Эрүүл мэндээ бусдад биш өөртөө даатга

2013/09/07
Share |
Хүмүүс:
Эрүүл мэндээ бусдад биш өөртөө даатга

Эрүүл мэндээ эмнэлэгт даатгадаг байсан цаг саяхан. Өвдөхөөрөө эмнэлэгт очиж, эмчид үзүүлж, эм тан уучихаад явахад болчихно  гэж боддог байлаа. Гэвч үнэндээ эрүүл байх нь эмнэлгээс, эмчээс биш өөрөөс шалтгаалдгийг  ойлгож,  бусдад найдсан дэндүү ташаа бодлоосоо ичих болсон шүү. Хэрвээ би” Огцом эргэлт” кино, эрүүл мэндийн цуврал нэвтрүүлэг  үзээгүй  бол даралт ихсэх өвчтэй болсон хойноо  л  ухаарах ч байсан байж магадгүй. Өдөржин ажил дээрээ  компьютерээс салахгүй, гэртээ хариад буйдандаа шигдээд зурагтын суваг эргүүлээд  суучихна, эсвэл facebook-дээд завгүй. Энэ зуршилаас болоод ч тэрүү хүзүү хөшөөд, толгой эргэх, дотор муухайрах, нүд бүрэлзэх нь олонтаа. Биеийнхээ амрыг хараад, бас  болоогүй хурдан түргэн гээд  бэлэн гоймон, гамбургерт нугасгүй. Энэ бүхэн нь миний эрүүл мэндийг  “хөнөөж” байсныг ухаарсан  гэх үү дээ. Үүнээс хойш  эрүүл аж төрөх мэдээллийн эрэлд  гарсан хэрэг. Олон ч зөвлөгөөг цуглуулсан. Бас “Google” хэмээгч “шидэт” хайгчийн  тусламжтайгаар  Монголын Мянганы сорилтын сангийн Эрүүл мэндийн төслийн сайтад нэвтэрч орсон юм. Буруу хэвшлээсээ салах ухаарал хайрласан киног  ч энэ төслийнхөн санхүүжүүлж, Монголын үндэсний олон нийтийн телевизээр цацсныг олж мэдсэн хэрэг. Тэд халдварт бус өвчнөөс урьдчилан сэргийлэх, ухуулан таниулах,  сурталчилгаанд  онцгойлон анхаарч, монголчуудын буруу дадал зуршлыг өөрчлөхийн төлөө сэтгэл гарган зүтгэжээ гэсэн бодол төрсөн юм. Хэдхэн жишээ баримтыг дурдахад, ухуулга, нөлөөллийн ажиллагаанд зарцуулах хөрөнгөнд гар татаагүйг илтгэнэ.   13 компанит ажил, 37 уралдаан тэмцээн, 1 сая 198 мянга, 500 ширхэг хэвлэмэл материал, 22 шторк, 23 ток шоу, 160 радио нэвтрүүлэг, 60 тв нэвтрүүлэг, 150 сонины нийтлэл, 4 удаагийн орон нутгийн туршлага судлах аялал   зохион байгуулжээ.  Эрүүл мэндийг мэндийг дэмжих сүлжээнд 407 байгууллагыг нэгтгэж, хувийн хэвшлийнхнийг оролцуулж,  өрсөлдөөнт тэтгэлгийн хөтөлбөрөөр 219 төсөлд нийт 2,4 сая ам. доллар олгосон байх жишээний.  Ингэснээр  олон нийтийн эрүүл мэндийн мэдлэг нэмэгдэж,  хандлага өөрчлөгдөж,   амьдралын эрүүл хэв маягийг сонгох эхлэл тавигдаж буй.   Над шиг эмнэлэг, эмэнд шүтсэн бодол нь  өөрчлөгдсөн хүн ганц, хоёроор тогтохгүй шүү дээ. Бас дам нөлөө гэж бий. Нэг хүний бодлыг, зан үйлийг өөрчлөхөд тэдний  гэр бүлийнхэн, хамт олон, найз нөхдөд нөлөөлөх магадлалтай. Миний хувьд л гэхэд  хамтарч байр  хөлсөлдөг найз бүсгүйгээ гүйлтийн зам дээр өглөө бүхэн 30 минут алхуулдаг, цагаан биш хар талх сонгодог болгосон  гээд боддоо. Бас болоогүй ээ. Энэ зун амралтаараа  гэртээ хариад хэт таргалалтанд шаналсан  ээждээ, зүрх нь өвддөг болсон аавдаа ч эрүүл аж төрөхийн “нууцыг” сэнхрүүлж, одоо ч оройтоогүй гэдгийг ойлгуулсан юм. Тэгэхээр ниргэсэн хойно хашгирч байснаас урьдчилан сэргийлэх нь эрүүл байхын “түлхүүр”.  