УИХ-руу бөхчүүдийн цуваа үргэлжилсээр...

2011/05/11
Share |
УИХ-руу  бөхчүүдийн цуваа үргэлжилсээр...

Дархан аварга Б.Бат-Эрдэнэ ,самбо бөхийн дэлхийн аварга Х.Баттулга, МУ-ын гавьяат тамирчин Д.Батбаяр...  Энэ бол УИХ-д заларсан бөхчүүдийн цуваа. Энэ жим ч цааш үргэлжлэх бололтой. Сураг сонсохнээ ирэх сонгуульд Асашёорюү Дагвадорж, аварга Д.Сумъяабазар,улсын заан Д.Цэрэнпунцаг нар нэрээ дэвшүүлэх тухай чих дэлсэх болов. Харин саяхнаас АН-ын дансанд арван хоёр сая төгрөг “чулуудсан”гэгдээд байгаа Улсын гарьд Б.Гантогтохын нэр ч араас нь зурайлаа. Энэ тухай хүмүүс янз бүрээр  ярилцах аж. “Арай ч үгүй байлгүй дээ” гэх нэг хэсэг байхад, “аав нь төрийн ордонд хууль тогтоолцож явсан туршлагатай  болохоор болохгүй нь юу байхав” хэмээн дэмжих аястай ярих хүмүүс  ч байна. Нээрээ л дархан аварга Х.Баянмөнхийн дэмжсэн олон хууль өнөө ч мөрдөгдөж яваа билээ. Ямартай ч эцгийнхээ нэрийг чамбай авч яваа Б.Гантогтох гарьд, аваргын улс төрийн карьерыг ч үргэлжлүүлэхээр шийджээ. Гэхдээ “наадамд барилдаж чадахаа байхаараа нам дагадаг моод бөхчүүдийн дунд дэлгэрээд байгаа юм биш биз дээ” гэх олны яриа ч бас дуулдах боллоо.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.