Х.Баттулга сайдын шоу буюу Петрочайна Дачин Тамсаг

2011/07/06
Share |
Хүмүүс: Х.Баттулга | 
Х.Баттулга сайдын шоу буюу Петрочайна Дачин Тамсаг

“Петрочайна Дачин Тамсаг” компаний үйл ажиллагааг нь сэргээчихжээ. Өөрөөр хэлбэл тээвэрлэлт хийхийг нь хориглоод байсан шийдвэрээсээ ЗТБХБ сайд буцаж байгаа бололтой. Үндэслэл шалтгаан нөхцлийг нь танилцуулж, монгол оронд учруулаад байгаа хор хохирлыг нь өгч байгаа ашигтай нь харьцуулан танилцуулсаар байтал үнэндээ монголын төр засаг чих нь далай нүдэн балай гэдэг шиг байж улсынхаа эрх ашигаас илүү хувь хүний хүчинд автчихлаа. Тамсагийн нефтний ордод Петрочайна 18 жил ажиллаж байна. Ажилласан энэ хугацаандаа монгол улсад ямар үр ашиг өгсөнийг нь харин хэн ч мэдсэнгүй. Монголын түүхий нефтийг бараг үнэгүй шахам авчихаад эргүүлээд энэ улсад нэг литр нефть өгсөн удаагүй. Тэд монголын ард түмнийг төр засагтай нь хамт   басамжлан доромжилдог юм байна. Бидэнд мөнгө байна. Бид тохиролцож чадна. Тиймд  монголчуудын санаа бодол хамаагүй. Харин нэг хоёрхон сайд нарыг зохицуулж чадах юм бол болоо шахуу юмыг ярьж байсан бол тэрнийгээ ч батлан харууллаа. “Петрочайна Дачин Тамсаг” –ын үйл ажиллагааг зогсоогоод байсан авто тээврийн газрынхан мундаг байна гээд магтаж байсан сайд нь өнгөцхөн хэсэг шоудаж байгаад өнөөдрөөс эхлэн тээвэрлэлтийнх нь эрхийг юу ч болоогүй юм шиг сэргээгээд өгчихлөө. Хятадын энэ компаний талд ямар том эрх ашиг үйлчилж байна вэ гэдгийг эндээс харж болж байгаа юм. Хэдэн арван төрлийн химийн хорт бодис ашиглаж, хэдэн арван мянган талбайг нефтийн шаараар будаж, хэдэн арван замаар бүтээгдэхүүнээ зөөж байгаа нөхдийг андуураад лацадчихсан болоод дуусдаг юм байна дөө энэ салбарт.

Т.Алтаа. Factnews.mn  

 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.