Хуурамч оролцогчийн "хуудуутай алтан медаль" чанаргүй барааг сурталчлах арга болжээ

2010/02/27
Share |
Хүмүүс:
Хуурамч оролцогчийн

Саяхан тогтмол хэвлэлүүдээр “ Жем Интернэйшнл”  компаний бүтээгдэхүүнүүд Оросын Холбооны Улсад зохиогдсон тэмцээнд амжилттай оролцож, медаль хүртсэн тухай мэдээлэл гарлаа.  Чихэнд таатай сонсогдсон тул  “PROD EXPO” үзэсгэлэнгийн тухай интернэтээс мэдээлэл хайв. Тэмцээнийх нь  нэр хүнд, далайцын талаар дэлгэрэнгүй мэдээлэл авчих санаатай хийсэн энэ оролдлого маань харин явж явж тун сонин үр дүнтэй болж орхилоо. “PROD EXPO-2010” үзэсгэлэнг ОХУ-ын Засгийн газар, Хүнс хөдөө аж ахуйн яам, Худалдаа аж үйлдвэрийн танхимаас хамтран зохион байгуулсан бөгөөд нийт 30 улсын 1900 гаруй шилдэг үйлдвэрлэгчид оролцож бүтээгдэхүүн үйлчилгээгээ танилцуулан өрсөлддөг аж.

“Жем интернэйшнл”-ийн төлбөрт нийтлэлд өгүүлснээр бол    “12 дахь удаагаа зохион байгуулагдсан тус уралдаанд Хүнсний манлай үйлдвэр “ЖЕМ Интернэшнл” ХХК 3 дахь жилдээ Монгол улсаа төлөөлөн амжилттай оролцож ОХУ-ын болон Олон улсын шилмэл шүүгчдээр бүтээгдэхүүнийхээ чанараа үнэлүүлж “Chinggis Platinum” брэндээрээ Алтан медаль, “Алтан буудай” брэндээрээ хошоо Мөнгөн медаль хүртлээ” гэсэн байх юм. Гэтэл тус арга хэмжээний албан ёсны вэб сайт болох /www.prod-expo.ru-д өгүүлснээр тус уралдаанд оролцогчдын нэрсийн жагсаалтанд “Жем Интернэйшнл” компаний нэр байхгүй байлаа. Мөн сүүлийн гурван жил дарааллан оролцсон гэдэг нь ч худал аж. 2008, 2009 оны оролцсон улсуудын жагсаалтанд Монгол улс  мөн л  алга. Харин тэмцээний эргэн тойронд нэг хувь хүн юм уу? жижигхэн төрийн бус байгууллага тэмцээн санаачилж, алтан медалиа мань нөхдүүдэд өгсөн бололтой. Манай ард түмний гавьяат гэж  элдэв хүмүүст одон зардаг шиг ч байж мэдэх юм. Мэдээллийг тэнцвэртэй байлгах үүднээс тус компаний олон нийттэй харилцах мэргэжилтнээс энэ тухай лавлахад “ Яг энэ үзэсгэлэн биш л дээ. Бас нэг өөр тэмцээнээс нь алтан медаль авсан юм. Бичлэг нь байгаа” хэмээн уншигчдад ташаа мэдээлэл өгснөө хүлээн зөвшөөрч байх юм.Ер нь энэ мэт алтан медаль авлаа гэсэн гоё үгээр архиа сурталчилах арга сүүлийн үед ихэд дэлгэрэх болсон. Гэхдээ хаанаас ямар шалгуураар медаль авсан эсэхийг нь нягталж үзэхэд илүүдэхгүй болжээ. Хуурамч оролцогчийн  “хуудуутай алтан медаль” –ийг   чанаргүй барааг сурталчилах арга болохгүй байх юмсан. Мянга сонсохоор нэг үз гэдэг. Та тус тэмцээнд оролцогчдийн нэрсэнд дотор “ Жем интернэйшнл” буй эсэхийг дараах албан ёсны сайтных нь линкээс харна буй за. Дашрамд дурьдахад сар шинийн өмнөхөн чанарын шаардлага хангаагүй архины жагсаалтанд тус компаний “Тэргүүн” архи орсон тухай яригдсан ч үнэн худал нь ч батлагдалгүй  хэвлэл, мэдээллийн хэрэгслээр нэг их гаралгүй хаагдсан билээ.

Үзэсгэлэнд оролцсон орны жагсаалт: http://www.prod-expo.ru/en/history/2009/statistics2009/

Оролцсон бүтээгдэхүүний жагсаалт: http://www.prod-expo.ru/en/participants2010/

сонин.мн

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.