Загвар өмсөгч С.Сарнай хоёр дахь хүүхдээ өлгийдөж авахаар зэхэж байна
2017/06/14
Share |

Арлын Японд 12 жил амьдарч байгаад ирсэн гэх загвар өмсөгч бүсгүйг анх “Playboy Mongolia” сэтгүүлийн нүүрэнд нүцгэн зургаа авахуулахад олон хүн шүүмжилж байлаа. Түүгээр ч барахгүй, амрагийн явдлаараа “алдартай” олны танил хүүхнүүдтэй ихэд сүжирч, томоохон намын шинэ жилийн баярт дарга нарын нүдийг хужирлаж яваа нь олонд ил болсон. Төрийн шагналт, яруу найрагч Ш.Дулмаа гуайн зээ охин гэдгээрээ тун ч бахархаж явдаг С.Сарнай “Азийн топ модель”-иор шалгарч, улмаар “Азийн мисс”-ээр тодрон хэн болохоо харуулсан билээ.

Мисс, загвар өмсөгч бүсгүй маань хоёр жилийн өмнө “Монгол модель” агентлагийн загвар өмсөгч, хөлбөмбөгийн тамирчин Э.Мөнх-Эрдэнэтэй ханилж, хөөрхөн хүүгийн ээж болоод авсан. Хүүгээ хэдхэн сартай байхад нь загварын тайзнаа эргэн гарч, бүр “Яг түүн шиг” шоуны хагас финалын шалгаруулалт хүртэл амжилттай оролцсон С.Сарнайгийн авьяас чадварыг олон хүн биширсэн нь нууц биш. Түүнээс хойш реклам сурталчилгааны саналд “дарагдах” дөхөөд байгаа модель бүсгүй маань нөхрийгөө ч энэ ажилдаа уруу татсан юм.

Тэгвэл загварын ертөнцийн үлгэр жишээ хосууд маань тун удахгүй хоёр дахь хүүхдээ өлгийдөж авахаар зэхэж буй баяртай мэдээг дуулгая. Өдгөө зургаан сартай жирэмсэн гэдгээ олон хүнээс нууцалж явсан ч, С.Сарнай саяхны нэгэн өдөр “Яг түүн шиг” шоуны шилдэг оролцогчидтой хамт авахуулсан эдгээр зургуудаараа өөрийгөө “бариад” өгчихлөө. Түүнд баяр хүргэсэн үзэгч фэнүүдийнхээ сэтгэлд талархал илэрхийлсэн модель бүсгүй маань бяцхан хүүгээ ойрын хугацаанд дүүтэй болгохоор зорьсон нь энэ аж.

С.Бамбар

Нэр байна!
Нэр байна!
Нэр байна!
Нэр байна!
Нэр байна!
Нэр байна!
1 - 0
    Нэр байна!
    Нэр байна!
    Нэр байна!
    Нэр байна!
    Нэр байна!
    Нэр байна!
Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
АНХААРУУЛГА: Зочдын сэтгэгдэлд сайтын зүгээс ямар нэг хариуцлага хүлээхгүй! тэмдэгт.