М.Энхсайхан, Н.Энхбаяр хоёр Алмасын эрэлд хамтдаа мордохоор болов

2011/09/09
Share |
Хүмүүс:
М.Энхсайхан, Н.Энхбаяр хоёр Алмасын эрэлд хамтдаа мордохоор болов

Үндэсний шинэ намыг үүсгэн байгуулагчдын нэг, Ерөнхий сайд асан М.Энхсайхан ууланд авирах хоббитой. Тэрбээр энэ хоббигоо МАХН-ын дарга Намбарын Энхбаяраас “импортолж” авсан гэдэг. Гаалийн татвар энэ тэр гэж юу байхав, тэдэнд. Хувь хүнээс дуртай юмыг нь дуурайж авч байгаа юм чинь. Н.Энхбаяр бол түүнээс  олон удаа ууланд авирсан “жинэхэнэ мастер” юм. Алтай таван Богдод гурвантаа авирсан. М.Энхсайхан нэг удаа Алтай таван Богд руу авирахаар яваад замдаа алмас гэгч хүний нүдэнд харагддаггүй, гарт баригддаггүй хачин жигтэйхэн амьтны мөр олж, араас нь хөөсөөр яваад алдчихсан гэдэг. Нэгэнт барьж авч чадаагүй түүнд хүмүүс “Алмасын эрэлчин” хэмээх нэр хайрлажээ. М.Энхсайхан энэхүү гоё нэрэндээ бас хайртай. Харин сүүлийн үед Н.Энхбаяртайгаа хамтран  “Алмас”  авлахаар мордох ажээ. Тэгэхдээ ууланд биш Улаанбаатарын гудамж, шаргал ордон дотуур “алмас” эрж хайх бололтой. МАНАН-тай, будантай тул тэд бас төөрөх аюултай гэнэ. Гэхдээ М.Энхсайхан “алмас”-ын эрэлд явж байсан туршлагатай тул Н.Энхбаяр нь төөрөхөөөс айхгүй байгаа бололтой. Хоёул хоолой хоршиж, “Үндэсний үзэл” хэмээн хаширч чадвал “Алмас” байтугайг барина хэмээн харин Н.Удвал авгай нь сүүгээ өргөж буй сурагтай.

Я.Ымербек.Factnews.mn

 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.