Гэхдээ  зөв хоолло, дасгал сургуулилт хий  гээд хүнийг шаардаад байх нь амаргүй. Бас үр дүн тааруухан.  Шахах, тулгах тусам хойш суудаг талтай. Хүний олон жилийн дадал зуршлыг ч өөрчлөхөд ч хэцүү л дээ.   Дугуй унах нь сайн, эрүүл мэндэд тустай гээд сурталчлаад байдаг ч замыг нь тавьж өгөхгүй бол байдал бахь байдгаараа. Цагаан гурилаар хийсэн бүтээгдэхүүн эрүүл мэндэд тустай биш, улам таргалуулдаг гэдэг ч   дэлгүүрт ороход хар гурилаар хийсэн талх, бүтээгдэхүүн байхгүй бол ямар сонголт хийх  нь тодорхой шүү дээ. Тиймээс Монголын Мянганы сорилтын сангийн Эрүүл мэндийн төслийнхөн  ухуулга, сурталчилгаа хийхээс  гадна орчин, нөхцөл,  боломжийг бүрдүүлээд өгвөл хүмүүсийн хандлага аяндаа  өөрчлөгдөж, зөв дадал зуршилтай болдгийг  ойлгуулж чадлаа, монголчуудад. Тус төслийнхөн  хүнс үйлдвэрлэгчидтэй удаа дараа уулзаж, хүн ардынхаа эрүүл мэндийг бодож, сахар , давсныхаа орцыг багасгах зөвлөмж, аргачлал хүргүүлж хамтарч ажилласны хүчинд үнэхээр дэвшил гарчээ. Өнөөдрийн байдлаар Улаанбаатар хотын хүн амын 70 гаруй хувь нь давс багатай талх хэрэглэдэг болсон байна. Учир нь “Талх чихэр” компани талхан дахь давсны агууламжаа 12 хувиар бууруулжээ.   Японд олон жил ажиллаж амьдарч байсан нэг танил маань “ Монголын талхнаас  хэт давс амтагдаад  идэж чаддаггүй байсан юм.  Японд давсны хэрэглээ маш бага шүү дээ. Харин сүүлийн үед “Талх Чихэр”-ийн хар талх нь давгүй юм билээ” гэж хуучлахад  гадаадад олон жил байсан гээд гайхуулаад байна гэж бодоод өнгөрч байлаа. Одоо бодоход дэндүү мэдээлэл муутай, давсны хэрэглээний талаарх ойлголт тааруухан байсны минь л илрэл. Нэгэнт хэрэглээд дассан хүмүүс ийм нарийн чимхлүүр зүйлийг мэдэрдэггүй, тоодоггүй байх л даа. Гэвч энэ нь таны эрүүл мэндтэй шууд холбоотой юм байна шүү дээ. Ийм буянтай үйлс хийж, монголчуудын сайн сайхны төлөө сэтгэлээ чилээж зүтгэсэн төслийнхөн  болон үндэсний хүнс үйлдвэрлэгчиддээ баярлахгүй байхын аргагүй.   Бас СҮҮ компани    тарагныхаа сахарын хэмжээг 3-5 хувиар бууруулж, тослогийн хэмжээ ялгавартай сүү, чихэрлэг багатай тараган бүтээгдэхүүн үйлдвэрлэж эхэлсэн чимэгтэй мэдээ сонор мялааж байна. “Зочин бууз”, “Хаан бууз” зэрэг сүлжээ гуанзны газрууд  хоолныхоо давсны агууламжийг ч бууруулжээ.  