Шилэн кабелийн тухай өөр нэг нийтлэл

2009/05/08
Share |
Хүмүүс:
Шилэн кабелийн тухай өөр нэг нийтлэл

Юуны өмнө шилэн кабелийн талаар бяцхан ойлголт өгье. Телефон систем, Кабель телевиз, Интернэт зэргийг ашиглахын тулд холбогдох аргуудыг судлах явцад шилэн кабелийн талаар заавал дурдагддаг. Танд маш ойлгомжтойгоор тайлбарлавал хүний үсний ширхэг шиг нарийхан цэвэр шилээр бүтсэн оптик утсыг л шилэн кабель гээд байгаа юм. Хийх ажил нь маш тодорхой буюу дижитал өгөгдлийг алс хол дамжуулах явдал. Зөвхөн өгөгдөл дамжуулахаас гадна зарим тохиолдолд эмнэлгийн болон инженерийн шийдэлд хэрэглэдэг.

Англи хэл дээр Fiber Optic гэдэг бөгөөд монголчилбол Оптик Шөрмөс гэх юмуу даа. Үндсэндээ Шилэн Шөрмөс ч гэж болно. Энэхүү хүний үсний ширхэг шиг нарийхан шилэн шөрмөсийг олноор нь багцлаад нэг кабель болгосныг ШИЛЭН КАБЕЛЬ гэдэг байна. Сигналыг гэрэл хэлбэрт оруулаад дамжуулдаг болохоор хурд нь гэрлийн хурд шиг л гэж ойлгож болно. Өнөөхөндөө эрдэмтдийн хэрэглэж байгаа хамгийн өндөр хурд бол гэрлийн хурд шүү дээ. Үүнээс цаашхи хурдыг гаргаж, хэрэглэж чадаагүй л байгаа. Түүнчлэн гэрэл хэлбэрт оруулсан болохоор алс хол зайд алдагдалгүйгээр дамжуулдаг нь түүний гайхамшиг юм.

Сониуч зандаа хөтлөгдөөд нэг ширхэг шөрмөсийг томруулдаг шилээр харвал голд нь цэвэр шилээр хийсэн цөм байна. Түүнийг тойроод гэрлийг ойлгох зориулалттай тусгай шилэн материал бүрхэнэ. Ингэснээр цөм доторх гэрэл гадагшлахгүйгээр зөвхөн цөм дотроо ойгоод л байх боломж бүрдэх юм. Мэдээж түүнийг гадуур хамгаалалтын пластик материалаар бүрсэн байна.

Эдгээр шөрмөсийг хэдэн зуугаар нь магадгүй хэдэн мянгаар нь багцлаад гадуур нь Jacket гэж нэрлэх хамгаалалтын бүрээсээр бүрсний дараа та бидний хэрэглэх ёстой Шилэн кабель бүрдэж байгаа юм.

Дан горимтой шөрмөс нь 9 микроны диаметртэй цөмтэй байх бөгөөд лазер гэрэл дамжуулдаг бол олон горимтой нь 62,5 микроны диаметртэй ба Хэт улаан туяаны гэрэл дамжуулдаг онцлогтой.

ШИЛЭН КАБЕЛЬ ХЭРХЭН АЖИЛЛАДАГ ВЭ?

Хэрвээ урт шулуун коридорт гар чийдэн тусгавал ямар ч асуудал алга. Гэрэл явсаар байгаад нөгөө талд хүрэх нь тодорхой. Гэтэл тахиралдсан коридорт асуудал үүснэ. Тэгвэл та гэрлийг нөгөө талд хүргэхийн тулд замд нь толь тавих хэрэгтэй болно шүү дээ. Гэтэл байдлыг бүр хүндрүүлж олон тийшээ мушгирсан хонгил гэж төсөөлье. Энд тэнд баахан толь тавьж байснаа сүүлдээ мэргэн арга олно. Энэ бол ханаа толиор хийх явдал юм. Хичнээн ч тахиралдлаа гэсэн гэрэл ойсоор байгаад очих газраа хүрнэ. Тэгэхээр та шилэн шөрмөс дотор юу болдгийг бараг мэдчихлээ шүү дээ.

