Баярлалаа, ”Ice Top”

2016/09/03
Share |
Хүмүүс:
Баярлалаа, ”Ice Top”

“Ice Тop” хамтлаг тун удахгүй буюу энэ сарын 9-нд Төв цэнгэлдэх хүрээлэнд 20 жилийн ойн тоглолтоо хийх гэж байгаа билээ. Энэхүү тоглолтын ерөнхий зохион байгууулагч, спонсороор Дэлхийн Монголчууд Глобал нийгэмлэг ажиллаж байгаа юм.

 

Тэдний үнэнч фенүүдээ зориулан тоглох гэж буй “Баярлалаа” тоглолтын тасалбар ирэх даваа гарагаас эхлэн худалдаанд гарна. “Баярлалаа” тоглолтын тасалбар 5000 төгрөг бөгөөд VIP тасалбар 100 мянган төгрөг байна гэсэн шүү. Мэдээж тэдний 20 жилийн ойн тоглолтод монголын хамтлаг дуучид хамгийн өргөн бүрэлдэхүүнтэйгээр энэ л тайзнаас тэдний хамт мэндчилэн нэгэн үдшийг бут авах нь ээ.

 

Монголын анхны хип хоп хамтлагуудын нэг болох тус хамтлагийнхан урын сандаа нийт 250 гаруй уран бүтээлтэй, Монголын хип хоп хамтлагийн шилдгүүдийн нэг юм.Тэд 1998 оноос эхлэн үзэл бодлоо бүжгээр бус хип хоп үг хэллэгээр, түүн дотроо урлаг яруу найраг шударга үнэн үгийг хэлэх ёстой” гэж үзэн 1998 оны аравдугаар сарын 13-ны өдөр Монголын анхны хип хоп хамтлагуудын нэг болж, найман хүний бүрэлдэхүүнтэй байгуулагдсан 

 

Гэхдээ “Ice top” хамтлаг анх 16 хүний бүрэлдэхүүнтэй рэп бүжгийн хамтлаг байсан бөгөөд бүжгийн хамтлаг нь анх 1996 онд нэгдэн нийлсэн бөгөөд үүнээсээ хоёр жилийн дараа буюу 1998 оны аравдугаар сарын 13-нд найман гишүүнтэйгээр Монголын анхны хип хоп хамтлагуудын нэг болон байгуулагдаж байсан түүхтэй. 

 

ICETOP хамтлаг нь 1998-2011-он хүртэл 18 жилийн хугацаанд бие даасан 10 том тоглолтыг хийн үзэгч фенүүдийгээ байлдан дагуулсаар ирсэн.

 

Тодруулбал тэд,

 

Санаа нэг 2000.03.18-нд (Топ тен)

 

Энэ миний хайр 2000.10.21-нд (Топ тен)

 

Hip Hop мандтугай 2001.02.03-нд (Монгол бөхийн өргөөнд)

 

Бид одоо хүүхэд биш 2002.01.26-нд (UB-Palace концертийн их танхим)

 

Уйлах эрхгүй хайр 2003.02.03-нд (UB-Palace концертийн их танхим)

 

Хайраа надаас асуу 2004.02.18.19-нд (UB-Palace концертийн их танхим)

 

Сүлжээ 2005.01.21.22-нд (UB-Palace концертийн их танхим)

 

Hip Hop сургууль 2005.09.01-нд (UB-Palace-ийн Open-Air)

 

Саак 2006.06.09-нд (UB-Palace-ийн Open-Air)

 

Гараа өргөцгөөе 2008.11.08-нд (UB-Palace концертын их танхим)

 

Тэд Улаанбаатар хотод бие даасан бүрэн хэмжээний тоглолт 10 удаа хийсэн байна. Хамтлагийн хамгийн анхны цомог нь “Шүтээн минь” нэртэй байсан бөгөөд уг цомог нь тухайн үед хит болж байсан дуунуудаас нь бүтсэн. Үүний дараагаар “One time”, “Hit collection”, “New life” зэрэг олон цомгоо гаргасан нь бүгд амжилттай болж байлаа. “Ice Top” хамтлаг 2001 оны “Алтан шонхор” наадмын шилдэг хип хоп хамтлаг, 1998-2000 оны “Одод болохын хүслэн”, “Ирээдүйн одод” тэмцээний тэргүүн байранд орж байв.

