Л.Гүндалай: Ц.Нямдорж гишүүн төрийн ажлыг гацааж байна

2012/10/19
Share |
Хүмүүс: Л Гүндалай | 
Л.Гүндалай: Ц.Нямдорж гишүүн төрийн ажлыг гацааж байна

УИХ-д 2000-2004 онд ардчилагчид дөрөвхөн суудалтай байхад Л.Гүндалай гишүүн уриа лоозон барин чуулганы танхимыг доргиож байсан түүхтэй. Тэгвэл өчигдөр УИХ дахь МАН-ын төлөөллийн гишүүд болох нэг үе Монголын төр, засгийн өнгө болж явсан эрхэм гишүүн М.Энхболд, Ц.Нямдорж, Д.Дэмбэрэл, Д.Лүндээжанцангаас өгсүүлээд залуу улстөрч Ж.Энхбаяр, С.Бямбацогт нар уриа лоозон бариад эгнэн чуулганы танхимын үүдийг хааж суусан юм. Тэд ийнхүү эсэргүүцсэнийхээ хүчинд УИХ-ын үйл ажиллагааг зогсоож,  Г.Батхүү, Д.Зоригт нарыг УИХ-ын гишүүнээр сонгогдож тангарагаа өргөх ёслолыг хойшлуулж чадсан юм. Харин эрхэм гишүүн асан Л.Гүндалай өчигдөр төрийн ордонд орж эгнэн суусан “Олуулаа Гүндалай” нартай гар барин мэндчилж “Бидний байр солигдчихжээ” хэмээн наргисан. Гэвч үнэн хэрэгтээ эрхэм гишүүн эдгээр хүмүүсийн үйл ажиллагааг буруу гэж үзэж байгаа аж. Тэрбээр “МАН-ын гишүүд, тэр дотроо Ц.Нямдорж гишүүн төрийн ажлыг гацааж байна. Би арван жилийн өмнө яг ингээд эсэргүүцлийн бичиг бариад зогсож байлаа. Тэр үед миний үйлдэл зөв байсан. Тэрийг энэ хүмүүс ойлгоогүй бололтой. Би чуулганы танхимын үүдийг хаагаагүй, төрийн ордоны үүдэнд хөндлөн хэвтээгүй. Цаасан дээр бичсэн хэлэх үүгээ харуулаад л зогсож байсан. Тэгэхээр энэ хүмүүсийн хийж байгаа ажил буруу” хэмээн мэдэгдсэн юм.



 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.