Гол бүтэц болох цөм нь өөрөө шилээр хийгддэг тул элдэв соронзон орон, долгион зэрэг гаднын хүчлэлд өртөх нь бага, ер нь бол гадаад орчноос сайн хамгаалагдсан бүтэцтэй байдаг нь завшаантай хэрэг юм. Их хэмжээний мэдээллийг шилэн кабелиар алс зайд, алдагдалгүйгээр өндөр хурдаар гэрлийн дохионы хэлбэрт дамжуулах боломжтой тул орчин үеийн сүлжээний дамжуулах систем, магистраль хэлхээнд өргөн ашиглахад тун тохиромжтой.

Метал болоод бусад материалаар хийсэн кабелиуд одоо ч гэсэн өргөн хэрэглэгдсээр л байгаа. Жишээ нь “МЦХ” ХХК-ийн зэс кабель, Кабелийн телевизийн цагаан зэргийг дурдаж болно. Эдэнтэй харьцуулбал шилэн кабель нь дараах онцлогтой.
-    Зурвасны өргөн харьцуулшгүй их. Өөрөөр хэлбэл зэс утсаар дамжуулах хамгийн их мэдээлэл нь тодорхой төвшинд хүрээд зогсдог бол шилэн кабелиар дамжих мэдээллийг өнөөхөндөө хязгааргүй их гээд ойлгочиход болно. Ийм учраас л видео дүрсээ харж ярих гэх мэтийн шаардлагуудыг биелүүлэхэд шилэн кабель л гол үүрэг гүйцэтгэнэ. 108 инчийн асар том дэлгэц дээр нарийвчлал өндөртэй гарах аварга HD видео дүрсийг  дамжуулахад шилэн кабелийн тун өчүүхэн хэсэг л ашиглагдана гээд бод доо.
-    Илүү нимгэн, илүү тунгалаг. Шилэн шөрмөс тун нарийхан тул нийт утас хэтэрхий том биш байдаг.
-    Тоон системтэй тул өгөгдөл алдагдах, хурд унах аюулгүй.
-    Шил, гэрэл ашигладаг тул гаднын нөлөөлөлд автах нь бага. Жишээ нь халуун хүйтэн, соронзон гэх мэт.

Шилэн кабельд ганц сул тал байдаг нь түүнийг суурилуулахад өртөг зардал өндөртэй байдаг. Гэвч нэгэнт суурилуулчихсаны дараа хэрэглээд ирэхээр маш ашигтай болох бөгөөд улс орны хэмжээнд авч үзвэл түүнийг аль болох л эртхэн суурилуулаад хэрэглэж байх нь аль алиндаа өлзийтэй. Яагаад гэвэл түүний найдвартай, тогтвортой, өндөр хурдтай гэх мэт олон давуу талууд нь амьдралд тун чухал юм.

МОНГОЛ ДАХЬ ШИЛЭН КАБЕЛЬ

Улс орон хэдий чинээ их шилэн кабелиар хэрүүлнэ төдий чинээ хөгжил нь түргэсдэг гэх юм. Энэ үнэн болов уу. Батлахын тулд бодит тоо баримтыг түшиглэх хэрэгтэй.

Жишээ нь бидний хамгийн ойрын жишээ авч болохуйц орон бол Япон болоод Өмнөд Солонгос юм. Тэд мэдээлэл дамжуулах гол сувгаараа Шилэн кабелийг нэгэнт сонгосон. Яагаад гэвэл хэрэглэгчид улам хурдан буюу супер бөгөөд найдвартай холболтыг хүсэх болсноор шилэн кабель гарцаагүй оновчтой шийдэл болоод байна. OECD-ийн өргөн зурвасын холболтын талаар гаргасан судалгаанд шилэн кабель тэргүүлэх зэрэгт очсоныг шууд баталсан юм. Тухайлбал Өмнөд Солонгосын 100 оршин суугчид дотор 8.4 ширхэг DSL холболт (телефон утасны шугам ашиглах), 10.5 ширхэг кабель телевизийн шугам ашиглах холболт оногдож байгаа бол 12.2 ширхэг хүн шилэн кабель ашигласан байна гээч. Өөрөөр хэлбэл шилэн кабелийн холболт нөгөө 2-оо гүйцсэн байна. Японд мөн ялгаагүй 100 айлд DSL 9.6, Cable 3.1, Шилэн Кабель 10.2 хувьтай байна. Харин манайхыг оруулаад бусад орнуудад DSL холболт нь хамаагүй өндөр хувьтай байгаа юм.