 

ОХУ-ын хип хоп хамтлаг “КАСТА”- тай ОХУ-ын Эрхүү хотод 2006 онд хамтран тоглосон. БНСУ-ын “BABY VOX” “GAMBLER” хамтлагтай Улаанбаатар хотод 2006 оны арванхоёрдугаар сард хамтран тоглож байсан. Хамтлаг нь дээр дурьдсан тоглолтуудаас гадна Монгол Улсын 21 аймгаар хоёр удаа тойрон, Өвөр монголын Шилийн гол, Бээжин хот, ОХУ-ын Эрхүү, Улаан-Үд, БНСУ-ын Сөүл хот, Английн Лондон , Манчестр хотод сурч, ажиллаж байгаа монголчууддаа зориулан аялан тоглолт хийсэн. Энэ оны нэгдүгээр улиралд АНУ-ын долоон хотод тоглох гэж байна. Мөн нийгмийн ажилд идэвхтэй оролцдог бөгөөд хандивын болон буяны тоглолтуудыг удаа дараа зохион байгуулж байсан. Хүүхдийн асран хамгаалах төв, Өндөр настангуудын халамжийн төв, Хүүхдийн урьдчилан хорих төв, Засан хүмүүжүүлэх төвүүдээр сайн дурын үнэ төлбөргүй хандивын тоглолт, арга хэмжээг зохион байгуулсан. Тэдний хөдөлмөрийг үнэлж нийслэлийн Хүүхэд залуучуудын газраас “Нийслэлийн шилдэг залуу” Алтан медалиар шагнажээ.

 

ICE TOP хамтлагийн тухай 24 баримт:


2. Хамгийн анхны дуу: “Санаа нэг”

3. Хамгийн анхны клип: “Хип хоп мандтугай” дууны клип

4. Хамгийн анхны цомог: 10 хит дуунаас бүтсэн “Шүтээн минь” цомог

5. Хамгийн анхны тоглолт: 2000 оны гуравдугаар сарын 18-нд “Санаа нэг” нэртэйгээр тоглож байсан.

6. Анхандаа тэдний дууг FM радио, телевизүүдээр цацдаггүй байсан. Энэ нь тухайн үеийн хүмүүс хип хопыг ойлгодоггүй байсны дээр хэт задгай үг хэллэгтэй гэсэн шүүмжлэлд байнга өртдөг байв.

7. Хамтлаг анх ОB, Коби, Татар, Ice cool, Thug зэрэг найман гишүүнтэйгээр байгуулагдаж байсан бөгөөд гишүүд нь олон удаа солигдсон.

8. 2000-аад оны эхэн үеийг тэдний мандан бадралын үе гэж хэлж болно. Энэ үед тэд "Санаа нэг", "Энэ миний хайр" зэрэг олон хит дуугаараа залуусыг байлдан дагуулж байсан бөгөөд одоогоор Ice top уран сандаа нийт 250 гаруй дуутай.

9. Тэд 2001 онд “Алтан шонхор” наадмын шилдэг хип хоп хамтлаг, 1998-2000 оны “Одод болохын хүслэн”, “Ирээдүйн одод” тэмцээнүүдэд тэргүүн байранд орж байжээ.

10. Хамтлагийн залуус байгуулагдсан цагаасаа хойш нийгмийн ажилд идэвхтэй оролцож, хандивын болон буяны тоглолтуудад олон удаа оролцож байсан.

11. Зарим нэг нь Ice top-ыг Монголд анхны регги дууг дуулсан хамтлаг гэдэг. Тэдний регги стилиэр дуулсан "Сүлжээ" дуу нь хар тамхи мансууруулах бодисыг олон нийтэд сурталчилсан хэмээн ихээхэн шүүмжлэлд өртсөн юм.

