”Гаргүй” гитарчин залуугийн гайхалтай үзүүлбэр

2012/08/17
Share |
Хүмүүс:
”Гаргүй” гитарчин залуугийн гайхалтай үзүүлбэр

Дэлхий нийтийн анхаарлыг эрхгүй татаж онлайнаар багагүй шуугиан тарьсан төрөлхийн гаргүй “гитарчин” залуугийн тухай мэдээллийг онцлон хүргэж байна.


Түүнийг Жорж Дэнехи гэдэг бөгөөд энэ жил 18 настай тэрээр 8 настайгаасаа хийл хөгжмийг хөлөөрөө тоглож сурснаас хойш өдгөө төгөлдөр хуур болон гитариар чадварлаг тоглодог нэгэн ажээ.

Жорж өнгөрсөн 6 сард Америкийн алдарт “Goo Goo Dolls” хамтлагийн хит дуунуудын нэг “Iris” уран бүтээлийг “ковер”-лож тоглосон бичлэгээ “YouTube” болон “Reddit” сайтуудад аплоад хийсэн нь олныг алмайруулаад зогссонгүй бүр хамтлагийн уран бүтээлчдийн сэтгэлийг ихэд хөдөлгөжээ.

 



Ингээд түүний бичлэгийг үзсэн хамтлагийн бөмбөрчин Майк Малининий урилгаар тэрээр 10 өдрийн турш нижгэр болж өнгөрдөг хөгжмийн “Musikfest” арга хэмжээнд оролцож дахин олныг шуугиулжээ.

Энэхүү наадам нь жил бүр АНУ-ын Пенсилвань мужийн Бетлэхем хотод 10 өдрийн турш зохиогддог бөгөөд 300 хол давсан уран бүтээлчид ирж ая дуугаа өргөхийн сацуу дуу хөгжимд хайртай дэлхийн сая сая үзэгчдийг соронзон мэт татдаг шилдэг фестиваль юм.

Виржиниагаас гаралтай Жорж нэг настайдаа Америк гэр бүлд үрчлэгдсэн бөгөөд тус хамтлагийн дуунуудаас гадна дуучин Пинкийн “Perfect” дууг коверлон дуулжээ. 

Ийнхүү сэтгэлийн их хат, хичээл зүтгэл, урам зоригоор дүүрэн залуу хүүгийн хөлөөрөө наадсан гитарын хосгүй аязыг хүлээн авна уу.

Жич: “Goo Goo Dolls” хамтлагийг сонсдог хүмүүст дуулгахад тэд бие даасан 10 дахь цомгийнхоо ажилд орсон гэнэлээ шүү.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.