Үндсэндээ шилэн кабелийн улсад өгдөг өндөр ач холбогдлыг олж харсан Япон, Солонгос хоёр түрүүлж хөдөлсний ачаар иргэдийнхээ ихэнхийг шилэн кабелиар холбож дөнгөжээ. Үнэхээр гайхалтай. Одоо эдгээр улсуудын хөгжлийг гэрлийн хурдтай зүйрлэж болох юм. Гэтэл Америкад энэ харьцаа дөнгөж DSL 10.1, Cable 13.2, Fiber 0.9 байгаа нь харамсалтай. Мэдээж монголд бүр базаахгүй дүн гарна. 2007 оны сүүлээр гаргасан ойролцоо дүнгээр бол DSL 3.7, Шилэн кабель 1.2 гарч байх юм. Гэхдээ энэ нь бүх хүний тоонд хуваасан дүн гэдгийг анхаараарай. Шилэн кабелийн нэг үзүүрийг олон хүн хувааж хэрэглэдэг тул 100 айл тутамд гаргавал бүр жаахан тоо гарна.

Шилэн кабелийн Boom болсон тухай “Дэлхий бөөрөнхий биш” номоос уншиж болно. Угаасаа дэлхийг хавтгай болгоход гол үүрэг гүйцэтгэж байгаа дэд бүтэц нь шилэн кабель юм. Тухайн үед шилэн кабель байгуулах нь тун ашигтай гэсэн итгэл үнэмшил хүн бүхэнд төрсөн тул Америк тивийг бусад тивүүдтэй холбосон том том дэд бүтцүүдийг хайр найргүй босгож эхэлсэн бөгөөд энэхүү олноор байгуулагдсан бэлэн сүлжээг ашиглан Энэтхэг зэрэг орон Америк руу амжилттай Outsourcing хийж асар их мөнгө хийж байгааг та бид мэднэ.

Айл өрхүүд болон эцсийн хэрэглэгч шилэн кабелийн холболттой болсноор юу хожих вэ?

Танд өндөр хурдаар дамжих ёстой ямар л дижитал өгөгдөл байна, түүнийгээ дамжуулах бололцоотой болдог нь гайхамшигтай. Цухас дурдахад өндөр нягтралтай телевизийн дүрс, видео, интернэт холболт гээд л..

Ер нь кабелиар хамгийн сайн хангагдсан орон нь OECD-ийн дурдсанаар бол Дани бөгөөд тэдний 100 айл тутмын 36.7 нь кабельтай боловч 22.5 нь буюу ихэнх нь DSL юм. Ихэнх орнуудад шилэн кабель руу шилжүүлэхдээ хойрго хандах нь бий. Яагаад гэвэл шилэн кабель нь анхны өртөг зардал ихтэй тул хөрөнгө оруулалт нилээд шаардана. Иймээс монголд ч гэсэн “хамгийн тохиромжтой холболт бол DSL” гэсэн ойлголтыг иргэдэд суулгахыг Интернэтийн үйлчилгээ үзүүлэгчид хичээдэг юм.