12. Хамтлаг 18 жилийн түүхэндээ Улаанбаатар хотод 14 бие даасан тоглолтоо хийсэн байдаг. Мөн 2006 онд ОХУ-ын “КАСТА”, БНСУ-ын “BABY VOX” зэрэг хамтлагтай хамтран тоглож байсан. Дээр дурьдсан тоглолтуудаас гадна Монгол Улсын 21 аймгаар хоёр удаа тойрон, Өвөр монгол, ОХУ, БНСУ, Англи, АНУ-д сурч, ажиллаж байгаа монголчууддаа зориулан аялан тоглолт хийсэн байдаг.

13. Хамтлагийн гишүүд гадны аян дээр дуу хийдгээ нуудаггүй. Тэдний анхны дуунуудын нэг "Энэ миний хайр" ч мөн та бидний хэлж заншсанаар "хулгайн дуу" аж. Тэд "Оникс" хамтлагийн хэд хэд бий.

14. Хамтлагийн гишүүн Бадгаа нэг хэсэг багын анд Манлайтайгаа өрх тусгаарлан “S and I” хамтлагийг үүсгэн байгуулсан. Тэд хэд хэдэн уран бүтээл хийсэн бөгөөд удалгүй Ice top-доо эргэн ирсэн юм.

15. 2006 он хүртэл Ice top тасралтгүй уран бүтээл хийж байсан ч "Гараа өргөцгөөе" тоглолтоосоо хойш тэд уран бүтээлээ түр завсарласан. Энэ үедээ тэд хэрэг төвөгт ихээхэн оролцолдож байсан нь тийнхүү уран бүтээлээ завсарлахад хүргэсэн гэж үздэг.

16. Хамтлагийн гишүүд удаа дараа хар тамхи мансууруулах бодистой холбоотой гэмт хэрэгт холбогдож байсан. Тухайлбал тэд 2007 онд “Харанга”-ын Лхагвасүрэн, Дижитал, Guys-666 хамтлагийн гишүүдийн хамтаар хар тамхи татсан, зарж борлуулсан гэх үндэслэлээр шалгагдсан юм. Мөн хамтлагийн гишүүн Коби хар тамхины нэг төрөл болох “мөс” (ice) хэмээх бодисыг хууль бусаар олж авч хэрэглэсэн гэх хэрэгт “Дижитал” хамтлагийн ахлагч Баавартай хамт холбогдон шалгагдаж байв.

17. 2011 онд хамтлагийн дуучин Бадгаа буюу С.Бат-Отгон Шведийн иргэншил хүсч тус улсад амьдарч байхдаа хүний аминд хүрсэн бөгөөд тэрээр энэ хэргийн улмаас 13 жил хоригдох ял сонссон юм. Түүний ялыг нутагт нь эдлүүлэхээр ойр дотны хүмүүс нь одоо хэр нь хөөцөлдсөөр байгаа.

18. Хамтлагийн гишүүн Коби өнгөрсөн жил нэгэн сайтын сэтгүүлчийг зодож шуугиан дэгдээж байсан бөгөөд түүнийг Монголын сэтгүүлчдийн эвлэл шүүмжилж байсан удаатай.

19. Ice top 15 жилийнхээ ойн тоглолтыг дөрвүүлээ хийж байв.

20. Тэрхүү 15 жилийн ойн тоглолтын үеэр Манлай, Ice Cool Коби Татар нар СТА цол тэмдгээр энгэрээ мялаасан юм. Хамгийн сүүлд хэдхэн хоногийн өмнө Хаагий СТА болсон.

21. Хамтлагийн гишүүдийн бүтэн нэрийг мэдэх хүн цөөн. Тухайлбал Хаагийг Б.Хатанбаатар, Бадгааг С.Бат-Отгон, Кобиг С.Чулуунбаяр, Татарыг Бат-Оргил, Ice Cool-ыг Б.Оргил гэдэг аж.

