"Би ч гэсэн жаргамаар байна" мелодрамын жүжиг энэ сарын 16-наас эхлэн тоглогдоно

2010/04/15
Share |
Хүмүүс: Уранчимэг | 

УДЭТ-ын тайзнаа эдүгээ дэлхий дахинаа алдаршаад буй жүжгийн зохиолч В.Красногоровын долоон жүжгийг цувралаар тоглож байгаа билээ. Энэхүү долоон бүтээлийг тус театрын таван найруулагч өөр өөрсдийнхөөрөө тавьж буй нь сонин юм. Нээлтийн буюу хамгийн эхний жүжиг нь найруулагч Ч.Түвшингийн бүтээсэн “Солиотой жүжиг”. Харин түүний дараа мөн Ч.Түвшингийн “Яаж амьдрах юм бэ”,  Б.Мөнхдоржийн “Хунгийн дуу”,  Н.Наранбаатарын “Би ч гэсэн жаргамаар байна”,  Э.Батхүүгийн “Секс хийцгээе”, ерөнхий найруулагч Ч.Найдандоржийн “Диваажингийн хаалга” болон  “Дон Жуан” гэсэн  жүжгүүд тоглогдоно. Ээлжит тоглогдох жүжиг “Би ч гэсэн жаргамаар байна”  мелодрамын жүжиг бөгөөд энэ сарын 16-наас эхлэн ердөө долоон удаа 19 цагаас УДЭТ-ын тайзнаа тоглогдоно. Гол дүрүүдэд жүжигчин Тамир, Болд- Эрдэнэ, Хулан, Уранчимэг нар тоглосон. Харин хамгийн сүүлд тоглогдох жүжиг нь “Дон Жуан” бөгөөд түүнийг үзэгчид тавдугаар сарын 12-нд үзэх боломжтой. Сонирхуулж хэлэхэд энэхүү долоон жүжгийг бүгдийг нь үзэх абонемент тасалбар 35 мянган төгрөгийн үнэтэй юм.

Зэнзмэнэ-Эрдэнэ

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.