Т.Өөдөө: Хүнийг аргацааж хуурсан занд дургүй

2012/05/30
Share |
Хүмүүс: Т Өөдөө | 
Т.Өөдөө: Хүнийг аргацааж хуурсан занд дургүй

Энэ удаагийн "Би дургүй" булангийн маань зочин “M-Galaxy” студийн захирал, жүжигчин Т.Өөдөө.

- Таны дургүй улирал юу вэ?
- Өвлөөс хавар руу шилжих үе гэх юм уу даа. Халуун, бүгчим мөртлөө шороотой их муухай шүү.

- Тэгвэл дургүй өнгө?
- Усан ягаан. Ер нь миний өнгөний сонирхол байнга өөрчлөгддөг. Энэ өнгөнд нэг хэсэг их л дуртай байсан, харин одоо бол үгүй.

- Очих дургүй газар гэж бий юу?
- Дэндүү олон хүн цугларсан газраар явах хэцүү санагддаг юм.

- Дургүй хоол?
- Мах ихтэй хоолонд муу. Ихэвчлэн хөнгөн чанарын ногоотой хоол л иддэг.

- Хийх дургүй ажил тань?
- Хамгийн дургүй ажил маань гэвэл юм индүүдэх байх.

- Дургүй амьтан?
- Ахуйн жижиг шавьжнуудад дургүй. Гэмгүй юм шиг байж байгаад хүн хазаад л... Бас жоом байна.

- Дургүй уур амьсгалтай орчин?
- Хүйтэн, зэвхий даасан хөндий орчин. Жишээ нь, автомашины гараж.

- Дургүй гоёл?
- Ямар ч үнэ цэнэгүй юманд дургүй. Өөрөөр хэлбэл, зүгээр л нэг гял цал харагдахуйц юм уу, дуураймал эдлэл хэрэглэхийг хүсдэггүй.

- Дургүй хүн чинь болзоонд уривал?
- Очихгүй шүү. “Чи надад таалагддаггүй. Үүнийг мэдсээр байж яагаад намайг уриад байгаа юм бэ” гээд шуудхан л хэлчихнэ.

- Дургүй тоглоом?
- Амь нас, эрүүл мэндэд хэтэрхий халгаатай зүйлээр тоглох аюултай байлгүй.

- Дургүй ундаа?
- Архи.

- Дургүй дуу?
- Нийтийн гэж нэрлэгдээд байгаа мөртлөө гингэнэсэн, нэр төдий дуунуудад.

- Дургүй зан?
- Хүнийг аргацааж, эзгүйчилсэн занд ёстой дургүй. Хуурамч, хулгайч, арчаагүй занг бүр үзэн яддаг.

- Дургүй дүрд чинь тоглуулах гэвэл?
- Өө, харин ч бүр дуртайяа тоглоно.

Р.ЕСҮЙ

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.