Дуучдын шинэ жилээр дуулах ханш хэд байна вэ

Дуучид уран бүтээлчдийн мөнгө олох боломжтой үе нь шинэ жил болон, сонгуулиар байдаг. Энэ удаа бид дуучдын шинэ жилээр дуулах ханшын жагсаалтыг уншигчиддаа дуулгаж байна.

Эхлээд рок поп дуучдын жагсаалтыг танилцуулъя. Зууны манлай дуучин Б.Сарантуяа энэ удаа хоёр дуугаа 2 000 000 төгрөгөөр үнэлжээ. Үүнийхээ хэрээр урилга заллаганд битүү дараастай байгаа аж. Харин МУГЖ Т.Ариунаа нэг дуугаа хоёр сая төгрөгөөр үнэлсэн нь байгууллагуудад арай л ахадсан үнэ болоод байгаа сурагтай. Тиймээс тийм ч олон газар Т.Ариунаагийн үнийг дийлээгүй гэнэ. “Чингис хаан” хамтлагийнхан хамтлагаараа уригдвал таван дуу дуулаад дөрвөн сая төгрөгийн үнэ хүрч байгаа гэнэ. Харин хамтлагийн ахлагч Жаргалсайхан дангаараа дуулбал 2 000 000 төгрөгийн үнэ хүрч байна. Мэдээж 2-3 дуу дуулах юм гэсэн. “Гранд”, “Хурд” гээд амьд хөгжмийн хамтлагууд иймэрхүү ханштай. “Нисванис”-ынхан энд тэндэхийн урилга гэхээсээ илүү орой болгон очиж дуулдаг “Доргио хаус”-аа илүүд үзэж байгаа гэсэн. “Номин талст” хамтлагийнхан ганц ганцаараа халтууранд гарсан ба Хаянаа, Батсүх, Дэлгэнмөрөн гурав гурвуулаа 1-2 дууг сая төгрөгөөр дуулж байна лээ. Харин Камертоныхон нэг дуугаа сая төгрөгөөр үнэлэв. “Хар сарнай”-гийнхан нэг дуугаа 800 000-р үнэлж, чамгүй ч эрэлттэй байсан. Анхаа Халиун хоёр нэг дуугаа 500 000-р дуулж байна лээ.

Өнгөрсөн зун 800 000-р дуулж байсан “Киви”-гийн халуухан охид энэ удаа үнээ суга нэмж нэг дуугаа 1 500 000-р дуулж байгаа нь өөрсдөөсөө хамаагүй доогуур гэж бодож үнэлж байсан “3 охин”-ыхон сая төгрөгөөр дуулж байгааг сонсоод нэмсэн үнэ гэж ойрын хүрээнийхэн нь хэллээ. “Балхжав 13”-аар алдаршсан Мөнхбат, дуучин Баярцэцэг, Нара, Бичүү гээд рок попын залуу уран бүтээлчид 2-3 дуу дуулаад 100 000 төгрөг авч байсан нь энэ жилийн рок поп дуучдын хамгийн хямд үнэтэй дуучидаар тодорлоо.

Нийтийн дуучдын хувьд энэ жил тунчиг эрэлт муутай байна гэхэд болно. Зохиолын дууны ханхүү Жавхлан Өвөрмонголд явж байгаа учраас шинэ жилээр нэг ч халтууранд гарч чадахгүй нь тодорхой болсон. Дуучин Баясгалан давхар биетэй учраас халтууранд гараагүй. Эрдэнэтунгалаг, Энхмэнд гээд зарим эмэгтэй дуучид 2-3 дуу дуулаад 500 000 төгрөг авч байгаа сурагтай. Ихэнх залуу зохиолын дуучид Солонгост тоглолттой явж байгаатай холбоотойгоор зохиолын дуучдын эрэлт сул байгаа бололтой.

Ганц хоёр дуу нь хит болсон хип хоп хамтлагийн хүүхдүүд харин 4-5 дуу дуулаад 50 000 төгрөгийн үнэ хүрч байсан. Олон жил дуулсан, бас тэгээд нэр алдартай нь энэ жилийн шинэ жилээр халаасаа овоо түнтийлгэж байгаа нь энэ

Эх сурвалж: Factnews.mn