Б.Амарсайхан: Тэр Холливуд чинь одоо нэг их том, холын мөрөөдөл биш болсон

2010/04/13
Share |
 Б.Амарсайхан: Тэр Холливуд чинь одоо нэг их том, холын мөрөөдөл биш болсон

-Таныг "шаталттай" жүжигчин гэж мэргэ­жилтнүүдээс сонсч бай­сан юм. Кинон дээр гардаг омголон эрч хүч­тэй догшин байдал тань бодит амьдрал дээр ч илэрдэг гэдэг?

-Мэргэжилтнүүдийн гаргасан шаталт гэдэг дүгнэлтийг би ерөөсөө ойлгодоггүй юм. Кино зо­хиол дээр байгаа үйл явдал ямар байна, жүжиг­чид түүнийг л дагаж тог­лодог. Амьдрал дээр сэтгэлийн хөдөлгөөн ил­рэх зүйл бишгүй л то­хиолддог шүү дээ.
 
-Бүтээсэн дүрүү­дээс тань эрч хүч, дог­шин байдал ажиглагд­даг?

-Тийм үү, угаасаа сэ­дэв нь л тийм байгаад тэр шүү дээ. Жүжигчин хүн уг нь янз бүрийн хэв загвар, дүрд хувирч байх ёстой юм. Тэгж л байвал жин­хэнэ жүжигчин болно доо.
 
-Та япончуудын хий­­сэн "Бөртэ чоно" киноны Зэлмэ баатрын дүрд олон жүжигчнээс сон­гогдож тоглосон. Таны байр байдал, ур чадвар тань түүхэн кинонд илүүтэй то­хирох юм шиг ээ?

-Мэдэхгүй юм. Тэр үед олон хүн проб өгч байсан. Чухам ямар шал­гуураар сонгос­ныг нь сайн мэдээгүй. Мэдээж монгол жүжигчин бүр бидний өвөг дээд­сийн тэр агуу түүхийн тухай бүтээлийн нэг жаа­хан хэсэгт ч болтугай тогло­хыг хүсдэг.
 
-"Намайг Амараа гэ­дэг..." гээд эхэлдэг реклам хэдхэн секун­дийнх боловч та өөрий­гөө олонд таниулж чад­сан. Энэ рекламыг гарс­наас хойш олон хүн энэ санааг ашигласаар л байна?

-Энэ рекламаас на­майг харж болно. Ганц би ч биш, олон монгол хүн дуртай байдаг. Би дахиад нэгийг хийж бай­гаа.
 
-Энэ реклам таны санаа байсан уу?

-Өөрийн санаа гэж юу байх вэ дээ. Энэ чинь дэлхийн 30 улс хий­сэн Канад реклам шүү дээ. Мэддэггүй юм уу.
 
-Рекламын зохио­лыг яриад байна шүү дээ?

-Тэгээд яагаа вэ. Тэр чинь маш олон яруу най­рагчийн шүлэг, найраг­лал байгаа биз дээ.
 
-Та чинь их ширүүн бас нэлээд шударга юм аа?

-Яаж байна?
 
-Шууд л...?

-Шууд яаж байна гэж.
 
-Магадгүй тантай харь­цахад ямар ч нэ­мэлт чимэг, маяглал хэрэггүй юм байна. Та чинь кинонд жүжиг­лэ­дэггүй, өөрийнхөө энэ байгаа байдлаар л тог­лочихдог юм биш үү?

-Хүн ер нь байгаа­гаараа л байх сайхан. Өөрөөсөө өөр байх хэрэг юу байна. Би элдэв маяг, чамирхалд дургүй. Худлаа баян тансагийг тоглосон, гарал үүслээ мэддэггүй, хэт биеэ тоо­сон хүмүүст дургүй.
 
-Зарим аргагүй үед худал ярих шаардлага гардаг биз дээ?

-Дүр бүтээх бол өөр шүү дээ. Дүр бүтээнэ гэдэг бол жүжиглэх ур­лагт жинхэнэ хүч, сэтгэ­лээ өгсөн хүний хийж чадах ажил. Та жаахан ажил амьдралыг холиод  байх шиг байна. Жүжигч­ний мэргэжил гэ­дэг ба­рилгачны мэргэж­лээс тэс өөр юм шүү дээ. Аа, харин орчин үед шу­дар­га байсан нь хожиж бай­гаа юм биш үү. Хэн танд худлаа ярихаар сай­хан амьдардаг гэж байна. Бизнесийн хамт­рагч­да­даа итгэлтэй, хань үр хүүхдэдээ үнэнч, ит­гэл­тэй сайхан найз нөхөд­тэй. Энэ бүгдийг үнэнч шударга байж л олж авна шүү дээ.
 
-Та тэднийгээ олж авсан уу?

-Хүн өдий насандаа олж авахгүй бол хэзээ олно гээд явж байхав. Би эргэн тойрондоо байгаа бүх зүйлд сэтгэл ханга­луун байдаг.
 
-Та бялдаржуулах урлагаар хичээллэдэг билүү?

