Батаа нэрээр Ш.Сайхансамбуу хар захыг авч байв

2009/10/14
Share |
Хүмүүс: Ш Сайхансамбуу | 
Батаа нэрээр Ш.Сайхансамбуу хар захыг авч байв
“Дэнжийн мянгын зах” буюу социализмын үеэс манай улсын дамын наймааны гол цэг болж ирсэн төв барааны захыг Монголын анхны өмч хувьчлалаар хувьд шилжүүлсэн. Тухайн үед дуудлага худалдаа бүрэн хаалттай болж, нэг л мэдэхэд “Нарантуул” ББХК-ийн нэр дээр шилжээд зогсохгүй тус бараан захыг суурьнаас нь хөдөлгөн Баянзүрх дүүрэг рүү нүүлгэсэн.
Энэ явдал тэгсгээд нам гүмхэн өнгөрсөн ч тухайн үед болсон хууль бус үйлдлийг нотлох баримт үлджээ. 1995 оны наймдугаар сарын 20-ны өдөр. Дуудлага худалдаа Нийслэлийн Засаг даргын Тамгын газрын 209 тоот өрөөнд 10.00 цагт болсон.
Бараан захыг худалдаж авахаар нэг талаас дээр дурьдсан компанийн захирал Батаа, нөгөө талаас “Бумбатай” компанийн төлөөлөл оролцож, 49 сая төгрөгөөр “Нарантуул” ББХК-ийн захирал худалдан авсан тамга тэмдэгтэй баримт бий. Гэтэл энэ өдрийнхөө маргааш нь буюу наймдугаар сарын 21-нд 527 дугаартай өмчийн эрхийн гэрчилгээ нь Ш.Сайхансамбуугийн нэр дээр шилжсэн байна. Ингэхдээ “Нарантуул” ББХК-ийн захирал Ш.Сайхансамбуу гэдэг нэрээр өмчийг авсан нь тэрхүү дуудлага худалдаа хууль бусаар явагдсан гэдэг эхний баримт болж байгаа.

Байхгүй зүйлс эрх зүйн харилцаанд орсон учраас бараан зах иргэдийн өмч хэвээр

Дуудлага худалдаа хуурамчаар явагдсан нь мэдэгдээд ирэхээр тухайн үед дуудлага худалдаанд өрсөлдсөн компанийг татварын газарт бүртгэлтэй эсэхийг Сүхбаатар дүүргийн Засаг даргын дэргэдэх Цагдаагийн хэлтсээс шалгуулсан байдаг. Харин “Бумбатай” нэртэй компани бүртгэлийн баазад байхгүй болохыг Татварын газрын Мэдээлэл боловсруулалт статистикийн хэлтсийн дарга Б.Төртогтох баталж гарын үсэг зурж улмаар 2003 оны зургадугаар сарын 25-нд албан ёсны тамга дарж баталгаажуулсан баримт байна. Үүгээр тогтохгүй “Нарантуул” ББХК-ийн захирал Батаа гэх эрхэм ч байдаггүй болохыг нотолжээ.
“Дуудлага худалдаанд Монгол Улсын иргэн Батаа, “Бумбатай” нэртэй компани оролцоогүй бол бараан захыг үнэ хаялцуулан худалдаж авсан эрхэм хэн байв” гэсэн асуултанд Ш.Сайхансамбуу болон түүний нөхөд “Батсамбуу гэхийг Батаа гээд андуурчихаж” гэж хариулсан байдаг. Харин “Батсамбуу гэж хэн бэ” гэхэд өнөөдрийг хүртэл хариу илгээгээгүй л байна.
Тиймээс ор байхгүй этгээдүүд өрсөлдөх боломжтой, тэр нь хууль ёсны болох эсэх талаар Монгол Улсын Хууль зүй, дотоод хэргийн яамны Хууль зүйн бодлогын газрын дарга Ц.Цолмонгоос тодруулахад энэ оны гуравдугаар сарын 19-нд доорх хариуг албан ёсоор илгээжээ. Үүнд “Монгол Улсын иргэний хуулийн 7-д зааснаар эрх зүйн харилцаанд оролцогч нь иргэн, хуулийн этгээд нь хуулийн этгээдийн эрхгүй байгууллага байна. Байхгүй юм эрх зүйн харилцаанд оролцох боломжгүй учраас шаардлага хангаагүй итгэмжлэл нь хүчин төгөлдөр бус. Тиймээс Монгол Улсын иргэний хуулийн 75 дугаар зүйлд зааснаар хөөн хэлэлцэх ерөнхий хугацаа 10 жил байдаг ч шаардах эрх нь зөрчигдсөн бол гомдлын шаардлага гаргах хугацаа дуусах үеэс эхлэн үүснэ” гэжээ.