Энэ нь хүмүүст  сонголт хийх боломжийг олгож, хүмүүсийг эрүүл хооллох, амьдрах хандлага руу хөтөлж байгаа хэрэг. Бидний тэр бүр анхаардаггүй бас нэг асуудал бий. Ажил олгогч цалингаа хугацаанд нь өгөөд, ахиухан бол бүр аштай юу,  ажиллах нөхцөл сайтай бол болох нь тэр гэж  боддог. Өнөө цагт хүмүүс ихэнх цагаа ажлын байран дээрээ өнгөрүүлдэг. Гэртээ эрүүл мэнддээ анхаарч, аль болохоор зөв хооллох  гэж хичээдэг ч ажил дээрээ очихоор байдал бахь байдгаараа байвал яах уу. Төслийнхөн олон ч байгууллагуудад захидал илгээж,  төлөөлөлтэй уулзаж,зөвлөмж хүргүүлж, сургалт зохион байгуулж,  харилцан ярилцсны гавьяагаар  Монголд ажилтнуудынхаа эрүүл мэндэд санаа  тавьдаг ажил олгогч  нэмэгдсээр байна. 4-р ДЦС, “Гоёо”  гээд олон байгууллага  цайны газрынхаа  хоолны давсны агууламжийг бууруулаад зогсохгүй  ажилчдаа тогтмол эрүүл мэндийн үзлэгт хамруулж,   ажлын завсарлагаанаар дасгал хөдөлгөөн хийх боломжийг бүрдүүлж өгчээ.  Зарим  аж ахуйн нэгж дасгал хөдөлгөөн хийх танхимыг ч тусгайлан тохижуулсан байна. Ингэж орчныг бүрдүүлж өгөхөөр тухайн хүмүүс хүссэн хүсээгүй эрүүл мэндээ анхаардаг дадал зуршилтай болно. Энэ  нь нэг хүнийг тэг, ингэ гэж шаардахаас илүү үр дүнгээ өгч байна. Үнэхээр эрүүл хүн тухайн үндэстний баялаг төдийгүй  хөгжил өөд хөтлөгч нь   билээ. Д.Дэлгэр

Танд манай нийтлэл таалагдаж байвал LIKE дараарай!
Сэтгэгдэл
сүхээ Тэр киног хаанаас үзэж болох вэ
IP:124.158.107.58  2013-09-09 09:52:26
Bradley HjbIS3 http://www.FyLitCl7Pf7kjQdDUOL QOuaxTXbj5iNG.com
IP:188.143.232.22  2015-08-10 06:03:01
WinstonHEP Like most prescription drugs, erectile dysfunction pills possess their benefits as well as effects. Knowing about these well before you proceed can he helpful if actually start the ringing in the ears erectile problem. For females, there are less treatment options available in the forex market. Only one treatment may well worth mentioning here - Intrinsa, which can be bought in the involving a skin patch. The Intrinsa patch is made for ladies who experience the lowest sexual desire due to early surgical menopause. Intrinsa patches help to revive their sex drive, as small doses of testosterone, a sex hormone, is supplied to their blood flood. Many women lose testosterone regarding systems due to medical conditions and surgical procedures, with regard to example the associated with the ovaries or the uterus. http://www.denverpost.com/brea kingnews
IP:216.151.180.138  2015-09-11 09:20:15
JimmiXzS X4IQiE http://www.FyLitCl7Pf7kjQdDUOL QOuaxTXbj5iNG.com
IP:188.143.232.13  2016-10-15 00:45:04
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.