“Цензургүй сурвалжлага” нэвтрүүлгийг гаргаагүй шалтгаанаа тайлбарлах “шаардлага” хүргүүлжээ

2016/03/16
Share |
Хүмүүс:
“Цензургүй сурвалжлага” нэвтрүүлгийг гаргаагүй шалтгаанаа тайлбарлах “шаардлага” хүргүүлжээ

Олон нийтийн анхаарлыг сүүлийн үед ганцхан зүйл ихээр татаж байгаа. Тэр бол мэдээж Мүүнийн урсгалын талаархи мэдээлэл, түүнтэй тэмцэж буй гэх Цэнхэр үст эмэгтэйн үйлдэл юм. Өнгөрөгч долоо хоногийн баасан гарагт С1 телевизээр “Цензургүй сурвалжлага” нэртэйгээр “Мүүн”-ий гаж урсгалын талаархи сурвалжлага нэвтрүүлэг гарах байсан ч дээрээс хаасан гэх шалтгаанаар нэвтрүүлгийг гаргаагүй. Харин ч сохорсон биш завшав гэгчээр сошиал ертөнцөөр нэвтрүүлгийг цацсанаар илүү олон хүнд хүрч, Мүүнийг эсэргүүчэгчдийн тоо огцом нэмэгдэж, цахим ертөнц тэр чигээрээ энэ сэдвээр амьсгалан амралтын өдрийг үдсэн. Тэгвэл Монгол Улсын харилцаа холбооны зохицуулах хорооноос “Цензургүй сурвалжлага” нэвтрүүлгийг гаргаагүйтэй холбогдуулан С1 телевизэд шаардлага хүргүүлжээ. Тус шаардалагад “Сүүлийн үед олон нийтийн дунд Мүүний урсгалын талаар хүчтэй яригдаж, энэхүү сэдвийг баримт, нотолгоотойгоор олон нийтэд хүргэнэ хэмээн зарлаад байсан “Цензургүй сурвалжлага” нэвтрүүлгийг хөтөлбөрт туссан цагийн хуваарийн дагуу нэвтрүүлээгүй, хэвлэл мэдээллийн эрх чөлөөнд халдлаа, ямар нэгэн эрх бүхий байгууллага, албан тушаалтан телевизээр гарах, нэвтрүүлгийг хаалаа гэх агуулга бүхий гомдол саналууд тус хороонд ирсэн болно. “Цензургүй сурвалжлага” нэвтрүүлгийг ямар шалтгааны улмаар хөтөлбөр дээр дурдсан хуваарьт цагт нэвтрүүлээгүй талаарх дэлгэрэнгүй тайлбар, нотлох баримтыг 2016 оны гуравдугаар сарын 16-ний өдрийн дотор тус хороонд яаралтай ирүүлнэ үү. Цаашид холбогдох хууль тогтоомж, нөхцөл шаардлага, тусгай зөвшөөрлийн гэрээгээр хүлээсэн үүргээ мөрдөж ажиллахыг үүгээр мэдэгдэж байна” гэжээ.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.