Африк гаралтай эрчүүдтэй суух шалтгаан

2014/11/18
Share |
Хүмүүс:
 Африк гаралтай эрчүүдтэй суух шалтгаан

 Европын улс орнууд юмуу Америкийн өөр өөр мужуудын эр нөхрүүдийн нийтлэг шинж чанартай та танил байж болох юм. Харин та Африк гаралтай эрчүүд эхнэр болон найз бүсгүйчүүдээ хэрхэн үзэж хүндэлдгийг мэдэх үү? Гэр бүл болон гэрлэлтийн байдал нь Африкийн соёл ахуйд олон янз сонирхол татахуйц байдаг бөгөөд эхнэр нөхрийн хоорондын харилцаа нь ариун нандин байдаг байна. Африк эрчүүд яагаад сайн эр нөхөр болдогийн 5 шалтгааныг дурдахад Энэ нь шинэхэн гэрлэсэн хосууд хүүхэдтэй болохоос ч өмнө эхэлнэ. Ихэнх африкийн ёс заншилд, хүү төрөх нь африк үндэсний гэрт хамгийн сайхан мартагдахааргүй үйл явдлын нэг болдог бөгөөд хүү нь угсаа залгамжлагч, аавынхаа шууд “үргэлжлэл” нь гэгдэх ба гэр бүлийнхээ өв хөрөнгийг цааш нь баяжуулж, гэр бүлийнхээ сүүлийн нэр буюу овгийг ирээдүйн үр удамдаа залгуулах нэгэн нь болдог байна. Эрэгтэй хүүхэд тиймээс гэр бүл дэх өөрийн үүрэг хариуцлагаа сайтар ухамсарлаж өсдөг учраас энэ нь хожмоо нь түүний ирээдүйн эхнэр нөхрийн харилцаанд ихээхэн нөлөөдөг. Тиймээс Африк эрчүүд сайн хань болдог тухай 5 шалтгаан:

1. Хамгаалагч. Тэр зүгээр л эр хүн байх хэрэгтэй байдаг. Ердөө л энэ. Энэ нь түүний эр хүний мөн чанар юм. Африк эр уулаасаа бахархагч, гэр бүлийнхээ арслан гэгддэг учраас хүч чадалтай байж бас харж хамгаалах үүднээс эхнэр хүүхдийнхээ ойр орчимд байдаг. Тиймээс гэр бүлд нь юу ч тохиолдсон түүнийг ч бас шууд дайраад өнгөрөхөөс аргагүй байдаг юм. Ийнхүү түүний гэр бүлээ харж хамгаалах чанар нь ямар ч эмэгтэй хүний хүсэл байдаг билээ.

 

2. Хангагч. Гэр бүлийнхээ хангагч, гэрийнхэндээ талхыг нь олж өгч байх үүрэг хариуцлага африк эр хүний сэтгэлд шингэсэн байдаг ба “эр хүн” болж өссөнтэй нь салшгүй холбоотой байдаг. Тэр зөвхөн өөрийн гэр бүлээ тэжээгээд зогсохгүй төрсөн гэр бүлийнхээ эцэг эхэд, ах, эгч, дүү нартаа ч үүрэг хариуцлагаа умартдаггүй юм. Ойр дотны тэдэндээ тусалсан түүний тусламж дэмжлэг ахан дүүс нарт нь үргэлж дурсагдаж байдаг. Африк эр хангагч байх үүрэг хариуцлагаа маш чухлаар авч үздэг учраас, бүр нөхцөл байдаг хүнд байсан ч тэрээр гэр бүлийн тэргүүн байх үүргээ хэзээ ч умартдаггүй зантай.

 

3. Үнэнч болон хүндэтгэлтэй. Африк эр хүний нас биед хүрсэн нэг тэмдэг нь гэрлэлт бөгөөд хүү өсөж эрийн цээнд хүрлээ гэсэн үг. Энэ алхмыг тэрээр чухлаар авч үзнэ. Түүний эхнэр, түүнийг өсгөсөн эцэг эх нь түүний гэрлэлтээр тодорхойлогдоно. Тиймээс гэрлэлтээ бат бөх байлгахаар хичээнэ. “Миний эхнэр”, “миний хүүхдүүд” гэсэн үгийг бахархан хэлнэ. Бат бөх гэр бүлтэй африк эр нийгэмдээ шууд л сайн нэр дагуулдаг заншилтай. Тэр гэгээнтэн биш болохоор гэрээс гарна, өөр бүсгүйтэй учир ургуулна, үүнийгээ сайн нуун дарагдуулдаг. Эхнэрээ үл ойшоох эр бусдаас бас хүндлэл хүртдэггүй бөгөөд нийгэмдээ элэг доог болно. Тийм эрийг нийгэм нь “адгийн шаар” гэж үздэг байна.

 

4. Сэтгэл нь амархан ханана. “Эр хүнийг өөртөө татах хамгийн амархан арга бол эдсийг нь цатгах” гэсэн африк үг бий. Хоолоор хангаж, түүний дуртай үндэсний

 

хоолыг хийж өгөх нь түүнийг аз жаргалтай болгох түлхүүр юм. Тэд бас сайхан хувцаслах дуртай, цэвэрхэн цэмбэгэр гэрт таатай ханддаг. Энэ утгаараа тэд амархан ч гэлээ харин үндэсний хоолыг нь бэлдэнэ гэдэг олон цаг шаарддаг байна.

 

5. Адал явдалд дуртай. Мэдэхгүй зүйлээ олж турших нь африк эрийн хувьд хэцүү зүйл биш. Тэр өөр ёс заншилтай бүсгүйчүүдтэй уулзаж болзох, тэдний сонин хачин зүйлүүдийг туршиж мэдэхээс гадна хамтрагчаасаа шинэ зүйлийг сурахдаа илүү нээлттэй байдаг. Цэцэг илгээх, дотуур хувцас худалдаж авах, романтик оройн зоогт урих зэрэг нь түүний гэр бүлийн амьдралд байнга тохиолдохгүй ч африк эрчүүдэд эдгээрийг зааж сургахад огтхон ч хэцүү биш гэдгийг хэлэх хэрэгтэй.

Али

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.