2015 онд дэлгэцнээ гарах онцлох 10 кино

2015/03/25
Share |
Хүмүүс:
2015 онд дэлгэцнээ гарах онцлох 10 кино

. Пэн (Pan)

Нээлт: 7 сарын 17

“Наманчлал” киногоороо ихэд алдаршсан Английн найруулагч Жо Райт хоёр зуун дамжсан сонгодог роман Анна Каренинаг 2012 онд дэлгэцийн бүтээл болгон гаргаснаас хойш 3 жилийн дараа дэлхийн хүүхдийн утга зохиол дахь алдарт дүр өтөлж хөгширдөггүй, үүрд хүүхдээрээ байх жаал Питер Пэн, шидэт арал дээрх түүний адал явдлыг дэлгэцнээ хүүрнэхээр шийджээ. Олон мянган бяцхан үзэгчид төдийгүй томчуудын зүрх сэтгэлд шингэсэн шидэт түүх үзэгчдийн зүрх сэтгэлийг догдлуулах кино болж чадсан эсэхийг энэ онд бид мэдэх нь ээ.
 
2. Гэтсэн бар, хүрхрэх луу: Илдний домог (Crouching Tiger, Hidden Dragon: Green Legend)
Нээлт: 8 сарын 28
Хятадын кунг фу, тулаант киноны оргил нь найруулагч Ан Лигийн “Гэтсэн бар, хүрхрэх луу” бүтээл гэдэгтэй маргах хүн цөөн. Харин энэхүү шидээвэр бүтээлийн үргэлжлэл хийгдэх болсон нь ихээхэн дуулиантай хэрэг байв. Тарантино, Вон Кар Вай зэрэг алдарт найруулагчдын “Биллийг устга”, “Их Мастер” зэрэг тулаант киноны тулаант хэсгийн найруулагч, тулааны дэглэгчээр ажиллаж байсан Ву-Пин Юэн алдарт бүтээлийн үргэлжлэлийг хийхээр сэтгэл шулуудан, бие даан найруулахаар болсон нь үзэгчдийн хүлээлтийг улам өндөрсгөж байна.
 
3. Хүйтэн дайны хөндөгдөөгүй тагнуулын түүх (Untitled Cold War Spy Thriller)
Нээлт: 10 сарын 9
Найруулагч Стивен Спилберг, кино зохиолчоор Коэний ах дүүсийн дүү Этан Коэн, гол дүрд Том Хэнкс, өөр ямар мэдээлэл хэрэгтэй гэж?
 
4. Цуст оргил (Crimson Peak)
Нээлт: 10 сарын 16
Латин Америкийн уугуул соёлын домог зүйн хүчтэй бэлгэдэл, оюун сэтгэлгээний жигтэй эрчмийг хадгалах мөртлөө холливудын өндөр ашигтай цувралуудыг ч амжилттай бүтээдэг найруулагч Гильермо дель Торогийн гот хэв маягийн аймшгийн кино энэ онд нээлтээ хийх болсон нь энэ төрөлд шимтдэг үзэгчдийн хувьд гайхамшигтай мэдээ болоод байна.
 
5. Жигшүүрт Найм (The Hateful Eight)
Нээлт: 11 сарын 13
Гэмт хэрэг, триллер төрлийг далд ёжлолтой дэлгэцнээ сүлэхдээ гарамгай найруулагч Квентин Тарантино сүүл үед вестерн кино хийх болов. Энэ оны сүүлээр түүний ахин нэг вестерн төрлийн шинэ бүтээл дэлгэцнээ гарах ажээ. 
 
6. Оддын дайн: Хүчний сэргэлт (Star Wars: The Force Awakens)
Нээлт: 12 сарын 18
Жорж Лукасын домогт “Оддын дайн” цувралын үргэлжлэл 32 жилийн дараа кино хорхойтнуудад хүрэх болсон нь энэ оны кино ертөнц дэх хамгийн дуулиант хүлээлтүүдийн нэг болоод байна. “Супер 8”, “Стар Трек”-ийн найруулагч Ж.Ж.Абрамс алдарт цувралыг үргэлжлүүлэхээр ийн зоригложээ. 
 
7. Бадарчлагч морьтон (Knight of Cups)
Нээлт: Тодорхойгүй.
40 гаруй жилийн кино карьерын түүхэндээ ердөө 6 кино бүтээсэн найруулагч Терренс Малик олон нийтэд төдийлөн танил биш ч арт киноны хорхойтнуудын хувьд онцлох уран бүтээлч. Түүний 7 дахь бүрэн хэмжээний бүтээл энэ онд нээлтээ хийхээр товлогдсон нь кино урлаг дахь гарцаагүй нэгэн онцлох үйл явдал юм.
 
8. Анир гүм (Silence)
Нээлт: Тодорхойгүй
Өдгөө 72 нас зооглож буй Мартин Скорсезе авьяас билэг хэзээ ч тэтгэвэрт гардаггүйг “Уолл стритийн чоно” бүтээлээрээ нотолсон билээ. 17-р зууны Япон улсад загалмайн шашныг сурталчлах хоёр санваартны тухай өгүүлэх түүхэн, драм төрлийн “Анир гүм” кино өвгөн Скорсезегийн бүрэн хэмжээний 24 дэхь бүтээл болох аж.
 
9. Хүүхэн (Agashi)
Нээлт: Тодорхойгүй
“Хуучин хүү” тэргүүтэй өш хонзонгийн гурвал бүтээлээрээ Солонгосын триллер төрлийн киног дэлхийн давцнаа гаргасан найруулагч Пак Чан-Ук англи хэлээр анхны киногоо гаргах зэргээр 6 жил эзгүй байсны эцэст эх орондоо эргэн ирж Сара Ватерсын триллер романаас сэдэвлэсэн шинэ бүтээлээ энэ онд гаргахаар ажиллаж буй нь ази кинонд шимтэгчдийн хувьд сэтгэл сэргэм мэдээ болоод байна.
 
10.Төрөлх доголдол (Inherent Vice)
Нээлт: Тодорхойгүй
Найруулагч П.Т.Андерсоны шинэ кино “Төрөлх доголдол” 2014 оны 12 сарын 14-нд Америкийн цөөн тооны кино театруудад нээлтээ хийсэн боловч олон улсад энэ оны 1 сарын 9-нд нээлтээ хийхээр хүлээгдэж байна. “Төрөлх доголдол” бүтээл энэ оны гарцаагүй нэгэн онцлох киногоор нэрлэгдэж буйн учир найруулагчийн онцгойд юм. 
 
/tegsheemovie.blogspot.com/-оос авав
Танд манай нийтлэл таалагдаж байвал LIKE дараарай!
Сэтгэгдэл
przpwts c5zyHZiivduaiczmpt, [url=http://vneefqiwrdvf.com/] vneefqiwrdvf[/url], [link=http://vyelsdphrzwe.com/ ]vyelsdphrzwe[/link], http://rzpydhznbyaw.com/
IP:46.161.9.31  2016-11-15 14:12:38
ErickVes wh0cd4431261 buy viagra
IP:46.161.9.20  2017-06-04 02:35:49
ErickVes wh0cd723052 celexa generic Provera 10 Mg
IP:46.161.9.20  2017-07-20 11:28:35
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.