Элчин сайд А.Ундраа цөмийн хаягдлаар бизнес хийх гэж байна

2011/08/31
Share |
Хүмүүс:
Элчин сайд А.Ундраа цөмийн хаягдлаар бизнес хийх гэж байна

Цөмийн хаягдал булах тухай яриа монголчуудыг цочроож байна. Хэн, хаана очоод, хэнтэй ийм аймшигтай зүйл сэдэн хэлэлцэж байгааг хүмүүс олон янзаар тандах боллоо. Эцсийн дүнд нэг л цэг дээр шуугианы үзүүр тулж очих ажээ. Тэрхүү аюултай цэг дээр нь эмэгтэй хүн сууж байгаа юм байна. Бүр Элчин сайдын мяндагтай эмэгтэй шүү. Түүнийг А.Ундраа гэдэг. Дээрээ том татаастай, томоос том “мотортой” юм байна. Тиймээс Америкт сургууль төгссөн, цөмийн энергийн талаар бага сага юм мэддэг хэмээн өөрийгөө тоосон А.Ундраа эр нөхрийнхөө энэ чиглэлийн компанид аятайхан ажил олох зорилгоор цөмийн хаягдал эх орондоо авчирч булшлах мэргэн санаа олсон бололтой. Америк дахь цөмийн энергийн газрын хүмүүстэй уулзан, энэ талаар үг цухалзуулж явсаар сүүлдээ гэрээ байгуулах дээр тулсан юм байна. Гадаад харилцааны сайд Г.Занданшатарынхаа толгойг ч бас зад угаачихсан бололтой. Тус яамны тусгай үүргийн Элчин сайд гэдэг албан тушаалаа А.Ундраа ийнхүү тун овжин ашигласан нь одоо ил тод боллоо. Тэрээр энэхүү аймшигтай зүйлийг нь эсэргүүцсэн хүмүүс рүү хандан “Цөмийн хаягдлыг одоохондоо булчихаагүй байна. Булсан хойно нь л буллаа гэж яриа ч дээ” хэмээн томорсон нь “Би л үүнийг мэднэ” гэсэнтэй агаар нэг сонсогдоно. Тэр гэр бүлийнхээ хамтаар уран олборлох, боловсруулах, тээвэрлэх, цөмийн түлш бэлтгэх  хувийн компаниа алсдаа ийм замаар хөлжүүлэх гэсэн нь үнэний ортой хэмээн нэгэн эх сурвалж өгүүлж байна. Даварсан авгай гэж түүнийг л хэлэх болов уу.

Я.Ымербек.Factnews.mn

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.