Жанет Жексон Монголыг сонирхов

2011/01/27
Share |
Хүмүүс:
Жанет Жексон Монголыг сонирхов

Нэг хэсэгтэй л тайзнаасаа хөндийрсөн, Америкийн эмэгтэй гоцлол дуучдын орон зайд өөрийн гэсэн ул мөрийг хэдийнэ үлдээсэн Жанет Жексон нойрноосоо сэрсэн бололтой. Тэрээр уран бүтээлийн их аянд эрч хүчтэйгээр мордохоор шийдсэнээ мэдэгджээ.

Тэр юуны түрүүнд Азийн 35 орноор аялан тоглолтоо хийж фенүүдийнхээ цөсийг хөөргөж, сэтгэлийг сэргээх бололтой. Түүний аялан тоглолт Сингапурт хоёрдугаар 7-нд тоглосноор эхэлж мөн сарын 14-нд Хонконгт гэх мэт дараагийн тоглох хот, тоглолтуудаа тухайн үедээ зарлан мэдэгдэх ажээ.

2009 онд Япон улсад таван удаагийн тоглолт хийхээр төлөвлөсөн ч санхүүгийн асуудлаас болоод цуцалсан байна. “Олон хүмүүсийн хүсэлт, саналын улмаас энэхүү аялан тоглолтоо хийхээр зориглоод байгаа бөгөөд их удаан хүлээлгэсэн тоглолт учраас бүх талаараа төгс байлгахыг хичээх болно” хэмээн тэрээр хэвлэлийн бага хурлын үеэр хэлжээ. Түүнчлэн дуучин бүсгүй 35 орноор аялах зорилготой байгаа болохоор бүх цаг үеийн шилдэг 35 дуугаа багтаасан шинэ цомгоо ч гаргахаа амлажээ.

Мөн тэрээр Чингисийн Монгол ямар орон байдаг вэ? гэхчилэнгээр продюссоруудаасаа асууж байсан гэсэн. Тиймээс энэ орнуудын тоонд манай орон багтах магадлал өндөртэй байгааг Монголын фенүүдийнх нь сонорт хүргэхэд таатай байна. Түүний хувьд 35 гэдэг тоо ямар нэгэн утга учрыг илэрхийлж байдаг бололтой.

С.Гэгээ

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.