С.Батсүх: Бөгж, бугуйвч, цаг миний мөнхийн хобби

2012/04/24
Share |
Хүмүүс:
С.Батсүх: Бөгж, бугуйвч, цаг миний мөнхийн хобби

Олон сайхан бүтээлээр ард түмнээ мялааж яваа Завхан нутгийн Гавьяат С.Батсүхтэй сонирхдог зүйлийнх нь талаар цөөн хором хөөрөлдлөө.

- Чөлөөт цагаараа юу хийх дуртай вэ?
- Юм бодож суух дуртай. Мөн ан гөрөө хийж, хээр хэвтэх сонирхолтой. Аялсан газруудаасаа дурсгалын зүйл авдаг зуршил минь миний хобби юм даа.

- Ямар зүйл худалдан авдаг вэ?
- Шар өнгийн урлагийн бүтээл авдаг. Цөгц, хөөрөг, бөгж, бугуйвч гээд багагүй зүйл бий.

- Таныг найзууд чинь олон хөөргөөр гангардаг гэх юм билээ?
- Нэг их олон биш ээ. 10 гаруй л хөөрөг бий. Өндөр өртөгтэй ч биш. Хамгийн сүүлд нил яагаан болор хөөрөг авсан. Бас нэг хобби гэвэл бөгж, бугуйвч, бугуйн цаганд дуртай шүү.

- Таныг дуулж байхад бөгж, бугуйвч чинь их содон харагддаг?
- Хүүхэд байхдаа гуулин бугуйвч зүүдэг байлаа. Одоо бол цэвэр алтан бугуйвч зүүдэг. Эр хүн бөгж, цаг, бугуйвчаар гангардаг гэж боддог. Үнэт эдлэлээр хийсэн 4-5 бугуйвч, мөн тооны бөгж бий.

- Цаашид Таны хобби өөрчлөгдөх болов уу?
- Би нэг хэсэг буу цуглуулдаг байсан. Манай нэг найз зэвсэг цуглуулах муу гэхээр нь больсон. Бөгж, бугуйвч, цаг гурав л миний мөнхийн хобби юм даа.

Б.АНХЦЭЦЭГ Эх сурвалж: ҮНЭН

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.