Сонирхогчдын сумогийн дэлхийн хошой аварга У.Бямбажав: Арнольд Шварцнеггер намайг хоолонд урьж...

2009/12/01
Share |
Хүмүүс:
Сонирхогчдын сумогийн дэлхийн хошой аварга У.Бямбажав: Арнольд Шварцнеггер намайг хоолонд урьж...

Японы мэргэжлийн сумод ёкозvно Хакухо Даваажаргал, озеки Харумафvжи Бямбадорж, сэкиваке Какурю Ананд нарын хамт очиж байсан У.Бямбажавыг өдгөө сонирхогчдын сумогоор барилдаж дэлхийн хошой аварга болсон амжилтаар нь Монголчууд андахгvй. Америкт амьдарч байгаа Бямбажавыг Холливудын алдартнууд хамтран кинонд тоглох санал тавьж сонирхох болжээ. Эх орныхоо нэрийг дэлхийд гаргаж яваа тvvнтэй уулзаж цөөн хором хөөрөлдсөнөө уншигчддаа хvргэе.

-Таныг мэргэжлийн сумод амжилттай барилдаж байгаад багштайгаа таарамжгvй болоод орхисон гэж сонссон. Vнэн vv?

-Сумо бол бэртэл гэмтэл их авдаг эрсдэлтэй спорт. Багштайгаа учиргvй таарамжгvй болоод орхисон гэхэд хаашаа юм. Санаанд хvрээгvй учраас больсон гэдгээ нуухгvй ээ.

-Vе тэнгийн хамт очсон найзууд чинь өнөөдөр өндөр цолтой бөхчvvд болсныг хараад харамсдаг уу?
-Даваажаргал, Бямбадорж, Ананд, Базарсад, Нямсvрэн нар анх надтай хамт сумод очиж байлаа. Одоо бvгд л дээд зиндаанд дэвшин барилдаж том цолтой бөхчvvд болсонд бахархаж явдаг. Мэргэжлийн сумог орхиж ирсэндээ огт харамсдаггvй. Сонирхогчдын сумогоор тодорхой амжилт гаргаад явж байгаа болохоор харамсаад ч яахав дээ.

-Та vндэсний бөхөөр хичээллэж байсан уу? Бөхийн удамтай юу?

-Би vндэсний бөхөөр нэг их тууштай хичээллэж байгаагvй. 2000 оны улсын баяр наадмаар өсвөрийн бөхчvvдийн барилдаанд шөвгийн барилдаанд дөрөвт vлдэж гарьд цол авч байлаа. Монголчууд эрэгтэй хvvхэд төрөхөд бөх болно гэж билэгшээдэг болохоор намайг төрөхөд ч гэсэн аав минь бөх болгоно гэдэг байсан.

-Өөрийг чинь Холливудын нэрт жvжигчин, Калифорни мужийн амбан захирагч Арнольд Шварцнеггер хоолонд урьж танилцсан гэдэг?
- Би Арнольд Шварцнеггерийн зохион байгуулсан сумогийн тэмцээнд гурван удаа тvрvvлэхэд намайг хvлээн авч уулзаад хоолонд урьсан. Уулзахад их нээлттэй яриа хvн байна лээ. Тэгээд намайг Калифорни мужийн Карсон хотын “Хvндэт иргэн” болгож , Лос Анжелес хотын “Найрамдал” медалиар шагнасан. Тэр vед шагналынх нь талаар сайн ойлгоогvй ч сvvлд сонсоход том хvндэтгэл байсан юм билээ.

-Таныг Холливудад урьж кинонд тоглуулсан гэж дуулсан юм. Ямар дvрд хувирсан бэ?
-Америкийн “Wagner Bros” кино компанид алдартай кино найруулагч Стивен Стилберг “Ocean s thirteen” гэдэг кинондоо сумочдын барилдаан оруулж Ази царайтай сумочин хэрэгтэй гээд намайг сорилтонд оруулахад тэнцсэн. Энэ кинонд Жорж Клуни, Аль Пачино зэрэг Холливудын супер одуудаас гадна ёкозvна Акэбоно, Мусашимару нарын мэргэжлийн сумогийн алдартнууд хамт тоглосон. Монголоос Д.Баянбат, аймгийн арслан Төгсжаргал, Эрдэнэбилэг, Даваа нарын залуус сумочид болон шvvгчдийн дvрд тоглосон.

-Та нарт кинонд тоглосон гээд хэр зэрэг “ногоон” төлсөн бэ?
-Энэ талаар ярих хэрэг байна уу даа. Мэдээж өндөр өртөгтэй газар болохоор сайн хөлс өгсөн шvv. Сvvлийн vед Америкчууд сумог их сонирхдог болсон байна лээ.

-Та сонирхогчдын сумогийн дэлхийн хошой аварга болсон Монголын хоёр дахь бөх байхаа?
-Тиймээ. Анхных нь даян аварга А. Сvхбат шvv дээ. Би анх 2006 онд дэлхийн аварга болж 1998 оноос тасраад байсан дэлхийн аварга цолыг эх орондоо буцааж авчирсандаа баярлаж явдаг. Харин энэ жил энэ цолоо дахин баталж хошой аварга болсон.

-Таныг дэлхийн хошой аварга болоход нэг л нам жимхэн өнгөрлөө гэж спортынхон ярьж байсан. Хөдөлмөрийг чинь vнэлэхгvй явааг юу гэж vздэг вэ? Тамирчин хvнд урам хэрэгтэй шvv дээ.
- Нам жим өнгөрөх нь яах вэ. Би шагнал авахын төлөө барилддаггvй. Миний хувьд мэргэжлийн сумог орхисон ч сонирхогчдын сумогоор барилдаж амжилтаа ахиулж эх орныхоо нэрийг тодорхой хvрээнд гаргаж яваадаа л баярладаг. Сумог удахгvй олимпийн төрөлд оруулж магадгvй гэсэн яриа байгаа гэсэн. Тэгвэл манай Монголчууд их амжилт гаргана гэж боддог. Америкт сумогийн нээлттэй тэмцээн зохиогдоход би нэмэх 115 кг, vнэмлэхvй жин хоёрт тvрvvлсэн. Сайн барилдахын тулд бэлтгэл сургуулилтаа тогтмол хийж байна даа.

-Ярилцсанд баярлалаа. Амжилт хvсье

Сэрүүлэг

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.