Дараагийн Монголд тоглох дэлхийн од хэн бэ?

2012/12/11
Share |
Хүмүүс:
Дараагийн Монголд тоглох дэлхийн од хэн бэ?

Данийн алдарт "Michael Learns To Rock" хамтлаг UB palace-ын концертын их танхимыг доргион, 2 үдэш Монголын үзэгчдийг догдлуулж 1990-ээд оноор эргэн аялууллаа. Хоёр үдэш үзэгчдийг байлдан дагуулж чадсан энэ тоглолтыг "Evento" компани санаачлан, Монголын Залуучуудын Холбоо ерөнхий зохион байгуулагчаар ажиллаж, үзэгчдэд үнэхээр бэлэг барьж чадсан юм. Тэдний эхлүүлсэн анхны төсөл амжилттай болж, дэлхийн амьд хөгжмийн тоглолтыг үгүйлж байсан Монголынхоо фенүүдийн уйдааг тайлж чадлаа. Энэ зун, намаржин Николь Шерзингер, Питбулл зэрэг гадаадын нэртэй хамтлаг дуучдын тоглолтын зард хууртагдсан үзэгчид энэ тоглолтоор цангаагаа тайлж, дараагийн Монголд ирж тоглох тоглолтыг хүлээх хүлээлт үүсчээ. Залуус бид бүхэн тэр бүр гадаадад очиж, ийм амьд тоглолтыг мэдэрч чаддаггүй. Эх оронд минь хэзээ ирж тоглох бол, ямар компани зохион байгуулж авчрах бол гэж горьдож суудаг. Бидний энэ горьдлогыг тайлж, анх удаагаа дэлхийд данстай хамтлагийн тоглолтыг Монголдоо зохион байгуулсан багийнханд үзэгчид онц дүн тавьж байна. Анхны эхлүүлсэн ажлаа амжилттай зохион байгуулж, үзэгчдээсээ онц дүн авсан Монголын Залуучуудын Холбоо, Evento компаний хамт олон дараагийн тоглолтоор залуусдаа бэлэг барих ажилдаа аль хэдийн ханцуй шамлан орсон гэнээ. 

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.