МУГЖ Т.Баясгалан цолныхоо найрыг 2 удаа хийх болж, бэл хөрөнгөөр ядмагхан нэгэн "өндөр жишиг тогтоолоо" хэмээн дургүйцэв

Урлагийн хүрээний шинэхэн гавъяатуудын нэг Т.Баясгалан тухайн долоо хоногийнхоо амралтын өдөр цолныхоо найрыг хийж, мялаалгын дээж хүртсэн. Баянгол ресторанд болсон уг арга хэмжээндээ ээж, аав, багш нараасаа гадна Д.Батбаяр гишүүний шадарлан нөхөрлөдөг Ардчилсан намынхан голдуу улс төрийн хүрээнийхэн, шашны тэргүүн зэрэг "дээдсүүдийг" урьсан гэнэ лээ. Энэ үеэр сүйт залуу Д.Батбаяр нь 30 саяар үнэлэгдэх дуу бичлэгийн студи бэлэглэн, хос хун мэт цагаан дээлээр ижилсэн гоёсон зураг нь хэвлэлийн хуудаснаа гарсан нь саяхан. Анхны гэж тодотгосны учир тэрээр гавъяатын найраа дахин хийх болжээ. Харин энэ мэдээ нь түүнээс сүүлд төрийн дээд шагнал хүртсэн нэгний сонорт хүрчээ. Тэрээр "Одоо үед хувийн хувьсгалын ажлыг санасан бодсоноороо чөлөөтэй хийж, ашиг орлого ч чамгүй хүртдэг болж. Бидний үеийнхэн харин хурааж хуримтлуулсан юмгүй хүмүүс, цол шагнал дагаж найрлаж наадамлах асуудлаа бэл бэлчиндээ тохируулах гээд хэрдээ л сандарч байна. Зарим баячууд бүр хоёр гурван удаа найр хийх гэнэ. Үүнээс хойш ч гавъяатын найр хийхэд өнлөр жишиг тогтох нь " хэмээн ярьжээ.

Гэхдээ энэ залуухан бүсгүй мэргэжлийн дуучин болсоноосоо хойш тавхан жилийн дотор ийм өндөрлөгт хүрснийг нь үнэлэх хүмүүс олон ч, үгүйсгэх нэгэн ч байгаа. Ямартаа л арлын Японоос алдар нэрд гарч, улмаар Монгол төрийн үйл хэрэгт хошуу, хуруу нэмэх болсон сүйт залуутайгаа хавсайдан энэ цолонд хүрлээ хэмээн гоочлогдож байхав. Харин төрийн тэргүүн нь "май" гээд өгч байхад алгаа тосон авах нь зүйн хэрэг учир Т.Баясгалан олны дунд хэсүүчилсэн таагүй үгсийг үл тоож байгаа бололтой. Тиймдээ ч өөрийн хүрээллийн хүмүүсийг хоёр ангилан найрлахаар шийдсэн биз ээ. Ойрмогхон болох цолны найр нь өмнөхөөсөө тэс өөр уур амьсгалтай байх аж. Учир нь Баянголд нэлээд албаны шинжтэй, төр шашин, эцэг эх, багш нартаа хүндэтгэл үзүүлэх маягийн ёс журам үйлдсэн. Харин энэ удаа дотнын найз, ангийн андууд, хамтарч ажилладаг байгууллагагынхаа төлөөлөгчдийг урьж хөл хөөр ихтэй, өргөн дэлгэр найрлах гэнэ. "Мөнгөтэй хүн лаагаа иднэ үү, луувангаа иднэ үү" хамаагүй ч төрийн дээд одон медиалаар нэр алдраа чимсэн эрхмүүд гавъатын найраа хэдэн удаа, ямар ямар хүрээнийхнийг цуглуулан хийж байгааг нь сонжих ард түмний сониучирхал эхний удаад МУГЖ Т.Баясгалан дээр төвлөрөх болов.

Тэргүүн