Питт, Жоли нар салахаар болжээ

2010/01/29
Share |
Хүмүүс: Pitt Brad |  Jolie Angelina | 
Питт, Жоли нар салахаар болжээ

Холливудын жүжигчин Брэд Питт, Анжелина Жоли нар тусдаа амьдрахаар болж, зургаан хүүхдээ хамтран асран халамжлахаар болсон нь шар хэвлэлүүдийн гол мэдээ болж байна.

Бранжелина гэж хочилдог энэ хос таван жилийн өмнө “Смитүүд” кинонд хамт тоглосны дараагаас нэг гэрт орсон билээ. Тэдний хүүхдүүд ээжтэйгээ амьдарна гэдэг асуудлаар хоёр талын өмгөөлөгчид тохиролцжээ. Холливудын хамгийн алдартай хосын нэг байсан тэд Америкт ижил хүйстнүүдийн гэрлэлтийг зөвшөөрөх хүртэл гэрлэхгүй хэмээн гүрийсээр гэрлэж ч амжаагүй байхдаа хоёр тийш болов. Тэд хүүхдүүдээ асран халамжлах эрхийн талаар энэ сарын эхээр Лос-Анжелесийн шүүхэд мэдэгджээ.

Форбс сэтгүүлийн мэдээлснээр, Жоли, Питт нар хөрөнгөө хувааж, тус бүр 100 сая гаруй долларын хөрөнгө өвлөх аж. Энэ жил 46 настай Питт охин Шило, ихэр Кнокс, Вивиенне гэсэн гурван хүүхэд болон Мэдокс, Захара, Пакс гэдэг өргөмөл гурван хүүхэдтэйгээ хүссэн үедээ уулзах эрхтэй байна. Үүнээс гадна хүүхдүүд нь Жоли-Питт гэсэн овогтойгоо байх аж. Холливудын хос салж байгаа тухай ам дамжсан цуу яриаг тэдний өмгөөлөгчид тодорхой болгожээ.

Өнгөрсөн баасан гарагт Лос Анжелес хотод болсон Гаитид туслах оддын нэгдсэн арга хэмжээнд Брэд Питт хуучин эхнэр Женнифер Анистоны хамт тайзнаа гарсан бол Анжелина Жоли Нью-Йорк хотноо “Давс” гэдэг шинэ киноныхоо сурталчилгаанд оролцож байжээ.

Холливудын хамгийн төгс хос гэгдэж байсан Анжелина Жоли, Брэд Питтийн салалтын талаар урьд олон яриа гарч байв. Тэд тусдаа оронд унтдаг, тусдаа амьдардаг, тэдний гэрээс байнга хашгирсан хэрэлдэх чимээ гардаг гэж хэвлэлээр бичдэг байжээ. Гэвч тэд энэ бүх яриаг үргэлж няцаадаг байсан. Дуулианы эзэд болсон Холливудын хосын талаар товч мэдээлэл хүргэе.

Кино жүжигчин Анжелина Жоли НҮБ-ын сайн үйлсийн элч бөгөөд хүмүүнлэгийн үйлсийн идэвхтэн билээ. Тэрбээр 2001 онд НҮБ-ын элч болсноосоо хойш Афганистан, Пакистан, Судан зэрэг дэлхийн 20 гаруй халуун цэгт очсон байна. Харин Брэд Питт 1991 онд “Тельма, Лиузе хоёр” кинонд бүтээсэн туслах дүрээр олны танил болсноосоо хойш Холливудын олон шилдэг кинонд тогложээ. Үүнээс гадна тэрбээр хэд хэдэн удаа хамгийн дур булаам эрэгтэйгээр нэрлэгдэж, Оскарын шагналд хоёр удаа, Алтан бөмбөрцгийн шагналд дөрвөн удаа нэр дэвшиж байсан ч ердөө нэг л удаа Алтан бөмбөрцгийн шагнал хүртсэн байна.

Энэ хос 2005 онд бүтээсэн “Смитүүд” кинонд хамтран тоглосноосоо хойш уулзах болжээ. Тухайн үед Брэд Питт хуучин эхнэр Женнифер Анистоноос гэрлэлтээ цуцлаагүй байсан юм. Тэрбээр Анистонтой дөрвөн жил гаруй хамт амьдарсан ч 2005  онд гэрлэлтээ албан ёсоор цуцалжээ. Жолитой шинэ амьдрал эхлүүлсэн Брэд Питт Мэдокс, Пакс, Захара гэсэн гурван өргөмөл хүүхдийн эцэг болсноос гадна Анжелина Жолитой хамт байхдаа Шило, Нокс, Вивиенне гэдэг гурван хүүхдийн төрсөн эцэг болов. Тэдний ихэр хүүхдүүдийн зургийг сэтгүүлийн эхний нүүрэнд нийтлэхийн тулд сэтгүүлийн газрууд 14 сая долларын гэрээ байгуулжээ.

Холливудын ахмад жүжигчин Жон Воигтийн охин Анжелина Жоли урьд Билли Боб Торнтон болон жүжигчин Жонни Ли Миллертэй гэрлэж байсан юм. Жоли эхийг нь орхиж явсан эцэгтэйгээ найрсаг бус харилцаатай байжээ. Тэдний энэ байдал 2001 оноос хойш шоу бизнес дэх хамгийн зартай гэр бүл хоорондын хонзогнолын нэг байв. Гэвч одоо тэрбээр эцэгтэйгээ эвлэрэх бодолтой байгаа бөгөөд нас ахисан эцэг нь ч охинтой эвлэрэхийг хүсч байгаа аж.

С.Отгонбаяр /МОНЦАМЭ/

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.