Д.Очирбат гишүүн Солонгос киноны гол дүрд тоглов

2009/04/01
Share |
Хүмүүс: С Эрдэнэ |  Р Гончигдорж | 
Д.Очирбат гишүүн Солонгос киноны гол дүрд тоглов

УИХ-ын гишүүн гэж лайтай ч алба байдаг бололтой. Өөрийнхөө асуудлуудыг сонгогчдынхоо хүсэлттэй биелүүлэх гэж ядаж байхад ар гэрийнхэн, ах дүүс нь хүртэл нэрийг нь худалдаж идээд болох юм биш. Ямартаа ч УИХ-ын гишүүн Д.Очирбатын нэрийг энэ удаа хадам ээж нь худалдан иджээ. Тэрбээр хүргэн хүүгээ УИХ-ын гишүүн болсон алтан боломжийг ашиглан залилан хийж ядарсан монголчуудаас цөөнгүй хүнийг хохироож амжсан аж.

Тодруулбал эл элдэвтэй хадам авгай  хүргэн хүүгийнхээ батлан даагчийн гарын үсэг бүхий цаасыг үзүүлэн найдвартай Солонгос явуулж ажиллуулна хэмээн ихээхэн хэмжээний мөнгийг иргэдээс салгаж дөнгөсөн бололтой. Харин эрхэм гишүүн маань “хадам ээж маань ийм зүйл хийх хүн биш” хэмээн гүрэлзэж буй сурагтай. Ард түмэн төрийн төлөөлөлийнхөө гарын үсгэнд найдаж хулхидуулсан эл явдал сүүлийн үед телевизээр гараад байгаа “Эхнэрийн урхи” олон ангит кино шиг үйл явдлыг өрнүүлж байгаа аж. Хамгийн шог нь өнөөх тэнэг “кино”-ных нь гол дүрд эрхэм түшээ маань тоглож, батлан даагчаар гарын үсгээ зурчихсан байдаг нь л тиймхэн.


АН-ын нэр дэвшигчээс их зүйл шалтгаална
Сонгуулийн Ерөнхий хороо Монгол Улсын Ерөнхийлөгчийг сонгох тав дахь удаагийн сонгуулийн товыг зарлаж, нэр дэвшигчид тодроход хэдхэн хоног үлдчихээд байна. Ардчилсан нам, Ногоон нам, Иргэний зориг нам Ерөнхийлөгчийн сонгуульд хэрхэн оролцохоо албан бусаар мэдэгдэж эхэлсэн. Харин Ах нам л хүнээ олчихсон гэсэн шиг нам гүм суусаар л өнөөдрийг хүрч байх шиг. За ямартаа ч ИЗН-ын  Ерөнхий нарийн бичгийн дарга М.Зоригт “АН Э.Бат-Үүл гишүүнийг нэр дэвшүүлбэл манай нам АН-ыг дэмжинэ гэж мэдэгдсэн”. Харин МНН-ын дарга Д.Энхбат “Асуудал тулгарахад АН, МНН-ыг үл ойшоодог. Яадаг юм бэ, АН-ын нэр дэвшигчийн оноог хуваана л биз. Бид ямар нэг намтай эвсэхгүй. Би өөрөө нэр дэвшинэ” гэж омогтойхон хэлсэн. Гэхдээ намын нөхөд нь түүний саналыг үл ойшоож, АН-аас хэн нэр дэвшихийг харан байж л больё” хэмээн үгссэн гэнэ. Тэгэхрээр АН хэнийг нэр дэвшүүлэхээс жижиг намуудын хувьд их зүйл шалтгаалах нь тодорхой болчихоод байна. Яах бол доо харж л байя. АН доторх фракцуудын аль хүчтэй нь л хүнээ гаргаж ирэх байх даа.


Улс төрчид бизнес ухаантай байдаг гэж худлаа юм байна
Засгийн газар байгуулагдснаасаа хойш өдөр өнжилгүй ажиллаж, нойр хоолоо умартан байж Оюутолгойн гэрээний төслийг боловсруулан УИХ-д өргөн барьсан. Харин УИХ тэдэнд “онц муу “ гэсэн үнэлгээг өгч гэрээний төслийг буцаасан. УИХ дахь намууд гэрээний төслөөс болж бие биенээ хардаж чухам л тамын тогооны үлгэрийг санагдуулж буй. Харин УИХ дахь цорын ганц бие даагч болох З.Алтай гишүүн “Маш том наймаа хийх гэж байж харанхуй сохор юм яриад байх юм. Хэрвээ би андуураагүй бол Оюу толгойн орд одоохондоо Монголын ард түмний өмч хэвээрээ байгаа. Энгийн иргэн хүртэл юм худалдан авахдаа сонгож сонжиж үнэ хөлсөө тохирдог. Гэтэл тэр гэрээ гээчид зааснаар бол бид гадаадын компаниас өөрийнхөө баялгийг худалдаж авах юм шиг байна лээ. Хэний юмыг хэнд зарах гээд байгаа нь ойлгомжгүй. Нөгөө талаар 30 жилийн хугацаатай гэрээ байгуулдаг дэлхийд байхгүй практикийг бид хийж турших гээд байдаг нь ямар учиртай юм бэ. Улс төрчид гэж бизнесмэнүүд л байдаг болсон гэдэг шиг худлаа  юм байна. УИХ-д нэр дэвшихдээ өөрийгөө дөвийлгөж нэг их гүйлгээ ухаантай хүн болгох гэж бизнесмэн гэж бичдэг юм уу хаашаа юм бэ” хэмээн уцаартайхан лавлажээ. Хэдийгээр мань эр өөриийн үзэл бодлоо УИХ-ын чуулганы үеэр тоть мэт давтан хэллээ ч цаадуул нь өөрсдийн намын шийдвэртээ үнэнч царайлаад хөөрхийн үгийг тоох биш. Энэ янзаараа бол хөөрхий З.Алтай гишүүн дөрвөн жилийн дараа танигдахын аргагүй өтөл өвгөн болох байх даа, хий дэмий нервтсээр байгаад...


