Б.Амарсанаа: “Монгол шуудан”-гийн захирлын томилгоог хууль ёсны дагуу хийх хэрэгтэй

2015/04/14
Share |
Хүмүүс:
Б.Амарсанаа: “Монгол шуудан”-гийн захирлын томилгоог хууль ёсны дагуу хийх хэрэгтэй

"Монгол шуудан" ТӨХК-ны захирал Ц.Батсайханыг ажлаас нь халсан нь энэ салбарын ажилчдын эсэргүүцэлтэй тулаад байгаа билээ. ТӨХ-ны гаргасан энэ шийдвэрийг илт хууль зөрчсөн гэж үзэж байгаа  юм. Тэгвэл “Монгол Шуудан" ТӨХК-ны Төлөөлөн Удирдах Зөвлөлийн хараат бус гишүүн Б.Амарсанаа энэ асуудлаар байр сууриа илэрхийлж, Ц.Батсайханыг хуучин албан тушаалд нь эргэн томилохыг уриалжээ.

Тэрбээр “2015 оны 4-р сарын 10-ны баасан гарагийн өглөө ТУЗ-ын нарийн бичгийн дарга утсаар холбогдож үдээс хойш ТУЗ хуралдаж магадгүй, бэлэн байна уу гэж асуусан. Тэр өдрийнхөө оройн 19.00 цагийн үед гүйуцэтгэх захирал Ц.Батсайханыг ажлаас чөлөөлсөн, мөн шинээр дарга томилогдож байгааг дуулгасан. Энэ нь төрийн өмчит хувьцаат компанийн гүйцэтгэх захирлыг томилох, өөрчлөх хууль журмыг зөрчсөн  болж байна. Гүйцэтгэх захирлыг томилох, өөрчлөх нь ТУЗ-ын хурлаар оруулж шийдэх асуудлын нэг. Мөн Төрийн өмчийн хороо тогтоол гаргаж, ТУЗ-ын ирц бүрдсэн тохиолдолд, гишүүдийн олонхын саналаар хурлын шийдвэр хүчин төгөлдөр болох ёстой. Бидний яриад байгаа ил тод байдал хаана байна вэ?

 Энэ бүх үйл ажиллагаа хаалга цаана болсон юм шиг санагдсан. 2015 оны 4-р сарын 10-ны өдрийн ТУЗ-ын хурлын гүйцэтгэх захирлыг солих удирдамжийг Төрийн өмчийн хорооноос гарсан байна лээ. Үүнээс харахад ТУЗ гишүүддээ мэдэгдэлгүй, ТУ-ын нарийн бичгийн даргын оролцоогүй хуралдсан байна.

Гүйцэтгэх захирлыг сольж өөрчилж болно. Хамгийн гол ньдүрэм журмынхаа дагуу, хэн хэндээ хүндэтгэлтэй хандсан бол энэ асуудал хүнд байдалд хүрэхгүй байсан. Монголын тээвэр, холбоо, газрын тосны ҮЭ-үүдийн холбоо, “Монгол шуудан” ТӨХК-ийн ҮЭ-ийн холбоо, шууданчдаас Ц.Батсайхан захирлыг ажлаас нь халахыг эсэргүүцсэн албан бичиг ирсэн байна. Үүнээс харахад тэр хүний тухайн албан тушаалд байх хугацаандаа хийснийг олон хүн үнэлж байна. Хараат бус гишүүний хувьд Ц.Батсайхан захирал шуудан холбооны салбарт олон жилийн туршлагатай. Тиймээс ажилчдынхаа итгэл найдварыг хүлээж чадсан сайн удирдагч. Мөн “Монгол шуудан”-гийн үйл ажиллагааг олон улсын түвшинд хүргэхийн төлөө хүчин зүтгэж яваа нэгэн. Тэр хүний шуудангийн салбарт оруулсан хувь нэмэр тун их. Жишээ нь 2014 онд 3-4 шинэ үйлчилгээ нэвтрүүлсэн, борлуулалтыг 3 дахин нэмэгдүүлсэн. Миний санал бол гүйцэтгэх захирлыг томилох, өөрчлөх үйл ажиллагааг хууль ёсны дагууд дахин шийдвэрлэх нь зүйтэй гэж үзэж байна" гэжээ.

 

Танд манай нийтлэл таалагдаж байвал LIKE дараарай!
Сэтгэгдэл
zochin Demjij bna.
IP:103.26.193.143  2015-04-14 15:35:22
Зочин Хамт олонмэдэж баигаа биз.Ажлыг нь зүгээр хийлгээч.
IP:202.21.106.141  2015-04-15 11:47:49
Зочин Хамт олонмэдэж баигаа биз.Ажлыг нь зүгээр хийлгээч.
IP:202.21.106.141  2015-04-15 12:07:42
ywyrlhxtrq fAYGaQagxvbkpnldxv, [url=http://ahdrxnxkbfje.com/] ahdrxnxkbfje[/url], [link=http://qtzusworabny.com/ ]qtzusworabny[/link], http://rsetoxyibcev.com/
IP:46.161.41.199  2015-08-01 02:48:31
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.