“TОП-50” шалгаруулалтын төгсгөлийн шат өнөөдөр эхэлнэ

2011/11/07
Share |
Хүмүүс:
“TОП-50” шалгаруулалтын төгсгөлийн шат өнөөдөр эхэлнэ

“Сонгуулийн Менежментийн Төв” олон нийтийн байгууллагаас шинэ үеийн “Шилдэг залуу 50 улс төрч”, “Шилдэг эмэгтэй 50 улс төрч”-ийг нэрлэх “ТОП-50” шалгаруулалтыг орон даяар зохион байгуулж байна.
Энэхүү шалгаруулалтын ач холбогдол нь “Нийгэм, эдийн засгийн үсрэнгүй хөгжлийн гараан дээр байгаа эх орныхоо төлөө чинхүү сэтгэлээр, шударга зүтгэлээр хөдөлмөрлөх шинэ залуу үе, эмэгтэйчүүдийн төлөөллийг улс төрийн амьдралд илүүтэй оролцуулах нь улс орны цаашдын хөгжилд томоохон эерэг нөлөөллийг авч ирнэ. Тиймээс залуу улс төрчид, эмэгтэй улс төрчдийн карьерыг өсгөх, олон нийтэд үр дүнтэйгээр сурталчлан таниулахад” оршино.
Шилдэг залуу 50 улс төрч, Шилдэг эмэгтэй 50 улс төрчийг нэрлэх “ТОП-50” шалгаруулалтын төгсгөлийн шат өнөөдөр оройны 20 цагаас эхлэх гэж байна. Одоо нэр дэвшээд байгаа 204 эмэгтэй, 168 залуу улс төрчдөөс 100, 100 улс төрч төгсгөлийн шатанд шалгарч шилдэг 50-ийн төлөө өрсөлдөнө. Хамгийн гол нь эдгээр улс төрчид маань хоорондоо өрсөлдөх биш тэднийг дэмжигч, сонгогч та бүхэн маань саналаараа өрсөлдөж байгаа гэдгийг сайтар ойлгож, дэмжиж байгаа улс төрчдөө аль болох олон хүнээс олон санал өгүүлэх нь өрсөлдөөнд тэргүүлэх боломжийг улс төрчдөд олгох билээ. Тодруулбал тухайн улс төрчдийг дэмжигчид тодорхой бүлэг үүсгэж санал асуулгад оролцох, санал асуулгад уриалах, төрөл бүрийн хэлбэрээр идэвхжүүлэх нь үр дүнг дээшлүүлэх сайн талыг авчирч байгааг санахад илүүдэхгүй биз ээ.
Сонгуулийн ялалт гэдэг бол дэмжигчдийн бүлэг үүсгэж, өөрийн үзэл бодол, итгэл үнэмшлийг хамгийн олон иргэд, сонгогчдод хүртээж, ойлгуулж чадсан нэр дэвшигчид ирдэг зүйл. Тиймээс энэхүү санал асуулгад оролцохдоо 2011.11.11-нд /санал асуулгын дүнг зарлах өдөр/ сонгуулийн эцсийн дүн гарна гэсэн сэтгэхүйгээр хандаж, дэмжиж буй улс төрчдөө санал нэмэрлэхийг бид уриалж байна.
Та дэмжиж байгаа улс төрчдөө дараах хоёр хэлбэрээр санал өгч болно.
1.songuuli.zindaa.mn хаягаар орж, интернэтээр санал өгөх боломжтой. Энэ тохиолдолд интернэтийн нэг ip хаягнаас хоёр цаг тутамд нэг удаа санал өгөх боломжтой. Ижил ip хаягтай компьютерын хэрэглэгчид хоёр цаг тутамд дундаасаа ганцхан санал өгөхийг анхаарна уу.
2.Та дэмжиж байгаа улс төрчийнхөө songuuli.zindaa.mn сайтанд бичигдсэн ID дугаарыг 155-000 дугаарт мессежээр илгээж санал өгөх боломжтой. Мессежний саналыг Мобиком, Скайтел, Юнител, Жи-Мобайл операторуудын бүх дугаараас өгөх боломжтой. Нэг мессеж 550 төгрөгний өртөгтэй болно.
Таны сонголт мэргэн байх болтугай.

Сонгуулийн Менежментийн Төв
Лавлах утас: 99085897, 96656741

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.