Монголын эмгэнэл: Нинжа нарын үнэгүй амь

2011/05/09
Share |
Хүмүүс:
Монголын эмгэнэл: Нинжа нарын үнэгүй амь

Монголын хөрсөн доорх их баялаг өмнө нь манайхыг тоож ч хардаггүй байсан их гүрнүүдийн анхаарлыг татаад байгаа өнөө үед нинжа нарын бүхэл бүтэн давхарга Монголд үүсээд хэдэн жилийг ардаа орхилоо. Өвөлдөө 10-20 мянга, зундаа 30-50 мянган хүн гар аргаар алт олборлож байна. Тэдний хувь заяа үнэхээр эрсдэлтэй, нурангад даруулж амь насаа алдах тохиолдол байнга гарсаар байгаа. Үүний нэгэн жишээ Говь-Алтай аймгийн Есөнбулаг сумын Наран багийн нутагт гар аргаар алт олборлож байсан хоёр хүн нурангинд даруулж нэг нь амь насаа алдсан хэрэг энэ сарын таванд гарчээ. Тус аймгийн  төвөөс 60 гаруй километр зайтай орших Ямаан ус хэмээх газарт  хувиараа алт олборлож байсан Ш, Т нар нурангинд даруулсан байсныг аврагчид зургаан цаг ажиллаж, Улаанбаатар хотын харьяат 30 настай эрэгтэй Т-г эсэн мэнд гаргасан байна. Харин Говь-Алтай аймгийн иргэн 30 настай Ш нас барсан байсан тул цогцсыг нь гаргаж, цагдаагийн бүрэлдэхүүнд шилжүүлэн өгчээ. Энэ мэтчлэн амьдрахын төлөө, алт олохын төлөө яваа нинжа нар амиа алдсаар байна.

М.Гэрэлгуа
Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.