О.Магнай юу амжуулав?

2013/02/01
Share |
Хүмүүс: О Магнай | 
О.Магнай юу амжуулав?

Шударга өрсөлдөөн хэрэглэгчийн төлөө газрын даргаар мятаршгүй тэмцэгч О.Магнайг томилсноос хойш иргэд унтаад сэрэхэд шатахууны үнэ огцом нэмэгдэхгүй гэдэгт бага зэрэг итгэх болсон. Ямартаа ч ШӨХТГ ийм тийм ажил хийнэ, хийх гэж байна гэсэн мэдээлэл баахан гарсан. Харин бүгдээрээ дөрвөн сарын хугацаанд О.Магнай ямар ямар ажлууд хийснийг багцлан харах гээд үзье.

 

Сүү, тараг, жүүс үйлдвэрлэгч компаниуд бүтээгдэхүүнийхээ хайрцаг дээр иргэдийг төөрөгдүүлсэн мэдээлэл бичсэн гэж үзэн, үнэн бодит орц, найрлагыг монгол дээр бичиж байхыг үүрэгдэв. Үүний дагуу тараг, жүүс, сүү үйлдвэрлэгчид хуурай сүүгээр бүрсэн тараг, сиропоор найруулсан жүүс гэхчилэн тайлбарыг сав боодол дээр нь бичиж эхэлсэн.Өнгөрсөн 2012 оны нэгдүгээр сард үгсэн хуйвалдаж, шатахууны үнийг 230 төгрөгөөр нэмсэн нефть импорлогч найман байгууллагад оноогоод байсан 17 тэрбумын торгуулийг сэргээсэн. Улмаар дээрхи торгууулийг хүчингүй болгож цуцлаад байсан ШӨХТГ-ын дарга асан Б.Лхагва тэргүүтэй тус газрын Удирдах зөвлөлийн зургаан гишүүнийг Авлигатай тэмцэх газар /АТГ/-т шалгуулах хүсэлт гаргаж, түүний гомдлын дагуу АТГ-аас дээрхи гишүүдэд эрүүгийн хэрэг үүсгэн шалгаж эхлээд байна. 

 

Сургалтын төлбөрийг өөрсдийн дураар тогтоосон гэх үндэслэлээр МУИС, МУБИС, ЭМШУИС, ХААИС, ШУТИС, СУИС зэрэг сургуулиудыг хуйвалдааны журмаар үнэ нэмж болохгүй гэх шаардлагыг хүргүүлэн, 20-35 сая төгрөгийн торгууль оногдуулсан.Архи, пивоны сурталчилгааны хажууд заавал тухайн бүтээгдэхүүний хор хөнөөлийн  талаар санамж явах ёстой байдаг ч зарим пиво үйлдвэрлэгчид сурталчилгаандаа үүнийг хэрэглэдэггүй байсан. Тиймээс "Боргио", "Нийслэл" пивоны сурталчилгаанд санамж бичээгүй “АПУ” ХХК-д 10 сая төгрөгөөр торгожээ.  

 

Нарантуул”, “Хархорин” захын үүдээр орохдоо иргэд 50 төгрөгний хураамж төлдөг байсан. Энэхүү хураамжийг “Хэрэглэгчдийн эрх ашгийг хөндөж байна” гэж үзэн ШӨХТГ-аас таслан зогсоосон. Харилцаа холбооны зохицуулах хороо, Мэдээлэл харилцаа холбоо зэрэг байгуулагуудтай хамтран зохиогчийн эрхийг зөрчсөн, бусдын оюуны бүтээлийг хулгайлсан гэх Zaluu.com, Amjilt.com, Coolstayle.com, Dencel.com, Ineehuu.com зэрэг нэр бүхий 16 сайтын үйл ажиллагааны эрхийг цуцалсан.

 

“Тэнгис”, “Өргөө” кинотеатрууд өнгөрсөн хугацаанд кино бүтээгчдээс нийт тасалбарын орлогын 60 орчим хувийг “татдаг” байсан. ШӨХТГ-ын байцаагчид энэ байдалд шалгалт хийж, өнөөдрөөс эхлэн кино бүтээгчид орлогын 52-55 хувийг авч байх юм.  

 

Мөн өнөөдрөөс эхлэн манай улсын конины уран бүтээлчид шинээр гаргасан уран бүтээлийнхээ ашиг орлогыг хэвлэл мэдээллийн хэрэгслээр дамжуулан үнэн бодитоор мэдээлж эхэлнэ. Хуурамчаар буюу хууль бусаар шатахууны хомсдол үүсгэсэн гэх үндэслэлээр “НИК” компанийг өнгөрсөн арваннэгдүгээр сард 4.9 тэрбум төгрөгөөр торгосон.

 

Учир нь “Шатахууны нөөц хангалттай үед зөвхөн талонтой хэрэглэгчдэд үйлчлэх гэх мэт хязгаарлалт хийж болохгүй” гэж анхааруулсаар байтал тус компани өнгөрсөн оны арваннэгдүгээр сарын 6,7-нд дээрхи журмыг зөрчсөн гэж ШӨХТГ-аас үзэж байгаа. Энэхүү торгуулийг “Петровис” үндэслэлгүй гэж үзэн ШӨХТГ-ыг Захиргааны хэргийн шүүхэд хандаад байгаа юм. “DDish” кабелийн телевизийн хэрэглэгчид мөнгөө төлөөгүй тохиолдолд зөвхөн МҮОНТ-ийн сувгийг үнэгүй үздэг байсныг болиулж 10 суваг болгож өргөтгөсөн. Өнөөдрөөс эхлэн хэрэглэгч мөнгөө өгөөгүй байсан ч Монголын 10 сувгийг үнэгүй үзэж эхэлнэ.

