”Марко Поло”-д тоглосон монгол жүжигчид эх орондоо ирлээ

2015/09/15
Share |
Хүмүүс:
”Марко Поло”-д тоглосон монгол жүжигчид эх орондоо ирлээ

“Монгол эмэгтэйчүүд бүгд морин дэл дээр төрдөг” гэж Марко Поло тэмдэглэсэн байдаг.    Тиймээс энэхүү кинонд Монголын Хубилай хаан, түүний дайчин хөвгүүдийг баатруудын дүрийг харуулах учиртайг киноны уран бүтээлчид манай оронд ирэхдээ хэлж байсан билээ.

Тэгвэл тус киноны Монгол дахь үйл ажиллагааг хариуцсан продюссер М.Оргилын хэлснээр  “Марко Поло” киноны хоёрдугаар бүлэгт Монголын талаас гол дүрийн дөрвөн жүжигчин байхаас гадна олны хэсэгт тоглох 50, орлон тоглох 20 гаруй хүнийг сонгон шалгаруулна гэж байсан юм. Кинонд монгол хэлээр тог­лох гурван гол дүр байгаагаас Сорхугтани хатанд, Сорхугтани хатны аав Чахахамбу, 12 настай Хубилайгийн дүрийг монгол жүжигчид монгол хэлээр тоглосон байхаар төлөвлөсөн гэж байсан.

Шалгарсан жүжигчид зургадугаар сарын 20-нд Унгар улсыг зорьж анхны зураг авалтдаа оролцсон бол өнөөдөр эх орондоо ирээд байгаа аж. Энэ талаар продюссер М.Оргил өөрийн фэйж хуудсаараа дамжуулан мэдээлжээ. Тэрбээр "Өнөөдөр өглөө 07:00 цагт Буянт-Ухаад "Марко Поло" кинонд Монгол Улсын Засгийн газрын дэмжлэгтэйгээр тоглосон 30 гаруй уран бүтээлч ирлээ. Тэд маань Унгарт гурван сар зурганд ороод эх орондоо ирж байгаа юм. Монгол Улсынхаа түүх соёлыг сайн сурталчиллаа. Та бүхэндээ баяр хүргэе. Уг чухал ажлыг дэмжсэн Ерөнхийлөгч Ц.Элбэгдорж, Ерөнхий сайд Ч.Сайханбилэг, УИХ-ын дарга З.Энхболд, Соёлын яам, Сангийн яамны хамт олондоо баярлалаа" хэмээжээ.


Э.Мөнх

Эх сурвалж: www.mminfo.mn

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8810-1274 утсаар хүлээн авна. тэмдэгт.