Талийгаач Уитни Хьюстон тайзан дээр эргэж ирнэ

2015/09/17
Share |
Хүмүүс:
Талийгаач Уитни Хьюстон тайзан дээр эргэж ирнэ

2012 онд 48 насандаа талийгаач болсон, америкийн дуучин Уитни Хьюстон ирэх 2016 онд голограмм хэлбэрээр тайзан дээр эргэн ирж ая дуугаа өргөнө гэнэ. АНУ-ын “Голограмм АНУ” гэдэг компанийн мэргэжилтнүүд, дуучны эгч Пэт Хьюстонтой хамтран энэ төсөл дээр ажиллаж эхэлжээ.
 

“Уитниг нас барахад би үхтлээ харамссан. Түүнийг дэлхий дахинаа эргэн харуулах боломжийг судалж үзээд өөрөө голограмм бизнес хийдэг болохоор найдлага байна гэж бодсон юм” гэж компанийн ерөнхий захирал Алки Дэвид хэлжээ.

Энэ шоу нь дуучны шүтэн бишрэгчдэд дэлхийн дуу хөгжмийн нэгэн гайхамшигтай од, дуучны бодит төрхийг харуулж, дуу хөгжмийн нь өвийг үргэлжлүүлэх боломж олгоно гэдэгт Грекийн тэрбумтан итгэлтэй байгаа юм байна.
Дуучин жүжигчин Уитний Хьюстоныг 2012 оны хоёрдугаар сарын 11-нд америкийн Лос-Анжелосын Beverly Hilton зочид буудлын өрөөнд нас барсан байхыг нь олсон юм. Хууль сахиулагчид дуучныг усанд орж байхдаа тохиолдлоор живсэн гэж үзсэн. Гэхдээ  кокаин хэрэглэснээс болж зүрх нь хаагдсан гэсэн таамаг бас байгаа юм.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.