 

“Номин”, “Миний дэлгүүр” зэрэг томоохон дэлгүүрүүд үйлдвэрлэгч, импортлогчдоос бараа бүтээгдэхүүний үнийн дүнгээс нэг хувийг суутгадаг авдаг байсан. Үүнээс гадна дээрхи дэлгүүрүүд нь тэр үнэ дээр “жижиглэнгийн үнэ зохионо” гэж дахин үнэ нэмдэг байсныг өнгөрсөн оны арванхоёрдугаар сарын 01-нээс болиулсан. Ам.долларын ханш 1400 төгрөг байхад задгай долларыг 1200 төгрөгөөр авч байсныг болиулж бүхэл, задгай долларыг нэг ханшаар авч байхыг арилжааны банкууд, валют солих цэгүүдийн удирдлагуудад анхааруулсан. 

 

ШӨХТГ-ын дарга О.Магнайгийн санаачилгаар Чингис хаан болон Соёмбо гэсэн нэрний патентийг төр өөрийн мэдэлд авч, удахгүй архи, тамхи болон үйлчилгээний байгууллагын аль нь ч энэ нэрийг хэрэглэхгүй байх шийдвэр тун удахгүй гарна. Чингис хааны албан ёсны хөргийг барааны шошго, рекламд ашиглахад Засгийн газраас зөвшөөрөл авч байх журмыг санаачлаад буй.  Вьетнам авто засварын газруудыг бусад засварын газраас хоёроос гурав дахин өндөр үнэтэй засвар хийдэг атлаа улсад татвар төлөхгүй байна гэж ШӨХТГ-ын байцаагчид үзсэн.

 

Өнгөрсөр арванхоёрдугаар сараас эхлэн вьетнам засварын газрууд зах зээлийн бодит ханшийн дагуу тогтсон үнэ тарифаар үйлчилж эхэлсэн. "Хүчит шонхор" захын түрээслэгч иргэдийн гомдын дагуу ШӨХТГ-ын дарга О.Магнай “Хүчит шонхор” захын түрээслэгчдийн эрх ашгийг хамгаалж, удирдлагуудын тулган шааарддаг, элдэв татвар авдаг, түрээсийн мөнгийг үндэслэгүйгээр нэмдэг үйлдлийг зогсоосон.“Жем интернэшнл” ХХК-ийг  зар сурталчилгааны тухай хуулийг зөрчин, олон нийтийн мэдээллийн хэрэгслээр архины зар сурталчилгаа түгээсэн гэж үзэн, үйл ажиллагаа явуулах эрхийг хоёр сарын хугацаатай түдгэлзүүлсэн.

 

Учир нь энэ сарын 1-нд TV7 телевизээр цацагдсан “Үлгэрийн хайр” киноны дундуур “Жем интернэшнл” компанийн дөрвөн төрлийн архины  сурталчилгааг ард нийтэд түгээж, Монгол Улсын хууль тотоомжийг зөрчсөн гэж үзсэн байна. Цагдаагийн ерөнхий газартай хамтарч гэмт хэрэг, захиргааны зөрчлийг илрүүлэх, бүртгэх, таслан зогсоох, урьдчилан сэргийлэх талаар хамтран  ажиллахаар болсон. Ингэснээр  хоёр байгууллага хамтарсан хяналт шалгалт хийх, иргэд, аж ахуйн нэгж, байгууллагад хуулийн зөвлөмж, зөвлөгөө өгөх, гарын авлага, сэрэмжлүүлэг тарааж,  нэгдсэн сургалт, зөвлөгөөн зохион байгуулж эхлэх бололтой. 

 

Үүрэн холбооны оператор компаниуд минутаас хэтэрсэн бол нэг бүтэн минутаар тооцдог байсныг энэ оны гуравдугаар сарын 1-нээс болиулахаар болов. Бид удахгүй утасны төлбөрийг секундээр нь хэмжиж төлдөг болно.Дараа төлбөрт хэрэглэгчээс үүрэн холбооны операторууд барьцаа мөнгө авдаг. “Мобиком корпораци”, “Юнител групп”, “Скайтел”, “Жи Мобайл” ХХК-иудад нийтдээ найман тэрбум төгрөгийн барьцааны мөнгө төвлөрчээ. Үүний сарын хүү нь 300 сая төгрөг болно.

 

Тиймээс дээрх хүүний мөнгийг иргэдэд гар утасных нь төлбөрөөс хасч тооцож байхаар шийдвэрлэсэн. Энэ ажил эхлэх шатандаа явж байгаа ажээ.   Сууц өмчлөгчдийн холбооны Дээд зөвлөлийг татан буулгах, хууль бусаар хуримтлуулсан хагас тэрбум төгрөгийг шийдвэрлүүлэхээр ШӨХТГ-ын дарга О.Магнай тус газрын шүүхэд өгөөд байна. О.Магнай “Сууц өмчлөгчдийн холбоо гэдэг байгуулага байсаар атал Дээд зөвлөл гэж бас нэг байгууллага байх ёсгүй” гэж үзэж байгаа. Үзэгчдийг хууран, бичлэг дээр “амаа хөдөлгөж” жүжиглэдэг дуучидтай ШӨХТГ-ынхан тулж ажиллахаар шийдсэн гэнэ.

 

Энэ талаархи мэдээллийг ирэх долоо хоногт хийх ба тэмцэлд гитарчин Өөжгий, МУГЖ Т.Ариунаа, “Номин талст” хамтлагийн дуучин Н.Хаянхярваа нар нэгдэх бололтой.

 

Д.ЖАРГАЛСҮРЭН Эх сурвалж: www.news.mn

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.