Гэртээ хүүхэд хардаг ээжүүдийг ”Брэнд хатагтай” биширчээ

2016/05/25
Share |
Хүмүүс:
Гэртээ хүүхэд хардаг ээжүүдийг ”Брэнд хатагтай” биширчээ

Монголын тэргүүн баячуудын нэг гэгддэг УИХ-ын гишүүн О.Содбилэгийн гэргий Э.Туулыг дээдсийн хүрээнийнхэн “Брэнд хатагтай” гэж өргөмжлөгддөг. Тэд өдгөө өнөр бүлийн эзэгтэй болоод байгаа юм.

Чинээлэг нөхрийнхөө эд хөрөнгөнд дулдуйдан зүгээр суухыг хүсдэггүй гэх тэрбээр нэгэн "Хайрын хурим" нэртэй хуримын хувцасны салон ажиллуулж, сэтгүүл эрхлэн, хүмүүнлэгийн ажилд гар бие оролцонгоо, өндөр үнээр сурталчилгааны зураг авахуулдаг бүсгүй.

“Ажигана” компанийнхаа дэргэд  тахианы аж ахуйн фирм байгуулж, эх орныхоо хөрсөнд тарьж ургуулсан түүхий эдээр тэжээл боловсруулах шинэ технологийг нэвтрүүлэхээр зорьсон Э.Туул хатагтай тун ч зоримог алхам хийснээр барахгүй асар их хэмжээний хөрөнгө оруулалтаар хөл дээр нь босгоод байгаа юм.

Харин тэрбээр өдгөө гэртээ сууж хүүхдүүдээ хардаг бүсгүйчүүдийн "мундаг"-ыг гайхсаар сууна.

Өөрийн цахим хуудаснаа "Өнгөрсөн долоо хоногт хүүхдүүдийг маань харж тусладаг хайрт эгч маань эмнэлэгт хэвтээд би хүүхдүүдээ харж гэрээсээ гаралгүй хэдэн хоног бүтэн өдөр гэртээ байв. Би ажил хийж ихэнхдээ орой 5-6 гээд гэртээ ирдэг ээж л дээ. Хүүхдүүдээ харж гэртээ өдөржин байдаг ээж нарыг үнэхээр хүндэлж, тэвчээр, ухааныг нь биширч дахин дахин магтмаар байна аа.
Хичнээн мундаг охин гэртээ үнсгэлжин шиг бүгдийг амжуулж мундаг байгаа бол гэж бодохоос энэ постыг бичих юмсан гэж бодсоор яваад сая нэг бичлээ" гэжээ.

Танд манай нийтлэл таалагдаж байвал LIKE дараарай!
Сэтгэгдэл
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.