Дуучид биеэ үнэлжээ

2011/08/15
Share |
Хүмүүс:
Дуучид биеэ үнэлжээ

Монголын рок попын дуучид бараг нэг нэг ертөнц болчихсон гэхэд болно. Поп хатагтай Б.Сарантуяа, МУГЖТ.Ариунаа гээд тэд тусдаа Бүгд найрамдах улс.“Харанга”, “Чингис хаан”, “Хурд”, хамтлагууд мөн л өөрийн гэсэн ертөнцтэй. Ийм хэмжээнд өндөрт гарчихсан учраас томчууд хоорондоо л ярьдаг гэж болно. Энэ бол хөгжлийнх нь өөрийнх нь хууль. Үзэгчидтэй бол үзэгчидтэй, орлоготой бол орлоготой тийм том орон зай Монголын урлагт хэдийн бий болжээ. Юм аугаа байхынхаа чинээгээр зөрчил төдий чинээ өндөр байдаг. Ядуу байхдаа зөрчил байдаггүй гэдэг. Харин сүүлийн үед нам жим байсан рок попынхон хөдөлгөөнд орж эхэлжээ. 2012 оны сонгууль урлагийнхны хувьд санхүүгээ бататгах сайхан боломж. Ирэх сонгуульд нэр дэвших эрхээ нууцхан өвөртөлсөн "горилогчид"сурталчилгааны ажилдаа хэдийн орчихсон. Аймаг сумын ойд очих, ард түмний санал бодлыг сонсох нэрээр нууцхан PR-аа хийж яваа. Тэд одооноос хамтлаг дуучидтай дотночилж, багаа бүрдүүлэн гэрээ хийгээд эхэлсэн гэнэ. Ирэх сонгуулиар хамгийн их үнэд хүрэх дуучнаар “Харанга”-ын Лхагваа, “Камертон” Болд хоёрыг тодруулаад байна. Тэд гурван дуу дуулахад таван сая төгрөг гэж өөрсдийгөө үнэлжээ. Өнгөрсөн сонгуулиар гурван дуугаа 2,5 саяар үнэлж байсан “Камертон”, “Хар сарнай”, “Киви” хамтлагууд тарсан нь залуу хамтлаг, дуучдад ихээхэн боломжийг олгох нь. Харин “Гурван охин” хамтлаг Өвөрхангай аймгийн 80 жилийн ойн нээлтэн дээр хагас нүцгэн тайзан дээр гарч “Hot disco”хэмээн үглэн бөгсөө савчиснаар наадамчдыг залхааж. Үзэгчид“Наад тэнэг гурван шалдан хүүхнээ буулгаач” хэмээн бараг хөөж буулгасан аж.Харин Зохиолын дууны ханхүүгээс гал цогтой тэмцэгч болсон МУГЖ С.Жавхлан ирэх сонгуулиар нутгийн болон үзэл бодол нийлдэг улс төрчдөд үнэрхэхгүй, сэтгэлээрээ туслана гэж мэдэгджээ. Л.Банзрагч 2,5 сая, Д.Хишигбаяр Р.Дэлгэрмаа нар хослон дуугаараа гурван сая, Т.Батсайхан хоёр сая, Г.Эрдэнэтунгалаг, Ч.Бат-Эрдэнэ, Д.Намсрайноров нар нэг сая төгрөгөөр өөрсдийгөө  үнэлжээ. Хамгийн өндөр ханштай зохиолын дуучнаар харин  Л.Болдбаатар тодроод байна. Тэрээр нэг оройн тоглолтоо гурван саяар үнэлсэн гэнэ шүү.

Д.Отгон.Factnews.mn

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.