-Би эрүүл байх үүд­нээс долоо хоногт 2-3 удаа зааланд зам дээр гүйж, төмөр өргөдөг.
 
-Манай жүжигчид га­дагш гарч Холливудын хэмжээнд очмоор бай­на гэдэг. Харин та?

-Тэнд очихыг хүсэхгүй хүн гэж байдаг юм уу.
 
-Хэзээ гэж. Манай­ханд хэлний бэрхшээ­лээс эхлээд тулгарах асуудал их бий?

-Хэн сайн хөдөл­мөр­лөнө, тэр л хурдан очих байх. Манайд бололцоо бий. Байлгүй яахав. Хэл мэдээж хэрэгтэй. Би бо­дохдоо тийшээ очих биш одоо тэднийг наашаа татах цаг болсон гэж боддог.
 
-Манайхан юугаа­раа татах вэ. Чингэс хаанаас өөр...?

-Бидэнд дэлхийд байх­гүй нүүдэлчин аугаа соёл,  зан үйл заншил, ганц Чингэс биш түүнээс хойш монгол газарт үүсч хөгжсөн олон улс аймаг адаглаад л баруун Мон­голын түүх халимаг, бу­риад, их хэлмэгдүүлэлт бүр больё л доо, одоо нүхэнд гараараа алт ухаж байгаа хүн хархнуу­дынхаа тухай хийе л дээ. Цаад Холливуд чинь ки­но­ны сэдэвгүй болчи­хоод нэг киноныхоо хоёр, гуравдугаар ангиудыг нь хийгээд байгаа юм биш үү.
 
-Өөр гэгээлэг зүйл байж болохгүй гэж үү?

-Түүх байна ш дээ. Асар гэ­гээтэй бахадмаар, би­шир­мээр шүү дээ.
 
-Зарим хүмүүс Хол­ли­вуд руу очно гэж ярьж байхад та түүнийг авчирна гэж ярьж бай­на. Таны бодол бусдаас өөр байна шүү...

-Тийм үү. Тийм бол яамай даа.
 
-Манай дуурь, бүж­гэн жүжгийн авьяаслаг уран бүтээлчид баруун гэлтгүй дэл­хийд гайхагдаж байна. Гэтэл манай жүжигчид байхгүй л байна?

-Яагаад жүжигчид муу байна гэж. Жүжигчин М.Оргил гадаадын олон сайхан кинонд тоглож байна. Адгийн би хүртэл тэр Холливудын чинь нэг киноны хэсэгт тоглосон ш дээ. Ирландын хоёр, гур­ван ч сериалд гол биш ч гайгүй туслах дүрд явж үзлээ. Манайхан 2006 онд Японтой нийлж кино хийсэн. Тэр кинонд Том Крузз, "Сүүлчийн Саму­рай"-д тоглосон бүх жү­жигчид байсан. Драмын театрын гадаад харил­цааг ямар мундаг гэж бодож байна. Ингээд яривал олон юм ярих байна. Тэр Холливуд чинь одоо нэг их том, холын мөрөөдөл биш болсон шүү дээ. Би хэ­лээд байна. Тэд одоо биднийг сонирхож бай­гаа. Хамгийн түрүүнд дэлхийн хамгийн миа жүжигчин Стивен Сигал л хүрч ирээд зарим хүний толгойг эргүүлчихсэн боло­хоос ш дээ.
 
-Манайхан угаас гад­ны хүн гэхээр нү­дээ ухаж өгөхөөс бу­цахгүй, хөл алддаг биз дээ?

-Гэнэн гэдэг бол тэнэг гэсэн үг гэж би ойлгодог юм. Та битгий намайг гэнэн тэнэг болгох гээд бай. Би эзэмшсэн мэр­гэжилдээ хайртай, юмны цаад наадахыг ялгах бол­сон. Түүх соёлын асар их өвтэй, захын нэг америк зодоончийг дагаад хөөр­чихмөөр гэнэн амьтан биш шүү.
 
-Ойрд та ямар уран бүтээл дээр ажиллаж байгаа вэ. Киноны са­нал ирсэн үү?

-Энэ тал дээр би юу ч хийгээгүй байгаа. Тэглээ гээд санал тавьсан бол­гонд нь ороод бай гэсэн үг биш шүү дээ. Хүнд чинь тохирох тохирохгүй, дур­тай дургүй юм гэж байдаг. Жүжигчний, урлагийн мэргэжлүүд хэзээ ч тэт­гэвэрт гардаггүй юм. Та­ных ч гэсэн. Энэ бол хүний сэтгэл хөдлөл, эм­зэглэл мэдрэмжээс урган, тэтгэгдэж байдаг ажил.

Танд манай нийтлэл таалагдаж байвал LIKE дараарай!
Сэтгэгдэл
dyttzsllmrm swqd7gbtdqqqxcjjcx, [url=http://jwrcgvbaskfz.com/] jwrcgvbaskfz[/url], [link=http://lopyhqfkqlcc.com/ ]lopyhqfkqlcc[/link], http://cmtkiosrjevt.com/
IP:46.161.9.32  2016-05-29 04:30:36
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.