ХОЛБОЛТ

Хэрвээ та боломжтой л бол ШИЛЭН КАБЕЛЬ сонгоорой. Ирж яваа цагийн дэлхийн хөгжлийг дагаад шилэн кабель нь өнөөдөр өгөгдөл дамжуулах гол суваг болжээ. Wimax гэх мэтийн агаарын долгион ашигласан холболтууд нь яг үнэндээ 100% найдвартай байж чадахгүй. Тэгээд ч олон янзын долгион холилдоод хурд унах, холболт тасрах гэх мэт бэрхшээл чамгүй гарна. Магадгүй хажууд өндөр байшин бариад өргөгч цамхаг байрлахад л холболтод нөлөөлнө. DSL нь хэдийгээр энгийн интернэт холболтод боломжийн боловч өндөр шаардлагыг хангаж чадахгүй. Та бид дүрсээ харах, асар их өгөгдөл дамжуулах тухай ярьж байна шүү дээ. Иймээс л шилэн кабелийн холболтыг сонгоорой гээд аминчлан захиад байгаа юм.

ШИЛЭН КАБЕЛИЙГ ХЭРХЭН ТАВЬДАГ ВЭ?
Холболтоо хэрхэн сонгох вэ гэдэг нь айл өрхүүд автомашин сонгохдоо хэрхэн нухацтай ханддагтай адил амар зүйл биш юм. Яг үнэндээ өнөөдөр ч гэсэн зарим айлуудад шилэн кабелийн холболт авъя гэсэн ч техникийн нөхцөл бүрдээгүй байгаа нь харамсалтай. Улаанбаатарын хамгийн том сүлжээний архитектурыг Скайнэтворк компани эзэмшдэг. Магадгүй та шилэн кабелийн холболттой болохыг хүсэж байвал эднийд л хандахаас өөр аргагүй юм. Үнэндээ шилэн кабелийн томоохон сүлжээ байгуулах, архитектурыг гаргах нь нүсэр ажил билээ. Үүнийг ганц сар эсвэл нэг жилийн дотор байгуулж дөнгөхгүй. Урт удаан хугацааны нарийн төлөвлөгөөний дагуу явах ёстой. Түүнчлэн хэдэн жилийн өмнө МЦХ компаниас хүчээр салгасан Сүлжээ компани нь монголын аймаг сумд хоорогдын шилэн кабелийн сүлжээний ажиллагааг хариуцдаг байна.


МОНГОЛД ЮУ СААД БОЛЖ БАЙНА?
Гол гол дэд бүтэц босгоход мундахгүй их саад байдаг шүү дээ. Бидний нүдэн дээрх зүйл бол Улаанбаатар хотын автозам юм. Замаар хичнээн олон машин явж хүмүүс ажил амьдралаа зохицуулдаг билээ? Гэтэл эсрэгээрээ зам хичнээн муу билээ. Үүний хариуцлагыг хэн хүлээх юм, бүү мэд. Уул нь автозамын газар гээд л том том байшинтай албан байгууллагууд зөндөө л байх юм.

Тэгвэл мэдээллийн технологийн гол дэд бүтэц болох шилэн кабель ямархуу байдалтай байна вэ? Бас л хүндрэлүүд тохиолдоод байгаа нь харамсалтай.
1.    Сувагчлалын асуудал. Та бидний Траншейн гэж нэрлэдэг Сувгийн Худгийн нэг чухал үүрэг бол Шилэн болон бусад кабелиудыг татах явдал юм. Кабелийг газар доогуур татах нь агаараар татсанаас найдвартай гэдэг нь хэнд ч ойлгомжтой. Гэвч өнөөдөр Улаанбаатар хотын сувгууд дүүрч ачааллаа даахаа больжээ. Байгууллагууд өөрсдийн кабелийг татахын тулд яахаас ч буцахгүй болжээ. Гэтэл энэхүү сувгийг хариуцдаг, өргөтгөх, зохицуулах үүрэгтэй байгууллагууд юу бодож суудаг бол?!?
2.    Шилэн кабелийн дэд бүтцийн асуудал. Манай улсад үндсэн сүлжээ эзэмшдэг байгууллагыг эцсийн үйлчилгээ үзүүлэхийг хориглодог. Тэр нь ч аргагүй зөв бөгөөд монополийг хазаарлах болон өрсөлдөөнийг хөхүүлэн дэмжих чухал арга юм. Компани болгон үндсэн сүлжээ үүсгэж чадахгүй, тэгэх ч шаардлагагүй. Бүх Интернэтийн үйлчилгээ үзүүлэгчид Скайнэтворк компани шиг шилэн кабелийн нарийн бүтэц бүхий цогц сүлжээг Улаанбаатар даяар давхар давхар тавина гээд төсөөлөөд үз дээ. Иймээс сүлжээг нь нэг компани үүсгэж ажиллагааг нь хариуцдаг бол бусад компаниуд уг сүлжээг ашиглан үйлчилгээгээ хүргэдэг байна.


