Алтанхуягийн нүүрс хүний алтан аминд хүрчээ

2012/11/19
Share |
Хүмүүс:
Алтанхуягийн нүүрс хүний алтан аминд хүрчээ

Шинэчлэлийн засгийн газраас гэр хорооллын иргэдийг хямд нүүрсээр хангах “ажиллагаа”-г эхлүүлсэн. Энэ ажил Чингэлтэй дүүргийн 13 дугаар хороонд 2012 оны 11 дүгээр сарын 16-ны өдрөөс эхлэн хэрэгжиж эхэлсэн юм. Тус хорооны нутаг дэвсгэрт хямд нүүрсийг борлуулах 2 цэг Сургуулийн 21-р гудамж 350 тоот, Сургуулийн 41-856 тоотод тус тус байрлаж байна.

 

2012 оны 11 дүгээр сарын 17-ны 13 цагийн орчим нүүрс борлуулах цэгийн нэг болох 86-р цэгт буюу Сургуулийн 21-350 тоотод нүүрс буулгахаар явж байсан 35-64 УНЭ улсын дугаартай Хюндай маяти маркийн машин тус хорооны сургуулийн 21-347а тоотод оршин суугч иргэн Жавзанг дайрч амь насыг нь хөнөөжээ. Чингэлтэй дүүргийн 13-р хорооны оршин суугч Жавзан нь тус хороонд ганц охинтойгоо амьдардаг байжээ.

 

Нүүрс борлуулах цэгийг өндөрлөг газар байрлуулснаас эрдэнэт хүний амь нас үрэгдсэн нь иргэд оршин суугчдын дургүйцлийг ихээр төрүүлж Алтанхуягийн нүүрс хүний амьны үнэтэй гэх яриа ч иргэдийн зүгээс гарч эхэллээ.

 

Хорооны зүгээс иргэдэд нүүрс түгээх, борлуулахад тохиромжтой зургаан өрхийн судалгааг өгсөн боловч үл хайхран Ардчилсан намаас нэр дэвшигчийн шадар туслахын гэрийн хаягаар нүүрс борлуулахаар шийдвэрлэсэн нь намынхаа сурталчилгааг хийх гэсэн бас нэгэн явуулга байв.

 

Гэвч байрлалын хувьд хүнд ачаатай машин явахад хүндрэлтэй, өвлийн цагт халтиргаа гулгаа үүсэх аюултай замаар явж хүрэх цэгт нүүрс борлуулах цэгийг байгуулсан нь хүний аминд хүрэх нэгэн шалтгаан боллоо. Хорооноос гаргасан судалгааны дагуу нүүрс борлуулах цэгээ байгуулсан бол нэгэн аавын энхрий охин өнчин хоцорч жирийн иргэний амь нас үрэгдэхгүй байх байлаа. 

 

ХУУЛЬ ЗӨРЧИЖ СУРТАЛЧИЛГАА ХИЙХ ГЭЭД ХҮНИЙ АМИНД ХҮРЧЭЭ 

 

Чингэлтэй дүүргийн 13-р хороонд оршин суугч иргэн Жавзанг 2012 оны 11 дүгээр сарын 17-ны өдөр гэрийнх нь ойролцоо нүүрс ачсан машин дайрч амь насыг нь хөнөөжээ. Хүний аминд хүрсэн энэхүү машин нь тус хорооны нүүрс борлуулах цэгт нүүрс хүргэхээр явж байсан байна.

 

13-р хорооны нүүрс борлуулах цэг нь иргэдэд нүүрс түгээхэд тохиромж муутай, өгсүүр, халтиргаа үүсэх өндөрлөг газар байрлаж байгаа бөгөөд ийм замд нүүрс ачсан машин гулгаж халтирахгүй гэсэн баталгаагүй билээ. Гэвч хорооноос гаргаж өгсөн судалгааны дагуу тохиромжтой цэгт бус харин Ардчилсан намын нэр дэвшигчдийн сурталчилгааны байр шахуу туг далбаа болсон шадар туслагчийнх нь гэрт нүүрс борлуулахаар шийдвэрлэсэн нь иргэдэд олгох хямд нүүрсийг түгээхтэй зэрэгцүүлэн сонгуулийн сурталчилгаагаа хийх зорилготой Ардчилсан намынхны бодлого гэлтэй.

 

Гэтэл Засгийн газар, нийслэлийн төр захиргааны байгууллагуудаас хэрэгжүүлж байгаа ажил санаачлагыг өөрийн болон Ардчилсан намын сонгуулийн сурталчилгааны арга хэрэгсэл болгон Аймаг, сум, дүүргийн Иргэдийн төлөөлөгчдийн хурлын сонгуулийн 34.8.3 дахь заалтын сонгогчийн саналыг татах зорилгоор энэ хуульд заасан бусад бүх төрлийн үйлчилгээ зохион байгуулах, ивээн тэтгэх болон мөн хуулийн 34.8.12 дахь заалтын сонгогчдын санал худалдан авахад чиглэсэн бусад аливаа үйлдэл, үйл ажиллагаа явуулахыг хориглоно гэсэн заалтыг тус тус зөрчиж байгааг илтгэж байна.

 

Тус дүүргийн нүүрс борлуулах цэгүүдийг зөвхөн 13 хороонд ч бус 17-р хороонд Ардчилсан намаас нэр дэвшигчдийн сурталчилгааны самбартай цэгийг сонгож байгуулсан нь Засгийн газрын хийж хэрэгжүүлж байгаа ажлыг сурталчилгаандаа ашиглах гэсэн бас нэг оролдлого гэж үзэн Дүүргийн Монгол Ардын Намын хорооны Хяналтын хорооноос Дүүргийн сонгуулийн тойргийн хороондоо гомдол гаргажээ.

 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.