Харцага Ц.Содномдорж, Н.Батзаяа нарын бөхчүүдэд эрүүгийн хэрэг үүсгэжээ

Өнгөрсөн долоо хоногт зургаан бөх “River sounds” бааранд үйлчлүүлж байсан 20-25 настай Ж, Э нарыг шалт­гаангүйгээр зодож тан­хайрсан талаар бид мэдээл­сэн. Харин чухам ямар бөхчүүд  бусдын биед халд­саныг нь цагдаагийнхан нуу­цалж байсан юм. Бидэнд олд­сон мэдээллээр улсын болон аймгийн цолтой бөхчүүд бай­сан гэдэг нь тогтоогджээ.Тодруулбал, албаны эх сурвалжийн мэдээлж буй­гаар  Хөвсгөл аймгийн харьяат, улсын харцага Ц.Сод­ном­дорж, Ховд айм­гийн харьяат, улсын начин Н.Бат­заяа нартай хамт явж байсан залуус зодоон хий­жээ.Улсын харцага Ц.Содном­дорж болон улсын начин Н.Батзаяа нар “Бид зодоон хий­сэн гээд байгаа залуусыг огт танихгүй. Биднийг таньдаг гэдэг утгаараа мэн­дэлсэн юм” гэж мөрдөн бай­цаалтад мэдүүлжээ. Иймээс харьяа дүүргийн Цаг­даагийн хэлтэст дээрх бөх­чүүдэд эрүүгийн хэрэг үүсгэн шалгаж байгаа аж.

Б.Саруул