СҮЛЖЭЭГ ХЭРХЭН ӨРГӨТГӨДӨГ ВЭ?
Тухайн компанийн дотоод асуудал мэт боловч үнэндээ та бидний хөгжил дэвшилтэй салшгүй холбоотой асуудал тул анхаарч байхад гэмгүй юм. Танай дүүрэгт, эсвэл танай орон сууцанд шилэн кабелийн үзүүр орсон уу? Та шинэ байр худалдан авахдаа шилэн кабельтай эсэхийг заавал нягтлаарай. Гэхдээ зарим орон сууц барьж байгаа компаниуд өөрсдөө толгой нь эргэчихсэн дотоод сүлжээний кабелийг (Шил биш!!) шилэн кабельтай мэтээр ярьж төөрөгддөг. Хамгийн аймшигтай нь тэд энэ талаар өөрсдөө юу ч мэддэггүй гээч. Хэрвээ танай байранд цэвэр шилэн кабелийн шөрмөс л ороогүй бол шилэн кабельтай биш гэж ойлгож болно.

Сүүлийн жилүүдэд интернэт сүлжээг жижиглэн дамлагчид гэж бий болсныг орон сууцанд амьдардаг хүмүүс мэддэг болсон. Тэд орцны үүдэн дээр хямдаар интернэт тавина гэсэн зар наах бөгөөд хэдэн байрны дунд нэг урсгал аваад түүнийгээ та бидэнд жижиглэн хувааж зардаг гэсэн үг л дээ. Та маш хямдаар интернэт холболт авах боловч тэр хирээр олон хуваасан маш чанаргүй үйлчилгээг хүртэнэ. Хагас цагт амжуулах ажлыг та удаан найдваргүй холболтоосоо болж бүтэн өдрийн турш ноцолдоно гээд бод доо. Ийм дамлагчдын ашигладаг гол холболт нь та бидний сайн мэдэх дотоод сүлжээний саарал кабель (UTP) шүү дээ. Улаан цагаан байрнаас байр руу агаараар татчихсан байдаг нь дэндүү бүдүүлэг хэрэг. Дотоодын сүлжээний кабелийг гадаа татдаггүй. Тэр тусмаа өвөл аймшигтай хүйтэрдэг, зун нь шатам халуун болдог манай оронд бүр найдваргүй. Түр зуурын мөнгө олох гэсэн аргацаасан үйлчилгээ л юм даа.

Эд өөрсдийнхөө үйлчилгээг шулуухан Шилэн кабелийн холболттой, Хамгийн найдвартай, Хамгийн хурдан, Хамгийн хямд гэх мэтээр сурталчилж явдаг нь үнэнд нийцэхгүй. Харамсалтай нь барилга барьж байгаа хүмүүс тэдний үгэнд итгэх дуртай байдаг нь чихэр шиг үг, хямд үнэ зэрэгт л болдог байх.

Туршлагатай барилгачид бол сүлжээний найдвартай байдлыг дээд зэргээр хангадаг компаниас жинхэнэ шилэн кабелийн шөрмөс оруулж оршин суугчдаа найдвартай сүлжээгээр хангадаг. Шилэн шөрмөс оруулах чадвартай компани өнөөдөртөө Скайнэтворк, Сүлжээ, Мобинэт, MCS зэрэг хэдхэн компани л байгаа. Гэхдээ эдгээрээс хамгийн өргөн сүлжээтэй, идэвхтэй ажилладаг нь Скайнэтворк юм.