Р.Гончигоо гишүүний болгоомжлол
УИХ дахь хашир бурхинуудын нэг, хорчин гэгдэж алдаршсан гишүүн Р.Гончигдорж улс төрийн хор найруулж толгойгоо гашилгахын хажуугаар өөр давхар толгойн өвчинтэй болсон гэнэ. Түүнийг ийм шинэ толгойн өвчтэй болгох болсон шалтгаан нь УИХ-ын гишүүн Ш.Сайхансамбуу. Нэгэнтээ УИХ-ын нэгдсэн чуулганы үеэр Ш.Сайхансамбуу гишүүн суудлаасаа огцом харайн босч хээв нэг хэнэггүй хөөргөө үнэрлэж суусан Р.Гончигоо гишүүний гарыг атган авч ум хумгүй сэгсчсэн төдийгүй гар юуг нь үнсэж таалсантай холбоотой аж. Түүний эл үйлдлээс болж “Энэ Р.Гончигдорж гишүүн чинь арай ижил хүйстнээ сонирхдог юм биш байгаа” гэх хардлагыг олноо төрүүлээд амжсан. Хорчин хорлогчингоороо дуудуулж сурсан Р.Гончигдорж гишүүн энэ удаа ижил хүйстэн гэж хэлүүлсэндээ тун ихээр сэжиглэн чуулганы танхимаас гарсныхаа дараа ариун цэврийн өрөөнд орж лав л 30 минут гараа савандаж угаан ариулсан юм байх. Түүнээс хойш тэрбээр чуулганы хуралдаан дээр сав л хийвэл Ш.Сайхансамбуу гишүүн рүү болгоомжлосон харц чулуудан үсэрч ирээд үнсчих вий хэмээн айж суух болжээ.


С.Эрдэнэ шууданч тагтаагаар захиа илгээв
Хэцүү нэртийнд хоригдож буй Нийслэлийн АН-ын дарга С.Эрдэнэ журмын нөхдөдөө шууданч тагтаагаар захиа тээн явуулжээ. Ял сонсож амь наана, там цаана болсон байх гэтэл тэрбээр АН-ынхаа ирээдүйд санаа зовнин эл зурвасыг хэрэг болсон бичиглэсэн бололтой. Тэрбээр тэр хэцүү газраас журмын андуудынхаа амарыг эрэн, “Олон жилийн коммунист дэглэм бүхий МАХН-ын хэт хуучинсаг коммунистуудаас сэрэмжилж явснаас биш, ширээ тохойлдон хамтдаа сууж, хэрэлдэж, хэлэлцэж явсан журмын нөхдөөсөө болгоомжилж явсангүй. Эрх мэдэл, албан тушаалын төлөө журмын нөхдөө худалдаж, шоронд өгчихдөг хүмүүс ардчилал, шударга ёс, эрх, эрх чөлөөний баг зүүчихээд надтай хөтлөлцөж явсныг одоо л ухаарлаа. За ямартаа ч ээлжит их хурлаараа намдаа шинэчлэл авчирахгүй бол АН нийгэм, олон түмнээс улам бүр алслан холдсоор гагцхүү цөөн тооны дарга, эрх мэдэлтэнд зусарддаг, албан тушаал, эрх мэдлийн төлөөх хүчин болж хувирвал ардчилалд төдийгүй цаашдаа нийгэмд онц ноцтой аюул учруулж мэдэхээр байна” хэмээн үргэлжилж ард түмнээ болон АН-ын энгийн гишүүдээ албан тушаалын хэнээтнүүдээс холдон зайгаа барихыг сануулжээ. Уг нь тус намын удирдлагууд эл захидлыг хав дарж нам нуухыг санаархсан ч ч өнөө золиг нь аль хэдийнээ тэднийг олж үзэхээс өмнө интернэт сайтад тавигдсан юм байх. Аргаа барсан намын удирдлагууд өдгөө уг захидлыг С.Эрдэнэ бичээгүй гэж бухаад л үзэх байх даа

УБтаймс

Танд манай нийтлэл таалагдаж байвал LIKE дараарай!
Сэтгэгдэл
kiooloas êóïèòü çàêëàäêó õåðñîí что делать если пишет доступ закрыт чаплин 24 бис синтез mda доп наркотиРº кыштым 24 Купить закладкР¸ шишки ак47 в Яхроме Героин в Ð–Ð¸Ð³ÑƒÐ»Ñ‘Ð²Ñ ÐºÐµ начальнР¸Ðº госнаркР¾ÐºÐ¾Ð½Ñ‚Ñ€Ð¾Ð» я ãåðîèí èç çàêëàäîê â ìîñêâå псилоциР±Ñ‹ купить закладкР¸ в Нарьян-м
IP:95.181.218.176  2018-01-09 12:17:49
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.