Нэгэн дарга өөрийн эрх ашгийн үүднээс Үндсэн хуулийг хааж байна

УИХ-ын 25 дугаар той­рогт өрсөлдөн түр үнэм­лэхээ хэдийнэ гардсан Д.Энх­батаас зарим зүй­лийг тодрууллаа.-Баянголын тойргийн сонгуулийн дүн гарахгүй ингэж удаж байгааг та юу гэж үзэж байна. Энэ асууд­лаар Сонгуулийн ерөнхий хороо (СЕХ) ху­ралдах нь гэсэн мэдээлэл байсан?
-Энэ асуултад чинь харин тодорхой хариулах хүн ол­дохгүй байна шүү дээ. Би эхний үед энэ бол үнэхээр С.Эрдэнэ, Н.Баярт­сайхан хоёрын тооллогын дүн мар­гаантай болсон юм байлгүй гэж бодож байсан. Харин удах тутам энэ бол улс төрийн тоглоом болж байгаа юм бай­на гэдгийг олж харах боллоо. Олон хүн бас тэгж ойлгож байгаа байх. СЕХ-ны дарга Б.Баттулга энэ үйл явцад удаа дараа будилсан тайлбар өгөөд байгаа нь өөрөө ч асууд­лыг сайн мэдэхгүй ха­рин захиалга даалгавраар ажиллаад байна уу гэж хараг­дах юм.

-Ингээд удаад байвал та юу хийх вэ?
-Хамт сонгогдсон хүмүүс­тэй нийлээд тэмцэнэ дээ. Тэд ч тэгж бодож байгаа байлгүй. Ер нь энэ бол зөвхөн дөрвөн хүний асуудал биш шүү дээ. Монгол Улсын пар­ламентын, бүр цаашилбал ардчилсан төрийн үйл ажил­лагааны зарчмын асуудал. Энэ удаа асуудал 25 дугаар тойрог дээр гарлаа. Үүнийг зөв шийдэх­­гүй бол цаашид хаана ч ийм явдал давтагдаж болно. Энэ бол хэн нэгэн том дарга өөрийн эрх ашгийн төлөө Үндсэн хуулийг ч тоохгүйгээр сонгуулийн үр дүнг боож хааж болох жишиг эхлүүлж байгаа явдал. Үүнийг ойлгож буй улс төрч ч олон байна. Тэд асуудлыг нухацтай тавьж байгаад талархаж байна.

-Баянголын сонгогч­додоо юу хэлэх вэ?
-СЕХ болон түүний цаана байгаа дарга нар баянгол­чуудын ч эрх ашгийг үл тоом­сорлож байна. Яг өнөөдрийн байдлаар Баянгол дүүрэг Монголын улс төрийн газрын зураг дээр байхгүй болчихоод байна гэж хэлж болно. Жишээ нь энэ Засгийн газрыг бай­гуулахад баян­гол­чууд оролц­сонгүй. Өнөө­дөр Баянгол дүүр­гийн аль ч иргэн энэ бол миний Засгийн газар биш гэж хэлэхэд үнэнээс нэг их хол зөрөхгүй байх. Ийм яриа хийсвэр мэт сонсогдож байж болох ч төрийн эрх мэдэл ард түмний гарт байх тулгуур зарчмыг бид зөрчөөд эх­лэхээр Монголын төр өөрөө сулраад эхэлнэ. Өнөөдөр нэг даргын улс төрийн тоглоом, маргааш нөгөө даргын тог­лоом гэсээр л төр хямарч байгаа шүү дээ. Үүнийг ойл­гож байгаа сон­гогчид маань бидний да­раа­гийн алхмыг дэмжиж нэгдээ­сэй гэж хүсч байна.

Эх сурвалж:Өдрийн сонин