”Хориотой загвар” кино үзэгчдийг байлдан дагуулж байна

2013/06/03
Share |
Хүмүүс:
”Хориотой загвар” кино үзэгчдийг байлдан дагуулж байна

Нэг хэсэг  нийслэл хотын маань бүхий л  кино театрууд гадаадын кино гаргаж өдрийн од шиг цөөхөн  Монгол кино хийгддэг байсан цаг саяхан. Тэгвэл энэ бүхэн ард хоцорч  манай улсад кино урлаг  ид хөгжиж олон сайхан киноноос үлгэр дууриалал сургамж  авч байгаа залуус цөөнгүй бий. Амьдрал гэдэг далайд бат сэлүүртэй түшиж тулах хэн нэгэнтэй байхдаа ямар жаргалтай байснаа оройтож ухаардаг нь хорвоогийн жам ч юм шиг. Тэгвэл оройтойгүй  байгаа дээрээ ухаарлыг олж авах хэрэгтэйг харуулсан  “Хориотой загвар” шинэ кино энэ сарын 25-нд нээлтээ хийсэн. Энэхүү киноны нээлтийн үйл ажиллагааг нээж урлаг соёлын бяцхан тоглолт болсон бөгөөд киноны баг хамт олон болон уран бүтээлчдээ  хамер жийп машины цуваагаар авчирсан нь олон хүмүүсийн гайхширлыг төрүүлсэн. Уг кинонд Монголын урдаа барьдаг нэртэй жүжигчид болох  МУГЖ  Б.Батзаяа, СТА  О.Бат-Өлзий, Д.Бямбацогт, Б.Навчаа, Д.Гүрсэд, Б.Эрдэнэчимэг, “Мөрөөдлийн театр”-ын жүжигчин Д.Баттөр буюу Батаа, залуу жүжигчин Б.Цэрмаа гэх мэт 25 уран бүтээлчид оролцжээ.  Энэхүү киноны гол дүрд “Хос Билгүүн Зул” комнанийн захирал залуу жүжигчин Б.Зулаа тоглосон бөгөөд мэргэжлийн биш гэхэд чамгүй сайн дүрийг гаргаж чадсан түүнийг магтах хүн цөөнгүй байна. Уг кино нь  загвар өмсөгч, дизайнер болон   түүний багийн хамтын ажиллагааг  илэрхийлж  уран бүтээлчид, жүжигчид нь өөрсдөө загвар өмсөгчид болж тайзнаа алхах нь хамгийн сонирхолтой хэсэг гэнэ. “Хориотой загвар” кино нь Тэнгис болон Соёмбо кино театруудын дэлгэцнээ өдөр бүр гарч байгаа бөгөөд кино театруудаар гарч байгаа хамгийн эрэлттэй киноны нэг болж чадаж байгаа юм байна.

З.Одончимэг

Танд манай нийтлэл таалагдаж байвал LIKE дараарай!