Дуудлага худалдаа хэзээ ч болоогүй. Хэн ч оролцоогүй

1995 оны наймдугаар сарын 20-нд юу болсон бэ. Дуудлага худалдаанд хэн гэгч албан тушаалтан байсан. Тэнд хууль ёсны дагуу дуудлага худалдаа явагдсан уу гэх олон асуулт хариу нэхсээр.Дээр дурьдсан хугацаанд эргэн очъё. Зуны адаг cap. 17 дугаар жарны “Насан төгөлдөр” хэмээх модон гахай жилийн харагчин хонь өдөр байв. Аргын тооллоор 1995 оны наймдугаар сарын 20. Ням гариг. Энэ өдөр Монгол Улсын хуулийн дагуу Онцгой байдал, түргэн зэрэг тоотой хэдхэн төрийн байгууллага ажилладаг болохоос биш дуудлага худалдаа явуулах ямар ч үндэслэл байхгүй. Холбогдох байгууллагын жижүүр ч тус байгууллагын 209 тоотод ямар ч дуудлага худалдаа болоогүй гэдгийг баталсан. Тиймээс иргэн Батаа, “Бумбатай” компанийн төлөөлөл байтугай нууц ноёнтон Ш.Сайхансамбуу ч дуудлага худалдаанд оролцоогүй гэсэн үг. Зүгээр л хэсэг нөхөд хуйвалдаан зохиогоод бүхэл бүтэн бараан захыг хуваагаад “идчихэж”. Хамгийн хачирхалтай нь энэ бүхний дараахан дуудлага худалдааны төлбөрийн талыг буюу 35 сая төгрөгийг “Хот тохижилтын газар” гэсэн нэрийн дор шилжсэн байдаг.

С.Зориг агсныг бүрэлгэсэн Батаа чинь Ш.Сайхансамбуу гэнэ үү


Дашрамд дурьдахад Оюунаа бол олзтой байхыг, Батаа нь бат байхыг билэгдсэн нэр гээд бизнесийнхэн билэгшээдэг гэх зүйлийг та өмнө нь сонсож байсан уу. Тиймээс л өнөөдрийн манай томчууд нууц бүхэндээ тэр нэрийг сонгож авдаг юм гэнэ лээ. Дээр дурьдсан “Батсамбуу гэгч хэн бэ” гэж. Үүнд хариулт өгсөн хүн байдаггүй. Тиймээс л “Болоогүй дуудлага худалдаан дээр өөрийнхөө өмнөөс Батаа нэрийг зоосон Ш.Сайхансамбуу чинь арай өнөөх С.Зоригийг бүрэлгэсэн баригддаггүй Батаа биш байгаа даа” гэсэн хардлагыг төрүүлчихэж. Тэгээд ч улстөрчийн үхэлд Э.Бат-Үүл, Ш.Сайхансамбуу нарыг сэжиглэж байсан нь ч бий. Энэ талаар “Хувийн мөрдөгч” сонины 2002 оны 16, 17 дугаар дугаарт нийтэлж байсан түүхтэй.Дэнжийн мянгын захыг 1995 онд худалдсан. С.Зориг 1998 онд амиа алдсан. Ш.Сайхансамбуу Батаа нэрээр гоёж явсан цаг үе тохиолдол байв уу гэдэгт сонирхол төрдөг.

Нийгмийн толь

Танд манай нийтлэл таалагдаж байвал LIKE дараарай!
Сэтгэгдэл
Powerup Forex My brother recommended I might like this web site. He was once totally right. This put up actually made my day. You can not imagine simply how much time I had spent for this information! Thank you!
IP:205.204.83.202  2015-09-28 03:54:20
Powerup Training Dubai ”5 star article brilliant. I am new to blogging and you used a langauge I can understand”
IP:205.204.83.202  2015-09-28 03:54:24
wedding dresses 2015 Blogging keeps me insane. Keep up all the positive work. I too love to blog. I found this one to be very informative
IP:205.204.83.202  2015-09-28 03:58:54
Bradley E7Ai0a http://www.FyLitCl7Pf7kjQdDUOL QOuaxTXbj5iNG.com
IP:188.143.232.14  2015-10-23 21:04:25
gordon gJG0Dd http://www.FyLitCl7Pf7kjQdDUOL QOuaxTXbj5iNG.com
IP:188.143.232.62  2016-10-15 08:52:01
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.