Скайнэтворк сүлжээгээ тавихдаа тусгай төлөвлөгөөний дагуу ажилладаг. Мэдээж бусад нь ч гэсэн төлөвлөгөөтэй байх л даа. Гэхдээ Скайнэтворкийн сүлжээнүүд нь өнөөдөр Ring хэлбэр рүү орж эхэлсэн. Энэ бол сүлжээний найдвартай ажиллагаанд голлох хүчин зүйл юм. Ring гэдэг нь сүлжээнүүд битүү цикл үүсгэж байгааг хэлэх бөгөөд тань руу 2 замаар холболт очих боломжтой болно. Ингэснээр аль нэг тал тасарлаа гэхэд нөгөөх нь ажиллагааг хэвийн үргэлжлүүлсээр байх юм. Нөөц замтай боллоо гэсэн үг л дээ. Ийм Ring хэлбэр хичнээн олон болно та уг сүлжээний хэрэглэгч болсондоо бүр л баярлах болно.

Гайхалтай байгаа биз. Та бидний нүднээс далд хичнээн юм өрнөдөг гээч.

ДҮГНЭЛТ
Шилэн кабель нь шилээр хийсэн тул түүнд хүн сонирхоод байх зүйл үгүй. Иймээс түүнийг хулгайч нар тоодоггүй. Гэхдээ шилэн кабелийг хааяа хулгайлдаг нь туршлагагүй хулгайч гэдгийг нь нотолсон хэрэг. Иймээс шилэн кабель бол цэвэр өндөр технологийн бүтээгдэхүүн ажээ.

Та шинэ байранд орж байгаа бол шилэн кабелийн боломжтой эсэхийг заавал асуугаарай. Та гэртээ байрлуулсан видео камераа ажил дээрээсээ хянахыг хүсэж байгаа бол шилэн кабелийн холболт л найдвартай. Бас орчин үеийн гэрийн электрон бараанууд бүгд л интернэт болоод бусад холболтод холбогддог болж эхлээд байгаа шүү дээ. Жишээ нь сүүлийн үеийн хөргөгч, робот тоос сорогч гэх мэтийг дурдаж болно. Танай гэрт сүлжээний дотоод кабелийн үзүүр байж магадгүй. Тэгвэл уг үзүүр нь байранд байх техник өрөө хүртэл тасралтгүй үргэлжилсэн эсэхийг шалгах хэрэгтэй. Туршлагагүй барилгачид өрөөнөөс орцон дахь ШИТ хүртэл татаад тасалчихсан байдаг нь тун бүдүүлэг хэрэг билээ. Өгөгдөл дамждаг сүлжээний кабель залгаас багатай байх тусмаа л найдвартай байдал, өгөгдөл дамжуулах хурд нэмэгдэнэ.

Хэрвээ та барилга бариулж байгаа бол ЗӨВХӨН НАЙДВАРТАЙ сүлжээний компанитай л хамтран ажиллах хэрэгтэй. Таны мэдлэг дутмаг байдлыг ашиглан хувь хүмүүс, зарим жижиг компаниуд чихэн дээр цэцэг ургуулна гэдэг шиг л юм болно. Орон сууцанд тань амьдрах хүмүүсээ бодох хэрэгтэй шүү дээ.

Харамсалтай нь Хуучин орон сууцанд амьдардаг хүмүүст шилэн кабель бас л хүндрэлтэй хэвээр байна. Яаж ийгээд танай байранд шилэн шөрмөс аваачлаа гэхэд хэрэглэгч тун цөөхөн байдаг. Магадгүй зардлаа нөхөхийн тулд бүхэл байранд ядаж 10-аас дээш хэрэглэгч байх шаардлагатай. Гэтэл тухайн байрнаас ганц л айл шилэн кабельд холбуулах хүсэлтээ гаргаад байдаг нь хяслантай юм. Түүнчлэн хуучин байранд сүлжээний тоног төхөөрөмжийг байрлуулах тусгай өрөө байдаггүй учраас Switch, Converter зэргийг хулгай авах, эвдлэх тохиолдол цөөнгүй гардаг нь сүлжээний компанийг залхаадаг гол зүйлийн нэг. Бас сүлжээний утсыг ил гүйлгэдэг нь найдвартай ажиллагаанд шууд л харшилчихдаг.

