Ямаанд хайртай гишүүд

2008/10/25
Share |
Хүмүүс:
Ямаанд хайртай гишүүд

Гүүнд хайртай морь гэдэг үг сонсож байснаас биш ямаанд хайртай хүн гэж сонсож байсангүй.

 

Өнгөрсөн долоо хоногт УИХ-ын гишүүдийн дийлэнх нь ямаанд гэнэт хайр зарлаад эхэллээ. Тэр ч бүү хэл тэд 30.5 тэрбум хэмээх асар их мөнгийг татвар төлөгчдийн халааснаас гарган ямаачдад өгүүлэх тухай хуулийн төсөл боловсруулчихлаа. Өнгөрсөн хавар ямааны ноолуурын үнэ гэнэт унаж хэсэг бүлэг ямаачидын амьдрал ахуй хэцүүдлээ гээд л бөөн юм яриад байсансан. Уг нь ямаа гээч амьтан чинь бэлчээр сүйтгэдэг их хэмжээгээр өсгөж болдоггүй мал гэсэнсэн. Гэтэл зах зээл эхэлсэнээс хойш ноолуурын үнэ өссөнтэй зэрэгцээд ямааны ч тоо толгой зах замбараагүй их болсон. Гэтэл бэлчээр сүйтгэдэг малынх нь тоо толгой байх ёстой хэмжээнээсээ хэтэрчихээд байхад өсгөх гээд дэмжээд байгаа хууль тогтоогчид юу бодож энэ шийдвэрийг гаргасныг бодоод олохгүй нь. Ард түмнээ дэмжиж байгаа нэг хэлбэр нь юм болов уу гэж бодтол бас үгүй юмаа. Мөн өнгөрсөн долоо хоногийн чуулганаар 10 тэрбум төгрөг гуйж, автобуснуудаа сэлбэхийг нь сэлбэж, засахыг нь засах хүсэл тээн орсон хотын тээвэр зохицуулалтынханд дээрх эрх мэдэлтэнүүд үгүй гэсэн хариулт өгөөд бараг л чуулганы танхимаас хөөж гаргасан юм байх. Амь амьдралаараа дэнчин тавиад автобусанд нь чихэлдэн барин суудаг хотын иргэдээ хайрласангүй, харин ямаачидыг хайрласан хууль тогтоочдын энэхүү алаг үзсэн шийдвэрийн цаана орон нутгийн сонгуулийн дүнг эргүүлэх гэсэн бодлого явагдаж байж магад гэж тайлбарлагсад мэр сэр байна.

www.Factnews.mn

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.