22. Ice top 2011 оноос хойш сар шинийн баяраар тоглолт хийдэг болсон бөгөөд тэд хамгийн сүүлийн тоглолтоо энэ сарын 2-нд буюу шинийн 2-нд хийсэн билээ.

23. "Best of Ice top" тоглолтын үеэр тэдний найз “Хялар” Билгүүн тайзан дээр бүрэн нүцгэлж үзэгчид рүү бэлэг эрхтэнээ гаргаад авсан нь шуугиан тарьсан.

24. "2014 оны 07 сарын 16"-ны өдөр хамтлагийн гишүүн Хаагий буюу Э.Хатанбаатар таалал төгсжээ.Тэд өнгөрсөн 20 жилийн турш монголын хип хоп урлагт өөрсдийн хувь нэмрээ оруулан өнөөдрийг хүртэл асаж дүрэлзсээр байгаа юм.

Танд манай нийтлэл таалагдаж байвал LIKE дараарай!
Сэтгэгдэл
rekoloas Купить Ð·Ð°ÐºÐ»Ð°Ð´ÐºÑ ƒ в городе Москва купить бошки, шишки, амф, кокс, кокаин, лсд купить бошки, шишки, амф, кокс, кокаин, лсд ЗакладкР¸ шишки в НефтеюгР°Ð½ÑÐºÐµ КолхициР½Ð¾Ð²Ñ‹Ðµ алкалоиР´Ñ‹ купить бошки, шишки, амф, кокс, кокаин, лсд Спайс краснодР°Ñ€ закладкР¸ купить бошки, шишки, амф, кокс, кокаин, лсд купить бошки, шишки, амф, кокс, кокаин, лсд ТиоктовР°Ñ кислота – свойствР° и сфера применеР½Ð¸Ñ ЗакладкР¸ шишки в БалтийсРºÐµ купить бошки, шишки, амф, кокс, кокаин, лсд купить бошки, шишки, амф, кокс, кокаин, лсд ЗакладкР¸ гашиш в БогданоР²Ð¸Ñ‡Ðµ АнонимаР¹Ð·ÐµÑ€ | Список бесплатР½Ñ‹Ñ… прокси, анонимаР¹Ð·ÐµÑ€ купить бошки, шишки, амф, кокс, кокаин, лсд амфетамР¸Ð½ ртуть купить бошки, шишки, амф, кокс, кокаин, лсд David rio chai купить в москве Адреса на закладкР¸ героина ЗакладкР¸ Ð¼ÐµÑ‚Ð°Ð¼Ñ„ÐµÑ ‚амин в ВоскресРµÐ½ÑÐºÐµ купить бошки, шишки, амф, кокс, кокаин, лсд купить бошки, шишки, амф, кокс, кокаин, лсд агеев кокаин Синие кристалР»Ñ‹ ЗакладкР¸ Ð¼ÐµÑ‚Ð°Ð¼Ñ„ÐµÑ ‚амин в Усмани купить бошки, шишки, амф, кокс, кокаин, лсд купить бошки, шишки, амф, кокс, кокаин, лсд Ð˜Ð½Ð´Ð¸Ð²Ð¸Ð´Ñ ƒÐ°Ð»ÑŒÐ½Ð°Ñ аптечка аи Спайс россыпь в СретенсРºÐµ купить бошки, шишки, амф, кокс, кокаин, лсд купить бошки, шишки, амф, кокс, кокаин, лсд купить бошки, шишки, амф, кокс, кокаин, лсд купить бошки, шишки, амф, кокс, кокаин, лсд ЗакладкР¸ методон в Няндоме купить бошки, шишки, амф, кокс, кокаин, лсд Купить Соль Легалка
IP:193.93.192.142  2018-07-06 10:16:15
ТАНЫ СЭТГЭГДЭЛ
Таны нэр:
АНХААРУУЛГА: Уншигчдын бичсэн сэтгэгдэлд factnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 8919-9080 утсаар хүлээн авна. тэмдэгт.