Эцэст нь хэлэхэд та өндөр үнээр авсан орчин үеийн төхөөрөмжүүдийнхээ хүчин чадлыг бүрэн утгаар нь мэдрэхийг хүсвэл яг түүндээ таарсан найдвартай ажиллагаатай өндөр хурдын сүлжээнд холбогдох ёстой юм. Энэ шаардлагыг хамгийн сайн хангадаг нь Шилэн кабель гэдгийг та мэдэж авлаа. PlayStation 3 Network, Xbox 360 Live, Интернэтийн Youtube HD вэб сайт, дүрсээ харж ярьдаг Skype, Хяналтын видео камерын дүрс дамжуулах, онлайн хурал гээд л танд олон зүйлд холболт шаардлагатай байгаа биз дээ.

Шилэн кабелийг нэгэнт холбуулаад зардлаа нөхөөд авчихсаны дараа бусад холболтуудаас ч хямд болдог гэдгийг танд сануулъя. Мартаж болохгүй шүү.

Танд манай нийтлэл таалагдаж байвал LIKE дараарай!
Сэтгэгдэл
Xakotxfy hangs the computer that yuzal Spomoni not much Claudia, https://www.twitch.tv/events/p Gc06KpaRGihCbRC2C-siw real_cricket_18_release_date_i n_india, https://www.twitch.tv/events/a aN5KGeZQ4-614Gh8PKRJg download_attack_on_titan_2015, https://www.twitch.tv/events/n 6BYoz8hT5in09fYn84OBg need_for_speed_underground_2_a ndroid_mob.org, https://www.twitch.tv/events/Z hrZ68NxTDGQc9cttIHGPA android_9_pie_xiaomi_mi_a2, https://www.twitch.tv/events/U TVT2wrlSISbW6LF9_b57w free_activate_npav_net_protect or_2017, https://www.twitch.tv/events/Q KpxsltER8aTc5glq4YlMg sach_kehte_hain_duniya_wale_ly rics, https://www.twitch.tv/events/h btuZR8dTLaa0LM_xTq8CQ 200marathi_calligraphy_fonts_a ms_font_installation, https://www.twitch.tv/events/N r5H70SbSzOMVHL3Xkl3dg nba_2k14_mod_to_nba_2k18, https://www.twitch.tv/events/q Hqwdjw8TkuQbBVVi2059w como_fazer_edm_no_flyer, https://www.twitch.tv/events/Z PL_SMn5TGSgckECeJoC1w goku_ssj5_vs_zaiko_dragon_ball _af, https://www.twitch.tv/events/O V-k7yodS9inlsRilQxO5Q pembahasan_soal_un_matematika_ smp_2017, https://www.twitch.tv/events/B 6LqjGZRQbieTtgofraSiQ pubg_mobile_gfx_tools_guitar, https://www.twitch.tv/events/u 6-hYAFsRk6YiSvo-QjSww tujhme_muskurate_hai_song_down load, https://www.twitch.tv/events/C -0WqEFiTp6u4dHhvUfhww career_testing_agency_cta_jobs , https://www.twitch.tv/events/3 x73h0hiTzq9u7i0sYJyqg download_dmrc_answer_key_2018, https://www.twitch.tv/events/e 7t1nTxSTWaTmrkR5cINuw como_baixar_e_instalar_o_itune s_corretamente, https://www.twitch.tv/events/l YWQt4thT3mhOJKAWCEBTQ chhota_bheem_neeli_pahadi_hd_m ovie_download, https://www.twitch.tv/events/F txg6tqOQSqxy_f2CJPu4g download_kof_2002_magic_plus_2 _rom_neo_geo, https://www.twitch.tv/events/U 3YxC8FzStmISe2A29K7rQ 1.4gb_download_gta_5_real_life _mod_ps4, https://www.twitch.tv/events/6 J9lq9TyQC-1W-1KqqqqaA air_force_xy_group_result_2017 , https://www.twitch.tv/events/R Wo768DnRNOT5tq4NAtW8Q