АВТЫН ОСЛООР 6 ХҮН АМИА АЛДСАН ХАРАМСАЛТАЙ ХЭРЭГ ГАРЧЭЭ

2009/03/03
Share |
Хүмүүс:
АВТЫН ОСЛООР 6 ХҮН АМИА АЛДСАН ХАРАМСАЛТАЙ ХЭРЭГ ГАРЧЭЭ

Сар шинийн өдрүүдэд архи хэтрүүлэн хэрэглэсэн, хурдаа тохируулж яваагүйгээс болж, автын ослоор 6 хүн амиа алдсан харамсалтай хэрэг гарчээ. Эхний хэрэг Багахангай өртөөнөөс 3 км-ийн цаана, төмөр замын гарман дээр болжээ. "Тоёота Персел" маркийн машинд 30-40 орчим насны 5 хүн, 3 настай хүүхэд явж байсан байна. Ослоос болж, газар дээрээ 5 хүн нь амиа алдаж, нэг эмэгтэй маш хүнд гэмтэлтэй эмнэлэгт хүргэгдсэн. Хэрэг гарах үед жолооч нь согтуу байсан эсэхийг тодруулахаар цогцсоос шинжилгээ авч, Баганхангайн цагдаагийн байгууллагад шалгаж эхэлсэн байна. Одоогийн байдлаар гэмтлийн эмнэлэгт хүргэгдсэн эмэгтэй биеийн байдал, маш муу байгаа гэсэн мэдээллийг албаны хүмүүс өгч байна. Хэрэг хэний буруугаас болсныг хэлэхэд эрт байгаа гэлээ. Тэгвэл өчигдөр, мөн нэг хүний амь нас авч одсон хэрэг гарчээ. Сархад хэтрүүлэн хэрэглэсэн 20-23 насны 4 залуу хурд хэтрүүлснээс болж осолдож, газар дээрээ нэг нь нас барж, бусад нь эмнэлэгт хүн байдалтай хүргүүлжээ. Хэрэг оройн 18.30 минутын үед Найрамдлын замд гарчээ.

Ганц баяраар ч гэлтгүй энгийн үед ч, орон нутгийн замд автын ослоор амиа алдагсад нэмэгдэж байгаа албаны хүн онцолж байна. Энэ тохиолдлын хэрэг биш. Хараа хяналтгүйг нь далимдуулж, автомашиндаа архидах, уусан үедээ хурд хэтрүүлэн давхих зэрэг нь осол, гэмтлийн гол шалтгаан болж байгаа гэлээ. Баярын өдрүүдэд нийслэлийн хэмжээнд зам тээврийн 25 хэрэг гарч, үүнээс болж 26 хүн бэртэж гэмтсэн байна. Тэгвэл согтуугаар жолоо барьж явсан 161 хүн журамлагдаж, ослын 45 дуудлага бүртгэгджээ. Энэ өмнөх жилийн баярын ачаалалтай харьцуулахад нилээн тайван байсан гэж дүгнэж болохоор байгаа гэлээ.

TB5 tv

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.