Б.Баттулгад эрүүгийн хэрэг үүсгэх саналыг прокурорт шилжүүлжээ

2008/09/19
Share |
Хүмүүс: Б Баттулга | 
Б.Баттулгад эрүүгийн хэрэг үүсгэх саналыг прокурорт шилжүүлжээ

СЕХ-ны дарга Б.Баттулгыг сонгууль будлиантуулж, хууль бус үйлдэл хийсэн гэж Ардчилсан нам Улсын ерөн­хий прокурорт хандсан. Уг асуудлыг Хэрэг бүрт­гэх газар шалгаад СЕХ-ны дарга Б.Бат­тулгын үйлдлийг Эрүүгийн хуулийн 264.2, 271.1 дэх заалтыг зөрчсөн байна гэж үзээд Эрүүгийн хэрэг үүсгэх саналтайгаар Нийс­лэ­лийн прокурорт шилжүүлжээ.
Эрүү­гийн хуулийн дээрх зүйл заалтыг тодруулбал, 264. 2-т "Энэ хэргийн улмаас их буюу онц их хэмжээний хохирол учирсан бол тодорхой албан тушаал эрхлэх, үйл ажил­ла­гаа явуулах эрхийг гурван жил хүртэл хугацаагаар хасч хөдөлмөрийн хөлсний доод хэмжээг 50-100 дахин нэмэг­дүүл­сэнтэй тэнцэх хэм­жээ­ний төгрө­гөөр торгох, гурваас зургаан сар хүртэл хуга­цаа­гаар баривчлах эсвэл таван жил хүртэл хуга­цаа­гаар хорих ял шийтгэнэ". 271.1-д "Албан тушаалтан хуурамч бичиг баримт үйлдэх буюу баримт бичигт зориуд худал мэдээ оруул­сан, худал бичсэн, зас­вар оруул­сан буюу он, сар, өдрийг өөр­чилсөн, түүнчлэн баримт бичгийг зориуд хуу­рамчаар үйлдсэн буюу үйл­дэж олгосон бол хөдөлмөрийн хөлсний доод хэмжээг 200-300 дахин нэмэгдүүлсэнтэй тэнцэх хэмжээний төгрөгөөр торгох, эс­вэл нэгээс гурван сар хүртэл хугацаагаар ба­ривч­лах ял шийт­гэнэ" гэжээ. Хэрэг бүртгэх газрын саналыг Нийс­лэлийн прокурор хүлээн авч дээрх хэрэгт хуулийн дагуу дугаар олгож харьяаллын дагуу шил­жүүлдэг юм байна. Ардчилсан намаас СЕХ болон Б.Баттулгад холбог­до­хуйц нотлох баримтуудыг хангалттай бүр­дүүлж өгсөн гэнэ.

Эх сурвалж:Өдрийн сонин

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.