Ургац хураалт дөнгөж 15 хувьтай явна

2008/09/22
Share |
Хүмүүс:
Ургац хураалт дөнгөж 15 хувьтай явна

ргац хураалтын улсын комисс өчигдөр 15.00 цагт хуралдаж Хүнс, хөдөө аж ахуй, хөнгөн үйлдвэрийн сайд  Т.Бадамжунай анхны ажлаа уг хурлаар эхэллээ. Ургацын комисст бүх яамдын дэд сайд, Улаанбаатар төмөр зам, Онцгой байдлын ерөнхий газар, Ус цаг уурын хүрээлэнгийн удирдлагууд оролцлоо. Энэ үеэр Стратеги, бодлого төлөвлөлтийн газрын дарга Ч.Пэрэнлэй ургацын өнөөгийн байдлын талаар танилцуулга хийсэн юм. Тэрбээр “Энэ жил манай улс 200 мянган тонн үр тариа хураана. Үүнээс улаанбуудайн 49, төмс 100, хүнсний ногоо 50 хувийг хангахаар тогтоогдсон. Ийм өндөр ургац авах шалтгаан нь цаг агаар, техник, үр тариа, хөнгөлөлттэй зээл олгосонтой холбоотой гэв.

Га-гаас 13 центр үр тариа авах боломжтой. Энэ нь ерээд оны түвшинд хүрчээ. Өнөөдрийн байдлаар үр тарианы 15 хувийг хурааж байгаа. Нэг га-гаас дунджаар 11.3 центр үр тариа хураан авч буй. Харин төмс хүнсний ногоо 30 хувьтай байгаа аж. Ургац хураалтыг өмнөх жилүүдтэй харьцуулбал өмнөх жилүүдээс удаашралтай байгаа. Болц алаг цоог. Өндөр, өтгөн ургасан учраас ангилан хадалт зайлшгүй хийх шаардлагатай” гэв. Харин сайд “Ургац хураалт 15 хувьтай байна гэдэг бол муу байна. Ургац хураалт дуусахад 15 хоног үлдлээ. Яг ямар аж ахуй нэгж дээр юу дутагдаад байгаа юм. Нарийн тооцоо судалгаа хийх хэрэгтэй” гэв.

Хэдийгээр Атрын-III аян хэрэгжиж байгаа ч гэсэн энэ хэвээрээ байвал ургац хураалт хүн­дэрч төлөвлөсөн ургацаа авч чадахгүйд хүрэх магадлалтай аж. Шинэ сайд ургац хураалтыг түргэсгэхэд анхаарлаа хандуулж эхэллээ. Тэрбээр өнөөдрөөс газар тариалангийн бүс нутгаар явах бололтой.

Эх сурвалж:Өнөөдөр

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.