БНН-ын даргын мэдүүлэг Ц.Элбэгдоржийг тангараг өргөхөд “хүргэжээ”
| Хүмүүс: Цахиа Элбэгдорж | Базарсад Жаргалсайхан | |
.jpg)
АН-ын 28 гишүүнийхээ бүрэн эрхийг хүлээн зөвшөөрүүлэхгүй л бол эрхэм гишүүнийхээ суудалд тухлахгүй хэмээн хатуухан мэдэгдэж байсан Ц.Элбэгдорж гэнэт байр сууриа өөрчилсөн. Үүнийгээ тэрбээр “Сонгуулийн дүн нь эцэслэн шийдэгдээгүй байгаа гишүүд маань намайг тангарагаа өргөхийг шаардаж, парламентын тогоон дотроос бидний төлөө дуу хоолойгоо өргө гэсэн” гэж тайлбарлаж байлаа. Тэгвэл түүнийг УИХ-ын гишүүнийхээ бүрэн эрхийг хэрэгжүүлэх болсон шалтгааны талаар төрийн ордонд арай л өөр мэдээлэл түймэр мэт таржээ. Өөрөөр хэлбэл, долдугаар сарын 01-ний үймээнтэй холбогдон саатуулагдаж байгаа БНН-ын даргын мэдүүлэг Ц.Элбэгдоржийг УИХ-ын гишүүний халдашгүй байдлаар бамбай хийлгэхэд хүрсэн бололтой. БНН-ын дарга Б.Жаргалсайхан эрхэм гишүүний талаар ноцтойхон мэдүүлэг өгсөн гэх яриа гараад байна. Ямар ч байсан УИХ-ын сонгуулийн 24 дүгээр тойргоос парламентад сонгогдсон АН-ын дарга асан Ц. Элбэгдорж өчигдөр тангарагаа өргөж, хуулийн дагуу гишүүнийхээ бүрэн эрхийг эдлэхээр боллоо. Парламентын танхимд тангараг өргөсөн Ц.Элбэгдоржийг 100 хувийн саналаар УИХ-ын гишүүн байж болно хэмээн хүлээн зөвшөөрөв. Үүний дараагаар эрхэм гишүүнийг Аюулгүй байдал, гадаад бодлогын байнгын хороо, Хууль зүйн байнгын хороонд томилсон юм. Ташрамд дурдахад, УИХ-ын сонгууль болоод хоёр cap гаруйн хугацаа өнгөрсөн ч өнөөдрийг хүртэл Д.Дэмбэрэлийн анги халуун ам бүлээрээ цуглаагүй л байгаа. Ямар ч байсан Ц.Элбэгдоржийн хамтаар нийт 69 гишүүний бүрэн эрх нь хүлээн зөвшөөрөгдөөд байна.
эх сурвалж: Өнөөдрийн Монгол
