”Хошногоор чинь хоол чихнэ шүү” гэж даажигнажээ

2012/05/24
Share |
Хүмүүс: Намбар Энхбаяр | 
”Хошногоор чинь хоол чихнэ шүү” гэж даажигнажээ

МАХН-ын дарга Н.Энхбаярыг ШШГЕГ-т хоригдох хугацаандаа дарамт шахалтанд байсан гэдэг мэдэгдэл, гомдлын эсрэг тус байгууллагынхан хэвлэлийн бага хурал зарласан. Ингэхдээ Н.Энхбаярын ажилтнуудыг загнаж, зандарч өнөөх алдарт салаавчаа гаргаж буй хэсгийг байн байн үзүүлэх шугамаар нийгмийн сэтгэхүйг өөрчилж байв. ШШГЕГ гэдэг өөрөө эрүүдэн шүүлтийн газар гэдгийг хүн бүхэн мэднэ. Гэхдээ МАХН-ын дарга Н.Энхбаярт буюу олон нийтийн анхаарлыг сүүлийн үед хамгийн ихээр татаж буй үйл явдлын гол дүрд элдэв авир гаргаж арай зүрхлэхгүй биз гэсэн итгэл төрсөн. Нөгөө талдаа “Н.Энхбаярыг өнөөх аймаар газар аваачаад янз бүр болгохыг үгүйсгэхгүй” гэсэн хардлагын мессеж учир мэдэх хүмүүсээс ирж байлаа. ШШГЕГ-ынхан нэрээ цэвэрлэхийн тулд хийсэн эл хэвлэлийн хурал яг үнэндээ олон нийтэд Н.Энхбаяр гэдэг хувь хүний тухай сөрөг ойлголт өгч дөнгөөгүй билээ.

Наад захын хүн өдрийн цайндаа орж амжихгүй бол хэр зэрэг бухимддагаа мэддэг учраас тэр. Н.Энхбаяртай өөрсдөө эхэлж хэрхэн харьцсанаа бусдад дэлгэлгүйгээр эвлүүлсэн эл бичлэгүүд дэхь эвгүй зан авир үүсэх болсон гол шалтгаан юу байв. Өнөөх л ШШГЕГ-ынхан эрхшээлдээ орсон хүнээс кайф авдаг сэтгэл зүйн тарчлаан. Хэвлэл мэдээллийнхэнд дэлгээд буй Н.Энхбаярын алдарт салаавчны өмнөх бичлэгийг ШШГЕГ дэлгэх үгүйг бүү мэд. Эх сурвалжуудын хэлж буйгаар ШШГЕГ-ын ажилтан Н.Энхбаяраас өлсгөлөнгөө зогсоож, хоол идэхийг шаардаад адаг сүүлд нь "хошногоор чинь хоол чихчихнэ шүү" гэж даажигнасан байна. МАХН-ынхан болон ар гэрийнхэн нь бичлэгийг бүрэн эхээр гаргахыг шаардсан нь ийм учиртай аж.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.