Өөртөө хууль бусаар 8 сая төгрөгийн цалин олгосон ХӨСҮТ-ийн даргын цалинг 20 хувиар бууруулжээ

2015/06/24
Share |
Хүмүүс:
Өөртөө хууль бусаар 8 сая төгрөгийн цалин олгосон ХӨСҮТ-ийн даргын цалинг 20 хувиар бууруулжээ

Энд тэндэхийн дарга даамлууд өөртөө нэмэлт цалин олгодог жишиг тогтоо юу даа. Угаасаа байсан л зүйл байх. Сүүлийн үед л ил гараад байгаа болохоос биш. Саяхан АТГ-аас томилогдсон ажлын хэсэг ХӨСҮТ-д авлигын эсрэг хууль тогтоомж хэрхэн хэрэгжиж байгаатай танилцах зорилгоор ажиллажээ. Гэтэл тус төвийн дарга Д.Нямхүү нь өөртөө 8 сая гаруй төгрөгийн цалинг хууль бусаар олгосон нь тогтоогдсон байна. Тэрээр өнгөрсөн 2014 онд л гэхэд зургаан тушаал гаргаж хууль бусаар 5.522.304 төгрөгийн урамшуулал авчээ. Хууль бус үйлдэл нь илрээгүйд урамшсан бололтой энэ онд есөн тушаал гаргаж 3.125.154 төгрөгийг цалин хэлбэрээр авсан аж. Д.Нямхүү нь Нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 11 дүгээр зүйлийн 11.1-д “...өөрийн хувийн ашиг сонирхлыг хөндсөн захиргааны акт гаргахыг хориглоно”, мөн хуулийн 8.1-д заасны дагуу “...ашиг сонирхлын зөрчилгүй гэдгээ илэрхийлсэн мэдэгдэл гаргах” үүргээ хэрэгжүүлээгүй зөрчлийг удаа дараа гаргасан байна. Тиймээс ХӨСҮТ-ийн захирал Д.Нямхүүд Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 29 дүгээр зүйлийн 29.2.4-т заасны дагуу “нийтийн албанаас халах” хариуцлага тооцуулахаар АТГ-аас ЭМС-ийн сайд Г.Шийлэгдамбад албан бичиг хүргүүлсэн аж. Харин Г.Шийлэгдамба сайд Д.Нямхүүд гурван сарын үндсэн цалинг 20 хувиар бууруулах сахилгын шийтгэл ногдуулсан байх юм. Удаа дараа зөрчил гаргаж хувьдаа мөнгө завшсан хүнд гурван сараар цалингийн 20 хувиар бууруулах нь нүдээ олсон гийтгэл мөн гэж үү. Ер нь л мөнгө завшсан хүнд цалинг нь 20 хувь бууруулдаг мода тогтоод байна уу гэх хардлага өөрийн эрхгүй төрж байлаа.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.