en_idhayathai_thirudi_chendrav ale_video_song_download, https://www.twitch.tv/events/T VFfNXJWRF--KmuG-HAuCQ download_ps3_games_reddit, https://www.twitch.tv/events/M GSTwte5T_usEGnwwqm1Tw the_sims_4_cas_urban_clothes_c c, https://www.twitch.tv/events/j O_ff_bvSoi-Kn_WH1jQwg new_iphone_update_whats_new, https://www.twitch.tv/events/d o3p40bqTEG5VwVgSZi7IA dil_ki_ye_guzarish_hai_mp3_son g, https://www.twitch.tv/events/q k87ElQxQpiswYW6z8kDCg download_moto_g5s_plus_camera_ apk, https://www.twitch.tv/events/F gAzH1N7S2-JyXZFXQvvYw gem_drop_idle_game, https://www.twitch.tv/events/4 cdzMzUGTGqS1pIFH6kW5g logic_pro_x_vocal_mixing_templ ate, https://www.twitch.tv/events/l rnBrrVFQAG8q9YZfgE4Eg warz_law_of_survival_android_1 , https://www.twitch.tv/events/S fYmaN5KR1-vupC4s5krRA most_epic_powerful_emotional_m usic_mix_vol._7_skachat, https://www.twitch.tv/events/X qyoCgVlTSO4Llr5-KLT_A download_mpl_pro_apk_tools, https://www.twitch.tv/events/I wZHp1dnTVeqQCADuqUz6w download_gif_file_on_youtube_v ideos, https://www.twitch.tv/events/r lh9Sk4qRmyRlZckDAAtZw ddu_gorakhpur_university_entra nce_exam_result, https://www.twitch.tv/events/T b9DMdYuS4aGHkWXRZ0iaA install_apache_mysql_and_php_o n_windows, https://www.twitch.tv/events/R 78xmtEcT3Oyjdtk0f4VHQ download_showbox_wont_install, https://www.twitch.tv/events/4 jmIdlbjQ9O7Ca_A8RZrDQ bitcoin_wallet_test, https://www.twitch.tv/events/Q TIczYPQToC4xk2BANJQtQ new_nepali_lok_deuda_geet_mp3_ download, https://www.twitch.tv/events/A s6ZWikATpei9PIfKQCZ7g fts_mod_pes_2019_offline, https://www.twitch.tv/events/g dR9s4sATuS3chcP-6sc4g download_teefa_in_trouble_movi e_300mb, https://www.twitch.tv/events/F 2tyVNntRJyHY7zLwfyUwg dream_league_soccer_18_barcelo na_vs_real_madrid, https://www.twitch.tv/events/N VbDFb2wR8aK4v-1LvnvcA 3d_album_cs_style_free_downloa d, https://www.twitch.tv/events/Y Zop2ICaREKnLzkroCBf9g oviya_bigg_boss_dance_download , https://www.twitch.tv/events/r Jtx5-qSRP6keXtmU4fNDg kal_college_band_ho_jayega_son g_whatsapp_status, https://www.twitch.tv/events/_ _XKYB-UStK5cxvMiwiRWA ala_baburao_dj_remix_song_vide o, https://www.twitch.tv/events/V N7mQzFRRTqn0SZxzTeTqQ boyz_2_full_movie_download_in_ 720p, https://www.twitch.tv/events/q fydHqyXRxmZpKvMLBt58w new_plants_vs_zombies_2_world, https://www.twitch.tv/events/4 syy96lMSeioYtb9awcqbQ the_best_dns_server_in_egypt, https://www.twitch.tv/events/p IXD8pF4QMib6dXVC1RzRA railway_alp_technician_officia l_notification, https://www.twitch.tv/events/2 KGMHamjTDKo7zAQ_RqzRw tera_fitoor_genius_mp4_song_do wnload_by_mp3,
IP:91.243.91.253  2018-11-05 04:59:16
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.