарах ёстой болж байгаа бололтой. Энэ гэнэтийн шийдвэр хэнд ашигтай вэ? Хятадын Эрээн хотноо очоод худалдаачнаар сууж чадахгүй Монголчууд шинээр баригдаж байгаа “МонУран”-ны Наранхүүгийн “Дүнжингарав” худалдааны төв рүү хошуурах нь. “Дүнжингарав” захын хувьд ч төрөөгүй хүүхдэд төмөр өлгий бэлдэв гэгчээр өвөл, зуны улиралд даарч,халууцахгүй 5000 машины зогсоолтой машины
зогсоол, бие засах газар үнэгүй гэж рекламдаад байгаа. Түүний нөмөрт олон иргэд хоргодон арилжаа наймаагаа хийхээс өөр аргагүйд хүрч байгаа бололтой. Харин захын эргэн тойронд газарт орсон айлуудыг нүүлгэж орон сууцны хорооллууд сүндэрлэх юм гэсэн энэ бүхэн ямар холбоо сүлбээтэй болохыг Наранхүү гэдэг хүн тайлбарлаж чадах болов уу ?

Эх сурвалж: Сэрүүлэг

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.