Гаалийнхан 400 мянган ам.долларын хар тамхи илрүүлэв

2010/02/08
Share |
Хүмүүс:
Гаалийнхан 400 мянган ам.долларын хар тамхи илрүүлэв

Энэ сарын 05-ны өдөр Улаанбаатар-Эрээн чиглэлийн 22 дугаар галт тэрэг гуравдугаар вагонаас 1.7 кг марихуаны төрлийн хар тамхи илэрсэн байна. Гаалийн улсын байцаагч Т.Уянга чемоданд давхар ёроол хийж цавуудсан байсныг ажиглаж илрүүлжээ. Одоо хар тамхи зөөвөрлөгч этгээдэд эрүүгийн хэрэг үүсгэн шалгаж байгаа аж. Уг марихуаныг маш их хэмжээний буюу хэрэглээний бусаар орж ирсэн хэмээн гаалийнхан үзэж байгаа юм.

Энэхүү илэрсэн хар тамхи нь дэлхийн зах зээлийн ханшаар бол 400 мянган ам.долларын үнэтэй бараа аж. Түүнчлэн хар тамхины наймаачид 1 гр кокайныг 500 ам.доллараар борлуулдаг байна. Манай улсын Гаалийн байгууллага анх удаагаа ийм хэмжээний хар тамхины төрлийн бодис илрүүлж байгаа ажээ.

Мэргэжилтнүүд энэ бол маш том сургамж боллоо. Энэ удаагийн үйлдэл хилийн бүх боомтуудыг рентгенжүүлэх, тоног төхөөрөмж багаж хэрэгслээр хангах, эрэлч нохой сургах шаардлагатайг харуулж байна гэсэн юм. Түүнчлэн манай улс хар тамхи дамжин өнгөрөх тээвэрлэлтийн үүрэг гүйцэтгэгч орон болох өндөр магадлалтай буй нь эндээс харагдаж байгааг онцлов.

Хар тамхийг илрүүлэхэд зөвхөн багаж тоног төхөөрөмж шаардлагатай бус удаан хугацааны тандалт судалгаа шаардагддаг байна. Шууд гаалийн хяналт шалгалтаар илрүүлэх нь ховор байдаг. Хар Тамхи нь овор хэмжээ багатайгаас тээвэрлэлтийн зардал шаарддаггүй. Иймээс хаана харуул хамгаалалт сул, урд нь энэ төрлийн хэрэг зөрчил илэрч байгаагүй газруудыг тамхины наймаачид "бай"-гаа болгодог аж.

Т.Тамир /Нийслэл таймс/

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.